Joshua 6:24 - De Beebaa Dabu

²⁴ Gai gilaadeu ga dudu de aduhale ma mee alodahi i ono lodo. Go selevaa donu huu, ma goolo, ma goloa e hai i bronze ma iron ne kave gi de mommee doange i de hale o Tagi Maolunga.

Joshua 6:24 Iomraidhean Croise

2 Samuel 10:5

Gai ga langona huu e David mee laa, gai ia ga hai hanu gi hulo gi hedae ange gi gilaadeu, go hiidinga gilaadeu gu dookaa mmao. Gai de hodooligi ne aalu ga hai ange, “Goodou nnoho i Jericho ga dae ai gi de ssomo mai huluhulu i oodou gumigumi, gai goodou ga aahe mai ai.”

2 Kings 25:9

Gai ia ne dudu de hale o Tagi Maolunga, ma de hale o de hodooligi, aama denga hale alodahi i Jerusalem. Ia ne dudu hogi denga hale hagamogomogo alodahi i kilaa.

1 Chronicles 18:11

Gai de hodooligi go David ne hagadabu ange goloa nei gi Tagi Maolunga, madali denga selevaa ma goolo aana ne kave mai i denga huaahenua: go Edom, ma Moab, ma de gau Ammon, ma de gau Philistia, aama Amalek.

Numbers 31:10

Gilaadeu ne dudu hogi denga aduhale alodahi o de gau Midian nogo nnoho ai, aama olaadeu mommee nnoho gaainga alodahi.

Deuteronomy 13:16

Gai goodou ga hagabudu denga goloa alodahi ga kave gi de mommee malaelae i lo te aduhale, gai goodou ga dudu de aduhale laa ma mee alodahi iai e hai ai ssigidaumaha dudu ange gi Tagi Maolunga doodou Maadua. Oohaa gi maoha gi dagodo ai ga hano ai, aagai e dee hagaahe age donu e hagaduu age ange.

Deuteronomy 13:17

Gai gi deai donu se goloa daudahi gu hagamodu laa e oha oodou e poo ange aagena, gi dee humai ai de bole o Tagi Maolunga gi goodou, gai ia ga abodonu adu ai gi goodou ma de lodo aloha adu gi goodou, ga hai goodou gi hagadili gi soa, bei dana hai gu hagatoo donu ange ai gi oodou dubuna madagidagi,

Deuteronomy 20:16

Aagai goodou aude dugua dahi dangada, aabe se manu daudahi gi mouli i denga aduhale o denga huaahenua a Tagi Maolunga doodou Maadua e gaavadu gi goodou gi henua ai,

Joshua 11:11

Gai gilaadeu ne daa dangada alodahi i kilaa i de gadilaasa; gilaadeu tee dugu donu dahi dangada daudahi gi ola, gai ne dudu hogi de aduhale i de ahi.

Joshua 6:19

Aagai denga selevaa, ma goolo, ma goloa alodahi e hai i bronze ma iron gu hagadabu ange gi Tagi Maolunga; mee nei alodahi e kave gi de mommee doange o Tagi Maolunga.”

Joshua 6:25

Gai Joshua ne hagaola de hine hai be se manu go Rahab ma de huaabodu o dono damana ma ana mee alodahi. Gai ia ne noho madali de gau Israel ga dae mai ai gi anailaa nei, i hiidinga ia ne hagammuni luu daane a Joshua ne hai laa gi hulo gi mulidagi ina Jericho.

Joshua 8:28

Gai Joshua ga dudu Ai ga hai gu se hagabuudungaa mee maoha ga hano ai, gai se mommee e ngadi dagodo ga dae mai ai gi anailaa nei.

Revelation 17:16

Gai hanga e madaangahulu aau ne gide laa ma de manu alasala laa, e kino naa i de hine hai be se manu laa; gilaadeu e kave gee naa ono goloa ma de hai gi deai ono malo e haoli ai, ma de gai ono kano aama de dudu ia i de ahi.

Revelation 18:8

Deelaa ai, denga mee hagamaakau e loomai naa gi de ia i e dahi laangi. Ia e duu ange naa gi de magau, ma de hinangalosaa, aama de onge. Gai ia e dudu naa ga vela i de ahi, go hiidinga Tagi Maolunga de Maadua e hagamodu ina laa ono muna e mmahi mmao.”