Joshua 7:12 - De Beebaa Dabu

¹² Aanei hiidinga o de gau Israel tee maua ai laa i de hai baasi ange gi olaadeu hagadaumee, gai ne saavini ga hulo gee mai i olaadeu hagadaumee, go hiidinga gilaadeu gu hagailonga ange e oha. Gai au gu dee ahe ange e noho i oodou daha noo goodou e dee oha mee gu hagamodu e oha, ga aau gee mai i oodou daha.

Joshua 7:12 Iomraidhean Croise

Psalm 44:10

Koe ne hai gimaadeu gi saavini gi hulo gee mai i omaadeu hagadaumee; gai gilaadeu gu kave omaadeu goloa.

Psalm 60:10

De Maadua, e dee go koe ne dilia laa gimaadeu, gai gu dee hano madali omaadeu hagabuulinga hebagi?

Proverbs 28:1

Tangada baubau e savini naa ga hano, e dee galemu donu teai dangada e dolohia ia, aagai tangada heohi e lo taane bei de laiono.

Isaiah 59:2

Aagai oodou baubau gu vvae gee goodou mai i doodou Maadua; oodou haisala gu haoli luoono mada i goodou, deelaa ai, ia gu dee langona oodou dalodalo.

Jeremiah 23:33

“Gai ga siilia adu naa huu e dahi dangada, be go dahi pelaabisi, aabe go dahi dangada haimeedabu, ga hai adu, ‘Aahee muna hagadaemaha a Tagi Maolunga?’ gai koe hai ange, ‘Ni muna hagadaemaha aha? Au e tili naa goodou, go Tagi Maolunga e hagadaba.’

Jeremiah 6:8

Jerusalem, koe gi kana ange, au kana huli gee i de goe i dogu lili ga hai doo henua gi ngadi dagodo, gai gu deai dangada e nnoho ai.”

Hosea 9:12

Gai e dee galemu naa donu delaadeu haele age alaadeu dama, gai au e kave gee naa gilaadeu, ga dae ai gi teai se gilaadeu e doe. E vakaa naa gilaadeu, i de masavaa oogu e hano gee mai ai i olaadeu daha!

Habakkuk 1:13

Luoo mada e gilimalali mmao, e dee maua i de tilo de baubau; koe e dee maua i de galo ange e tilo de mee dee heohi. Gai gu aha gu dugu ai naa donu huu goe gilaadeu e hai hegau i de hagasenga? Gai gu aha gu dee muu ai naa goe i de masavaa a de gau baubau e daa ai dangada e heohi ange i gilaadeu?

Numbers 14:39

Gai Moses ne tala ange muna laa gi de gau Israel alodahi, gai dangada alodahi gu kona mmao de tangi.

Numbers 14:42

Goodou aude hulo oodou hagadaumee kana hagadee kii goodou, go hiidinga Tagi Maolunga e dee hano donu madali goodou.

Numbers 14:43

Gai de gau Amalek ma de gau Canaan i kilaa, gai goodou e daia naa ga maakau i de gadilaasa. Tagi Maolunga e dee hano naa donu madali goodou, i hiidinga goodou tee daudali i ana muna.”

Numbers 14:45

Gai de gau Amalek ma de gau Canaan e nnoho laa i de henua iai mounga ne loiho ga hebagi ange gi de gau Israel, ga hagadee kii gilaadeu ma de doolohi gilaadeu ga tae ai gi Hormah.

Deuteronomy 7:26

Gai koe aude gaavee dahi diinonga hakino gee gi lo too hale, gi dee oohaa ai goe bei ono dagodo. Gai koe gi kino i de mee hakino gee nei, go hiidinga gu vvae gee e hagadabena ange e oha.

Joshua 6:18

Aagai goodou kana ange gi dee gaavee e goodou denga mee gu hagamodu e oha, kana hagamalaia goodou i doodou kave hanu mee laa, gai goodou ga hai ai gi se mee e oha ma de gaamai de hai ngadaa gi de mommee nnoho gaainga.

Judges 16:20

Gai de hine laa ga hai ange, “Samson, de gau Philistia gu loomai!” Gai Samson ne alahage, ga hagadaba, “Au ga sao nei gi duaahaho bei denga hanonga i mua e holahola ai ogu aalanga, gi too ai denga mee oogu e nnoa ai nei.” Aagai ia tee iloo donu bolo Tagi Maolunga gu hano gee mai i ono daha.

Judges 2:14

Gai Tagi Maolunga gu bole mmao i hiidinga o de gau Israel, gai ia ne dugu ange olaadeu hagadaumee gi hagadee kii ina gilaadeu. Ia ne hagao ange hogi gilaadeu gi olaadeu hagadaumee e paa ange laa gi delaadeu henua. Gai gilaadeu gu dee maua i de hai baasi ange gi gilaadeu.

Judges 2:4

De masavaa huu a tangada de langi o Tagi Maolunga ne tala ange ai muna nei gi de gau Israel alodahi, gai dangada ne oo ga tangi.

1 Samuel 14:38

Saul ne hai ange, “Denga dagi alodahi o de hebagi, goodou loomai gi kinei, gai gidaadeu ga ssala gi iloo be se haisala aha gu hai anailaa nei.