Jude 1:1 - De Beebaa Dabu

¹ Mai i daho Jude, tangada hai hegau o Iesu Klisdo, taina daane o James. Ange gi dangada a de Maadua gu hagahia laa, ma de hagamogomogo i daho de Maadua Tamana ma de buibui i daho Iesu Klisdo.

Jude 1:1 Iomraidhean Croise

Matthew 10:3

Philip ma Bartholomew, Thomas ma Matthew taane hagabudu taagisese, ma James tama daane a Alphaeus ma Thaddaeus;

Matthew 13:55

E aha, e dee go tama daane a de labagau deenei? Gai e dee go Mary de ingoo o dono dinana? Aagai e dee go James, ma Joseph, ma Simon, aama Judas ono daina daane?

Mark 3:18

ma Andrew, ma Philip, ma Bartholomew, ma Matthew, ma Thomas, ma James tama daane a Alphaeus, ma Thaddaeus, ma Simon de Zealot,

Mark 6:3

E dee deenei de labagau, go tama daane a Mary, taina daane o James, ma Joses, ma Judas, aama Simon? Gai ono daina haahine e dee nnoho nei hogi madali gidaadeu?” Gai gilaadeu tee hagadonusia ia.

Luke 6:16

ma Judas tama daane a James, aama Judas Iscariot, taane ne gaavange laa Iesu.

John 12:26

Be goai e hai hegau mai gi de au, gai ia gi daudali mai i de au. Gai go hee naa huu oogu iai, gai go kilaa hogi o dogu dangada hai hegau iai. Gai dogu Damana e hagadubu tangada e hai hegau mai gi de au.

John 14:22

Judas (e dee go Judas Iscariot) ne ssili ange gi de ia, “Tagi Maolunga, gu aha gu hagaago mai ai donu huu goe oo dagodo gi gimaadeu, gai e dee hagaago ange gi henua i lalo?”

John 15:16

E dee go goodou ne hilia nei au, aagai go au ne hilia goodou ga hagadabu, ga hai goodou gi hulo gi haia gi lagolago oodou hua, gai oodou hua gi daakodo ga hano ai. Gai be se aha naa huu oodou e dangidangi ange ai gi Tamana i dogu ingoo, gai ia e gaavadu donu gi goodou.

John 17:15

Au e dee dangidangi adu koe gi gaavee gee gilaadeu i henua i lalo, aagai gi buibuia gilaadeu mai i de ia baubau laa.

John 17:17

Vaea gee gilaadeu i de muna abodonu; au muna go de muna abodonu.

John 17:19

Au e vvae gee au i olaadeu hiidinga, gi maua ai hogi e gilaadeu i de vvae gee gilaadeu i de mee abodonu.

John 6:39

Gai deenei de mee o de ia ne haia nei au gi humai e lodo ai, au gi dee dilia dahi gilaadeu aana gu gaamai gi de au, aagai gi hagamouli ina age gilaadeu i de laangi hagaodi.

Acts 1:13

Gai ga tae huu gilaadeu gi Jerusalem, gai gilaadeu ga loage gi de aabi i lunga, go de mommee olaadeu nei e nnoho ai: go Peter, ma John, ma James, ma Andrew, ma Philip, ma Thomas, ma Bartholomew, ma Matthew, ma James tama daane a Alphaeus, ma Simon Zealot, aama Judas tama daane a James.

Acts 20:32

Aagai iainei au e dugu ange goodou gi de Maadua gi diiloo ange, aama dono abodonu, go ia e maua i de hagatuu goodou gi makaga, ma de hai gi maua e goodou de manuuia madali dangada alodahi gu lava i de vvae gee.

Acts 27:23

Anaboo gai tangada de langi o de Maadua, go dogu Maadua, go de ia oogu e daumaha ange nei aagena, ne humai ga duu i ogu gaogao,

Romans 1:1

Mai i daho Paul, tangada hai hegau o Klisdo Iesu gu hagahia laa gi se dangada tala, ma de hili ange gi daalaa de longo danuaa a de Maadua,

Romans 1:6

Gai goodou gu dau hogi madali dangada gu hagahia laa gi ni dangada niio Iesu Klisdo.

Romans 16:18

Go hiidinga de gau bee naa e dee hai hegau ange donu gi Klisdo taadeu Dagi Maolunga, aagai e maanadu donu huu de hhao olaadeu dinae. Gai gilaadeu e hagasegesege ange ma de hagasenga dangada tigi maua laa, i de vvae de mee danuaa mai i de mee baubau i alaadeu muna.

Romans 6:22

Aagai iainei goodou gu ilaage mai i de haisala, gai gu ni dangada hai hegau niio de Maadua, gai doodou mee e maua ai go doodou hai ga ni dangada e dabu, gai de hagaodi o de mee nei go de mouli e dee ngado mai.

Romans 8:30

Gai gilaadeu aana gu lava laa i de hagatau olaadeu dagodo gu lava hogi i dana hagahi, gai gilaadeu aana gu hagahi laa gu lava hogi i dana hai gi dabu; gai dangada aana gu hai laa gi dabu gu lava hogi i dana hagamahamaha.

Romans 9:24

Aanei gidaadeu aana gu lava laa i de hagahi, e dee mai donu huu i magavaa o de gau Ssuu, gai mai hogi i magavaa o denga Gentile.

1 Corinthians 1:2

Ange gi de nohoanga dabu o de Maadua i Corinth, go gilaadeu gu hagadabu laa i lodo o Klisdo Iesu, ma de hagahi e hai ai ono dangada dabu, madali gilaadeu alodahi e hagahia ange laa de ingoo o Tagi Maolunga go Iesu Klisdo, i mommee alodahi — go Tagi Maolunga olaadeu aama gimaadeu hogi:

1 Corinthians 6:11

I mua gai hanu goodou e dagodo bee nei. Aagai iainei goodou gu hagagilimalali ma gu vvae gee ma gu hai gi dabu, goodou gu hagaheohi i de ingoo o Tagi Maolunga go Iesu Klisdo aama ssauaa o de Hagasaalunga o taadeu Maadua.

Ephesians 5:26

gai ia ga hai ai gi dabu de nohoanga dabu i dana hakaugau ia i vai o muna a de Maadua,

1 Thessalonians 2:12

gimaadeu ne hagakana ange goodou, ma de hagaaneane aama de hagammahi adu goodou gi mouli bei dagodo e heohi ange laa gi de Maadua, ne hagahia ange goodou gi dono nohoanga hodooligi ma dono mahamaha.

1 Thessalonians 5:23

De Maadua o de baba gi haia gi dabu abodonu goodou. Gai oodou hagasaalunga ma oodou lodo aama oodou angaanga alodahi gi gilimalali, i de masavaa o taadeu Dagi Maolunga go Iesu Klisdo e humai ai.

2 Timothy 1:9

go de ia ne hagamouli ina gidaadeu ma de hagahi ange gidaadeu gi de mouli dabu — aagai e dee go hiidinga o adaadeu hegau gu hai, gai go hiidinga o dana hagatau aama dono abodonu mai gi gidaadeu i lodo o Klisdo Iesu mai i taamada age,

2 Timothy 4:18

Gai Tagi Maolunga e hagaola naa donu au mai i denga hegau baubau alodahi, ma de hagaola au ga kave gi dono nohoanga hodooligi i de langi. Gai hagamahamaha ina ia ga hano ai e dee ngado mai. Amen.

Hebrews 3:1

Deenei ai, denga daina dabu, go goodou gu gaavee laa de hagahi mai i de langi, goodou hagasaelea dagodo o Iesu, go tangada tala ma tangada haimeedabu maolunga adaadeu e tala hagadonu.

James 1:1

Mai i daho James, tangada hai hegau o de Maadua ma Tagi Maolunga go Iesu Klisdo. Ange gi denga aamuli e madaangahulu ma lua gu mavaevae saele laa i denga huaahenua: De laangi danuaa goodou.

1 Peter 1:2

go dangada ne hili bei dagodo de iloo mee o de Maadua Tamana, gai gu hai gi se huaadangada dabu i ssauaa o de Hagasaalunga ⌊Dabu⌋, gai gi hagallongo ange ai gilaadeu gi Iesu Klisdo ma de hagagilimalali i ono dodo: Gi laumalie de abodonu ma de baba i oodou daha.

1 Peter 1:5

go goodou e hagaloosia laa i ssauaa o de Maadua, i doodou kai ange gi de ia, ga dae ai gi de hagaago mai de hagamouli gu baba ange laa e hagaago mai i laangi hagaodi.

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

1 Peter 5:10

Gai dua naa huu doodou hagaduasala i dahi damaa masavaa, gai de Maadua o de abodonu alodahi, ne hagahia adu goodou gi gaavee dono mahamaha e deai laa se ngado i lodo o Klisdo, gi hagaieiangi ina goodou ma de hai gi mmahi goodou, gi maua ai e goodou i de tuu gi makaga.

2 Peter 1:1

Mai i daho Simon Peter, tangada hai hegau gai se dangada tala niio Iesu Klisdo. Ange gi dangada alodahi gu gaavee de gai hagamogomogo nei madali gimaadeu, i hiidinga de heohi o taadeu Maadua ma taadeu Ia Hagaola go Iesu Klisdo.

Jude 1:21

Gai goodou duudagi ina de daohi de aloha o de Maadua, ma doodou tali tegi o Iesu Klisdo taadeu Dagi Maolunga ne gaamai laa de mouli e dee ngado mai.

Jude 1:3

Ogu soa hagamogomogo, au ne lodo mmao e sisi adu gi goodou, dagodo o de hagamouli adaadeu alodahi gu kave nei, aagai au ne gidee bolo e danuaa dagu sisi e hagammahi adu, goodou gi lo taane ma de hagaduu ngae i de gai gu gaavange laa gi dangada alodahi o de Maadua.