Jude 1:7 - De Beebaa Dabu

⁷ Gai e bei ai hogi dagodo o Sodom ma Gomorrah, aama denga aduhale e paa ange gi kilaa, i hiidinga gilaadeu ne hai denga dahulinga hai be se manu ma dahulinga hakino gee e dee hai i daho dangada; gilaadeu ne hagaduasala i de ahi e dee ngado mai, e hai ai dahi hagaago ange gi dangada.

Jude 1:7 Iomraidhean Croise

Genesis 13:13

Gai de gau Sodom ni dangada baubau, ma de kona de haisala ange gi Tagi Maolunga.

Genesis 18:20

Gai Tagi Maolunga, ne hai ange, “Muna hagabaubau o Sodom ma Gomorrah gu kona donu de lagolago, gai olaadeu haisala gu kona mmao de hagadaemaha.

Genesis 19:5

Gai gilaadeu ga hagahi a Lot, ga hai ange gi de ia, “I hee iai luu daane ne loomai laa gi doo hale anaboo nei? Hagassao ina mai gilaau, gai gimaadeu ga dagodo haisala ma gilaau.”

1 Kings 22:46

Gai ia ne aau gee denga daane hai be ni manu i mommee o denga diinonga, ne doe laa i de masavaa o dono damana go Asa.

Isaiah 1:9

Noo Tagi o denga hagabuulinga hebagi tee hagaola hanu odaadeu momo dangada, gai gidaadeu ne bei donu dagodo o Sodom, gidaadeu gu bei dagodo o Gomorrah.

Isaiah 13:19

Babylon, de hadu hagamogomogo a denga nohoanga hodooligi, gai go de mahamaha o de gau Babylon e hagamaolunga ai laa, e oohaa naa e de Maadua, bei dagodo o Sodom ma Gomorrah.

Isaiah 33:14

De gau haisala i Zion gu maatagu mmao; dangada e dee hai lodo o de Maadua gu bolebole: “Goai de gidaadeu e maua i de noho madali de ahi e duungia laa mee? Gai goai de gidaadeu e maua i de noho i de mommee iai de ahi e ula laa ga hano ai?”

Jeremiah 20:16

Tangada laa gi bei denga aduhale a Tagi Maolunga e oha laa, ia e dee lodo aloha ange donu aagena; ia gi langona de hevaalogi o dangada i taiao, gai ia gi langona longo o de hebagi i de madohi lua o de laangi,

Jeremiah 50:40

Bei de hai a de Maadua ne oha ai laa Sodom ma Gomorrah madali denga mommee e paa ange gi kilaa, go Tagi Maolunga e hagadaba, gai e deai naa donu dangada e nnoho gaainga i kilaa gai e deai naa hogi dangada e nnoho i kilaa.

Lamentations 4:6

De hagaduasala o ogu dangada gu kii ange i de hagaduasala o Sodom, go de aduhale ne moolau laa donu huu de oha, gai tee se dangada donu ne oohaa.

Hosea 11:8

Ephraim, e maua e au i de tili goe? Israel, e maua e au i de dugu goe gi hano? E maua e au i de hai goe bei dagodo o Admah? E maua e au i de hai goe bei dagodo o Zeboiim? Ogu lodo gu dee baba mmao, au gu dee maua i de golomagi dogu lodo aloha.

Amos 4:11

Au ne hagadee kii hanu goodou, bei dagu hai ne oha ai laa Sodom ma Gomorrah. Goodou ne bei dagodo o de laagau ne aau mai laa i lo te ahi ula; aagai goodou tee aahe mai gi de au, go Tagi Maolunga e hagadaba.

Matthew 10:15

Ni muna abodonu aagu e hai adu nei gi goodou, Sodom ma Gomorrah e danuaa ange i de aduhale laa i de laangi hagamodu muna.

Matthew 11:24

Aagai au e hai adu gi de goe, de hagaduasala o Sodom e maamaane ange i doo hagaduasala i de laangi hagamodu muna.”

Matthew 25:41

Aagai ia e hai ange naa gi dangada i dono masui, ‘Goodou hulo gee mai i ogu daha, goodou gu hagamalaia, e tili ange gi lo te ahi e deai laa se ngado mai, gu hagadabena ange laa gi de ia hagabaubau laa ma ono dangada de langi!

Luke 17:29

aagai de laangi huu o Lot ne hano gee mai ai i Sodom, gai de ahi ma denga maga ahi ga too iho i de langi ga daa gu maakau gilaadeu alodahi.

1 Corinthians 6:9

Goodou e dee iloo laa bolo dangada e haia mee dee heohi e dee maua donu i de ulu i de nohoanga hodooligi o de Maadua? Goodou gi dee daahangadia donu huu goodou: gilaadeu e dagodo haisala, ma gilaadeu e daumaha ange gi denga diinonga, ma gilaadeu e gaiaadia bodu o dangada, ma denga daane e dagodo haisala ma denga daane,

Deuteronomy 29:23

De henua alodahi e daakodo ai naa denga soolo ma lehu — gu deai manu e ssomo ai, e deai hogi manu e matili age ai, gai gu deai manu e maua gi ssomo ai. Gai e oha naa bei dagodo o Sodom ma Gomorrah, ma Admah ma Zeboiim, go mommee a Tagi Maolunga ne oha i dono lili ma dono bole.

2 Thessalonians 1:7

ma de hagamaamaane oodou lodo i doodou vaivai haia aama gimaadeu hogi, i de laangi o Tagi Maolunga go Iesu e hagasula mai ai i de langi, madali ono dangada de langi mmahi,

2 Thessalonians 1:8

ma de ahi ula, ga hagaduasala gilaadeu e dee iloo de Maadua, ma dangada e dee daudali i de longo danuaa o taadeu Dagi Maolunga go Iesu.

2 Peter 2:2

Gai e soa naa dangada e daudali ange i alaadeu dahulinga baubau; go hiidinga o alaadeu hegau e hagabaubau ina ai de Haiava o de Heohi.

2 Peter 2:6

noo ia ne hagaduasala Sodom ma Gomorrah, ga dudu luu mommee laa ga hai gu ni lehu, ma de hai luu mommee laa gi se ada e hagaago mai ai mee e hai ange gi de gau baubau;

2 Peter 3:7

Gai go muna mau nei hogi e hagadabena ange ai de langi ma henua i lalo nei, e dudu i de ahi, ma de dugu ange gi de laangi hagamodu muna ma de daa ai gi maakau de gau baubau.