Jude 1:8 - De Beebaa Dabu

⁸ Gai e bei ai hogi dagodo o de gau naa, alaadeu midi e hai gilaadeu gi haia denga dahulinga hai be se manu, gilaadeu ne hagangadi mee gilaadeu iai ssauaa e dagi ai, ma de pasa hagangadi mee i de gau de langi mahamaha laa.

Jude 1:8 Iomraidhean Croise

Genesis 3:5

Gai de Maadua e iloo bolo de laangi naa huu ooluu e gai ai hua o de manu laa, gai ooluu mada gu maahuge; gooluu gu bei dagodo o de Maadua gu iloo tanuaa ma de baubau.”

Exodus 22:28

Aude basa hagamalaia i de Maadua aabe go dahi dagi o doo huaadangada.

Proverbs 30:11

E hanu dangada e hagamalaia olaadeu damana gai e dee hagamanuuia olaadeu dinana.

Proverbs 30:17

Tangada e hakadanga i dono damana ma de kino i de hagallongo ange gi dono dinana e naonao ina naa luoono hadu mada i denga raven o de geelonga, ma de gaina i denga vulture.

Ecclesiastes 10:20

Koe gi dee hagamalaia ina de hodooligi i oo lodo, aabe gi hagamalaia ina tangada lava i lo te aabi oou e seni ai; go hiidinga dahi manu lele o lo te moana e maua i de kave au muna, gai dahi manu lele e maua i de hagadele au muna e tala.

Numbers 16:3

Gilaadeu ne loomai ga hagadaumee ange gi Moses ma Aaron, ga hai ange gi gilaau, “Gu gona odi ooluu mee e hai! Dangada alodahi o Israel e dabu, gai Tagi Maolunga e noho i olaadeu daha. Gai gu aha gooluu gu hai ai naa gooluu gi maolunga ange i de hagabuulingaa dangada o Tagi Maolunga?”

Luke 11:25

Gai de masavaa huu oona ne ahe mai ai, gai ia gu gidee bolo de mommee laa gu lava i de hagagilimalali ma gu hagadanuaa.

Luke 12:11

Noo gilaadeu gu kave goodou gi synagogue e hagamodu ai oodou muna i mada i mua o denga dagi ma gilaadeu iai ssauaa, gai goodou aude manavasaa i doodou hai e pasa ange ai gi gilaadeu, aabe go oodou muna e tala ange gi gilaadeu.

Luke 19:14

Aagai dangada o dono henua e kino i de ia, gai gilaadeu ga hai gi hano dahi dangada sui gi hai ange, ‘Gimaadeu e dee llodo tangada naa gi hodooligi i omaadeu elunga.’

Acts 23:5

Aagai Paul ne hai ange, “Denga daina, au tee iloo donu bolo ia go tangada haimeedabu maolunga; go hiidinga gu sisi e hai ange, ‘Aude daalaa hanu muna baubau i tagi o doo huaadangada.’ ”

Acts 7:27

Gai taane ne haia ange laa de baubau gi dono soa ne hai ange gi Moses, ‘Goai ne hagasula ina goe go demaadeu dagi aabe go tangada e hagamodu ina omaadeu muna?

Acts 7:39

Aagai odaadeu dubuna madagidagi tee llodo e hagallongo ange gi de ia, gilaadeu ne hagangadi mee ia, ma de maanadu i olaadeu lodo de aahe gi Egypt.

1 Corinthians 3:17

Gai noo dahi dangada e oha de temple o de Maadua, gai de Maadua e daa donu ia gi magau. Go hiidinga de temple o de Maadua e dabu, gai go goodou donu de temple laa.

1 Thessalonians 4:8

Deenei ai, tangada e hagangadi mee ina hainga nei e dee hagangadi mee dangada, gai ia e hagangadi mee donu de Maadua, go de ia ne gaavadu gi goodou dono Hagasaalunga Dabu.

1 Timothy 1:10

ma gilaadeu e dagodo haisala, ma denga daane e dagodo haisala madali denga daane, ma gilaadeu e hagao ina dangada gi daha, ma de gau hadu muna, ma dangada e oohaa alaadeu hagatoo donu, aama de hai mee alodahi e hai baasi ange laa gi denga agoago heohi,

Hebrews 13:17

Hagallongo ange gi oodou dagi, ma de hagadubu gilaadeu, i hiidinga go gilaadeu e diiloo adu goodou i de baasi gi de hagasaalunga, gai gilaadeu e tala ange naa dagodo o alaadeu hegau gi de Maadua. Goodou haia gi malangilangi gilaadeu i de hai alaadeu hegau, goodou gi dee hagadaemaha ina gilaadeu, go hiidinga e dee haigamaiana adu gi goodou.

1 Peter 2:17

Goodou hagadubu ina dangada alodahi: aaloha ange gi denga daina ange laa, madagu i de Maadua, gai hagadubu ina de hodooligi maolunga.