Joshua 7:8 - De Beebaa Dabu

⁸ Dogu Ia Aamua, aahee agu muna e tala adu, gai denga daane o Israel gu saavini ma gu hulo gee mai i olaadeu hagadaumee?

Joshua 7:8 Iomraidhean Croise

Ezra 9:10

Demaadeu Maadua, e deai ange amaadeu muna e maua i de tala i dua mee nei! Go hiidinga gimaadeu tee daudali i au hainga,

Psalm 44:10

Koe ne hai gimaadeu gi saavini gi hulo gee mai i omaadeu hagadaumee; gai gilaadeu gu kave omaadeu goloa.

Psalm 89:43

Koe gu hai gi deai haigamaiana o dana gadilaasa, gai koe tee hagabuni ange gi de ia i de hebagi.

Habakkuk 2:1

Au e duu naa ga dagitilo, au e noho naa i honga de mommee dagitilo; e tilo ai be aahee ana muna e tala mai gi de au, ma dagu hai e basa ange ai gi agu muna e nanu ai.

Joshua 7:7

Gai Joshua ga hai ange, “Dogu Ia Aamua go Iahweh, gu aha goe gu hai ai nei de huaadangada nei, gi loomai gi de baasi dai o Jordan? Koe se gaamai nei gimaadeu e dugu ange gi de gau Amor gi daia gi maakau? Mee naa gimaadeu ne nnoho donu huu i de baasi laa o Jordan!

Joshua 7:9

Go hiidinga de gau Canaan ma dangada e nnoho i de henua e langona naa e gilaadeu mee gu hai nei, gai gilaadeu e loomai naa ga duuli gidaadeu, ga daa gidaadeu gu deai gidaadeu e doe i honga de henua. Gai aahee ai naa dagodo o doo ingoo maolunga naa?”

1 Samuel 4:3

Gai de masavaa o denga daane hebagi ne aahe mai ai gi de mommee nnoho gaainga, gai dagi o Israel ga ssili, “Gu aha Tagi Maolunga gu dugu ange ai nei de gau Philistia, gi hagadee kii ina gidaadeu anailaa nei? Gidaadeu ga gaamai de ngavesi o de hagatoo donu hagaheloongoi a Tagi Maolunga i Shiloh gi odaadeu daha, gai ia ga hagaola ai gidaadeu mai i odaadeu hagadaumee.”