Jude 1:16 - De Beebaa Dabu

¹⁶ De gau bee nei ni dangada e nnanu, ma de hagabaubau dangada; gilaadeu e hai hegau donu i olaadeu lodo haisala, gilaadeu e tuhi donu huu gilaadeu, aama de hagasegesege ange dangada gi maua ai olaadeu mee e llodo ai.

Jude 1:16 Iomraidhean Croise

De Beebaa go Job 32:21

Au e dee hilihili dangada aabe e hagasegesege ange dahi dangada.

De Beebaa go Job 34:19

Go ia e dee hilihili dangada ange gi dagi o de henua, gai e dee kii ange dono abodonu ange gi de gau lava i de gau hagaau aloha, go hiidinga go ia ne haia gilaadeu alodahi.

Psalm 106:25

Gai gilaadeu ne nnanu i lodo olaadeu hale malo, gai tee hagallongo ange gi muna a Tagi Maolunga.

Psalm 15:4

Ia e kino i tangada e haia de baubau, aagai e hagadubu gilaadeu e maatagu i Tagi Maolunga; ia e hagasula dana mee gu hagatoo donu ai, e dee galemu donu de hai ngadaa;

Psalm 17:10

Gilaadeu e hagamakaga olaadeu lodo, gai gilaadeu e pasa hagamaolunga.

Psalm 73:8

Gilaadeu e doo mee ma de pasa baubau i dangada; gilaadeu e hagamaatagu dangada i de hagamaolunga.

Proverbs 28:21

De hilihili dangada e dee se hegau danuaa; aagai tangada e hai naa donu de mee dee heohi i hiidinga o de ngadi gaavange hagasenga.

Isaiah 29:24

Dangada gu haisala laa e aahe ange naa ga tonu ange; gilaadeu e nnanu laa e hagallongo naa agu agoago.”

Leviticus 19:15

Aude hagahaisala ina de hagamodu muna heohi; aude haia gi dagodo gee dau hai e hai ai tangada hagaau aloha ma tangada lava, aagai koe gi hagamodu ina muna o tangada e baa adu gi de goe i de heohi.

Numbers 14:36

Gai go denga daane a Moses ne hai laa gi hulo gi mulidagi ina de henua, gai ne aahe mai ga hai de hagabuulingaa dangada alodahi ga nnanu i Tagi Maolunga, i delaadeu gaamai hanu longo baubau o de henua,

Numbers 16:11

Deenei ai, go Tagi Maolunga donu oodou e hai baasi ange naa aagena. Gai goai go Aaron, gai goodou ga hai baasi ange ai naa gi de ia?”

Numbers 16:41

De laangi i dua mee nei, gai de hagabuulingaa dangada alodahi o Israel ne nnanu i Moses ma Aaron, ga hai ange, “Gooluu gu daa ma gu maakau dangada o Tagi Maolunga.”

Luke 15:2

Aagai denga Pharisee ma de gau sisi ne nnanu ga hagataba, “Tangada nei e abodonu ange gi de gau haisala ma de gaimee madali gilaadeu!”

Luke 19:7

Gai de masavaa huu a dangada ne gidee ai mee laa, gai gilaadeu alodahi ga nnanu, ga hagataba, “Ia gu hano gi de hale o dahi daane haisala.”

Luke 5:30

Gai denga Pharisee ma de gau sisi ga nnanu ga hai ange gi ana dangada agoago, “Gu aha goodou gu gaimee ai naa ma de unu madali dangada e hagabudulia taagisese ma de gau baubau?”

John 6:41

Gai de gau Ssuu ga nnanu i de ia, go hiidinga ia ne hagadaba, “Go au de pelaoaa ne hano iho laa i de langi.”

John 6:61

Gai ga iloo huu e Iesu bolo ana dangada agoago soa e nnanu i dagodo o de mee nei, gai ia ga hai ange gi gilaadeu, “Goodou gu llodo baageaa naa i muna nei?

1 Corinthians 10:10

Aude nanu, bei dagodo o hanu gilaadeu, gai gilaadeu ne daia ga maakau e tangada de langi o de magau.

Galatians 5:16

Aagai au e hai adu, goodou seesee i lodo o de Hagasaalunga ⌊Dabu⌋, gi dee hagassula ina ai e goodou lodo o de angaanga.

Galatians 5:24

Gai dangada alodahi o Klisdo Iesu gu lava i de daa gi maakau lodo o de angaanga aama ana maanadu alodahi.

Deuteronomy 1:27

Gai goodou ne nnanu i lodo oodou hale malo, ga hagataba, “Go hiidinga Tagi Maolunga e kino i gidaadeu, deelaa ai, ia ne hagassao mai gidaadeu i Egypt e gaavange gidaadeu gi de gau Amor gi daia gi maakau.

Philippians 2:14

Goodou haia mee alodahi i tee nnanu aabe go de hagadaumee,

1 Thessalonians 4:5

Goodou gi dee hai hegau i denga lodo haisala i oodou lodo bei dagodo o denga Gentile, go dangada e dee iloo e gilaadeu de Maadua.

1 Timothy 6:5

ma tee heloongoi magavaa de gau maanadu baubau, e dee iloo laa e gilaadeu de muna abodonu. Gilaadeu e maanadu bolo alaadeu hai daumaha e hai ga maua e gilaadeu sseene lagolago.

2 Timothy 4:3

I hiidinga e dae mai naa de masavaa a dangada e dee llodo ai e hagallongo denga agoago heohi, gai ga daudali ange i gilaadeu e agoagona mee olaadeu e malangilangi i de hagallongo.

1 Peter 1:14

Gai goodou gi bei dagodo o denga dama e hagallongo i muna, goodou gi dee ago ange i denga hagadaagangaa lodo baubau nogo daakodo laa i oodou lodo i de masavaa oodou nogo llodo ssenga ai.

1 Peter 2:11

Ogu daina hagamogomogo, au e hagammahi adu goodou e nnoho gaainga ma de mavaevae saele, gi dilia lodo haisala o de angaanga, go mee e hai baasi ange laa gi oodou hagasaalunga.

1 Peter 4:2

Gai dono masavaa e mouli ai i de angaanga nei, gai ia gu dee hai lodo o de angaanga, aagai gu hai lodo o de Maadua.

2 Peter 2:10

Gai mee nei e hai ange naa donu gi gilaadeu e hai hegau i denga lodo hakino gee, aama de hagangadi mee gilaadeu iai ssauaa e dagi ai. De gau bee nei e hagamaolunga, ma de hai alaadeu hai, gilaadeu e dee maatagu donu i de pasa baubau i de gau de langi mahamaha laa;

2 Peter 2:18

Gilaadeu e pasa hagassoenga i mee e deai haigamaiana, gai e hai hegau i lodo hakino gee o de angaanga ma e hagasengalia laa dangada, se goodo ola mai laa i daho dangada e mouli dee heohi.

2 Peter 3:3

Gai deenei tahi mee hugadoo oodou e hai gi iloo: de gau doo mee e loomai naa ga doo mee i denga laangi hagaodi. Gilaadeu e daudali naa donu huu i olaadeu lodo dee heohi.

Jude 1:15

e hagamodu muna o dangada alodahi, ma de hagabuu ange sala gi de gau baubau alodahi i hiidinga alaadeu hegau baubau alodahi gu hai, aama muna alodahi a de gau baubau ma de haisala ne hai baasi ange ai gi de ia.”

Jude 1:18

Gilaadeu ne hai adu gi goodou, “Denga laangi hagaodi naa huu gai gu loomai de gau doo mee, gai gilaadeu ga hai hegau i olaadeu lodo baubau laa.”