Jude 1:11 - De Beebaa Dabu

¹¹ Gilaadeu e vakaa naa donu! Go hiidinga gilaadeu e seesee i de haiava o Cain, ma de hai gi maua alaadeu mee, bei hegau dee heohi a Balaam, gai gilaadeu e maakau bei dagodo o Korah i de hai alaadeu hai.

Jude 1:11 Iomraidhean Croise

2 Kings 16:16

Gai tangada haimeedabu go Uriah ne hai donu ga bei muna a de hodooligi go Ahaz gu tala ange.

Isaiah 3:11

E vakaa naa tangada baubau! Ia e hai ngadaa naa! Ana hegau ne hai e aahe ange naa donu huu gi de ia.

Isaiah 3:9

Olaadeu mada e hagabaubau donu huu gilaadeu; gilaadeu e hagaago mai olaadeu haisala bei Sodom; gilaadeu e dee hagammuni donu olaadeu haisala. E vakaa naa gilaadeu! Gilaadeu e hagaduasala donu huu gilaadeu.

Jeremiah 13:27

Au gu gidee dagodo o doo dagodo haisala, ma doo senga ange gi de hai be se manu, ma dahulinga hakino gee, i honga denga duuduu ma lodo duu malaelae. Jerusalem, e vakaa naa goe! Go aahee maa loo oou e maua ai gi gilimalali?”

Ezekiel 13:3

E hagadaba de Ia Aamua go Iahweh: E vakaa naa denga pelaabisi llodo ssenga e haia laa donu huu olaadeu lodo, gai au tigi hakide ange donu gi gilaadeu i midi hagaago ange!

Micah 6:5

Ogu dangada, goodou manadua hagasaele a de hodooligi o Moab go Balak, gai aahee muna a Balaam tama daane a Beor ne basa ange ai; manadua mee ne hai i doodou loomai i Shittim gi Gilgal, gai gi iloo ai e goodou dagodo hegau heohi a Tagi Maolunga!”

Zechariah 11:17

E vakaa naa tangada hagaloosi deai ono haigamaiana, go de ia ne dilia de hagabuulingaa ssiibi! De gadilaasa gi duudia dono lima ma dono ganomada madau! Dono lima masui gi magau, dono ganomada madau gi dee gide!”

Numbers 31:16

Tilo, aanei denga haahine ne daudali i muna a Balaam i Peor, gai gilaadeu ga hai ai de gau Israel gi hai baasi ange gi Tagi Maolunga. Gai deelaa de mee ne haia ga humai de mee hagamaakau, gi honga o de hagabuulingaa dangada o Tagi Maolunga.

Matthew 11:21

“E vakaa naa goe, Korazin! E vakaa naa goe, Bethsaida! Go hiidinga noo denga mee hagalele mouli ne hai i ooluu daha ne hai i Tyre ma Sidon, gai dangada i kilaa ne daahuli olaadeu lodo madagidagi, ga kahu i malo daladala ma de hulu i lehu.

Deuteronomy 23:4

Go hiidinga gilaadeu tee loomai e hedae adu gi goodou, ma de gaamai hanu pelaoaa be ni vai, i de masavaa oodou ne loomai ai i Egypt, aagai gilaadeu ne hagao ange Balaam, tama daane a Beor, taane Pethor i Mesopotamia, ia gi humai gi hagamalaia ina goodou.

Hebrews 11:4

De gai o Abel ne hai ga maua e ia de hai dahi ssigidaumaha e danuaa ange laa i ssigidaumaha a Cain. Gai ia ne hagabinga bolo se daane e heohi i hiidinga o de mee nei, gai de Maadua ne malangilangi i ana mee ngadi gaavange. Gai ia e duudagi donu de basa iainei i dono gai, e dee galemu donu ia gu magau.

2 Peter 2:15

Gilaadeu gu tili de haiava heohi, ma de daahuli gee ai. Gilaadeu gu daudali ange i de haiava o Balaam tama daane a Beor, go taane ne nnoo ange laa gi goloa e maua i hegau baubau.

1 John 3:12

Gidaadeu gi dee bei dagodo o Cain, ia se dama nii de ia hagabaubau, gai ia ne daa ga magau dono daina daane. Gai aahee hiidinga aana ne daa ai dono daina ga magau? Go hiidinga ana hegau e baubau, gai hegau a dono daane e heohi.

Revelation 2:14

Aagai e hanu agu momo mee e hagasee ai goe: e hanu dangada i oodou magavaa e daohi agoago a Balaam, taane ne agoagona ange Balak gi haia gi haisala de gau Israel, gai gi gaina ai e gilaadeu mee gu sigidaumaha ange gi denga diinonga, aama de hai denga dahulinga hai be se manu.