Joshua 5:1 - De Beebaa Dabu

¹ Gai denga hodooligi alodahi o de gau Amor i baasi dai o Jordan, aama hodooligi alodahi o de gau Canaan e nnoho laa i tagudai ne langona ai bolo Tagi Maolunga ne hai ga masa ssaalingaa vai go Jordan i mada i mua o de gau Israel, ga dae ai gi delaadeu tae gi de baasi laa de vai. Gai gilaadeu gu maatagu mmao, gu deai selaadeu tali i hiidinga o de gau Israel.

Joshua 5:1 Iomraidhean Croise

Genesis 12:6

Gai Abram ga hano laa lo te henua ga hano ai gu dae gi Shechem, i de mommee iai de oak o Moreh. De masavaa laa gai go de gau Canaan e nnoho i de henua laa.

Genesis 48:22

Gai au e gaavadu naa dahi madadaagodo gi de goe e dee gaavange gi oo daina, de mommee aagu ne kave mai i daho de gau Amor i dagu gadilaasa ma dagu mee hholu.”

2 Samuel 21:2

Gai de hodooligi ga hagahi de gau Gibeon gi loomai gi ono daha. (De gau Gibeon e dee ni dangada Israel, aagai ni dangada e doe mai i de gau Amor. Gai de gau Israel ne hagatoo donu bolo gilaadeu e dee daa gi maakau de gau Gibeon, aagai a Saul ne hagatale de daa gilaadeu gi odi, i hiidinga dono lodo mmahi i de bale ange Israel ma Judah.)

1 Kings 10:5

ma denga gai i honga dono deebele, ma de hai e hagannoho ai denga dagi o de henua, ma ono dangada hai hegau ma olaadeu malo, ma dangada e hagadabena ina ana mee unu, ma denga sigidaumaha dudu a Solomon e hai i de hale o Tagi Maolunga, gai ia gu lele ono mouli.

Ezra 9:1

Dua mee nei gai denga dagi ne loomai gi ogu daha ga hai mai, “De gau Israel ma de gau haimeedabu, aama hagadiilinga o Levi, tee vvae gee gilaadeu mai i de gau henua gee ma alaadeu dahulinga hakino gee, bei hegau a de gau Canaan, ma de gau Heth, ma de gau Perez, ma de gau Jebus, ma de gau Ammon, ma de gau Moab, ma de gau Egypt, aama de gau Amor.

Psalm 135:11

go Sihon, de hodooligi o de gau Amor, ma Og, de hodooligi o Bashan, aama denga nohoanga hodooligi alodahi o Canaan,

Exodus 23:28

Gai au e hai naa gi hulo denga wasp gi haia gi hulo gee de gau Hiv, ma de gau Canaan, aama de gau Heth mai i oodou mada i mua.

Isaiah 41:5

Denga mommee i tagudai ne gidee de mee nei, gai gilaadeu gu maatagu; gai henua i lalo alodahi gu bolebole. Gai gilaadeu ne hagabuni ga loomai ai;

Ezekiel 16:3

mage hai ange, ‘De Ia Aamua go Iahweh e hai ange gi Jerusalem: Koe ne daamada mai ma de haanau i de henua o de gau Canaan; doo damana se daane Amor, gai doo dinana se hine Heth.

Ezekiel 21:7

Gai ga siilia adu naa huu e gilaadeu, ga hai adu, ‘Gu aha gu gonogono ai naa goe?’ gai koe hai ange, ‘Go hiidinga o denga longo gu dai loomai. Dangada alodahi e maatagu naa gai olaadeu lima alodahi e deai naa mahi iai; dangada alodahi e manavasaa naa olaadeu lodo gai olaadeu duli e pole naa.’ Tilo, mee nei e tae mai donu! Gai e hagassula naa donu, go de Ia Aamua go Iahweh e hagadaba.”

Daniel 5:6

Gai luoono mada gu mada tea, gai ia gu madagu mmao; luoono vae gu pole, ia gu dee maua i de duu age.

Amos 2:9

Aagai au ne daa ga maakau de gau Amor i olaadeu mada i mua, e dee galemu donu gilaadeu e lloa bei denga cedar, gai e mmahi bei denga oak. Au ne oha hua i honga olaadeu laa ma olaadeu aga i lo te gelegele.

Numbers 13:29

Gai de gau Amalek e nnoho i Negev; de gau Heth, ma de gau Jebus, aama de gau Amor e nnoho i de mommee iai mounga; gai de gau Canaan e nnoho i tagudai, ma laa gaogao o Jordan.”

Joshua 17:12

Gai dangada de aamuli o Manasseh tee maua i de hagadee kii denga aduhale laa, gai de gau Canaan ne nnoho donu huu i kilaa.

Joshua 17:18

aagai de mommee iai mounga e gaavadu donu gi goodou. Se lodo henua donu iainei, gai goodou hulo hagamalaelae ina kilaa alodahi ga kave moodou; gai goodou ga hai ai gi hulo gee de gau Canaan e nnoho i kilaa, e dee galemu donu de hanu olaadeu hada baalanga aama delaadeu mmahi.”

Joshua 24:15

Aagai noo e dee heohi mai i oodou daha de daumaha ange gi Tagi Maolunga, gai ailaa nei goodou hilihilia be goai oodou e daumaha ange aagena: go denga diinonga a oodou dubuna madagidagi nogo daumaha ange aagena i de baasi laa o Euphrates, aabe go diinonga o de gau Amor oodou e nnoho naa i olaadeu magavaa i delaadeu henua. Aagai au ma dogu huaabodu, gimaadeu e daumaha ange gi Tagi Maolunga.”

Joshua 3:16

gai vai e loiho laa i lunga gu tuu de ssali iho, gai gu hagabudubudu age i dahi mommee mmao, i de aduhale go Adam, se damaa aduhale e baa ange gi Zarethan. Gai vai e loiho laa ma e hulo gi Tai o Arabah (e bei, go Tai o Soolo) gu modu gee. Gai de huaadangada ne seesee ga hulo gi de baasi gee i gaogao o Jericho.

Joshua 3:17

Gai de gau haimeedabu e sabaia laa de ngavesi o de hagatoo donu hagaheloongoi a Tagi Maolunga ne tuu i lo te ungaalodo o Jordan, i de masavaa o de gau Israel ne seesee ai, laa honga de gelegele masa, ga dae ai gi de odi de huaahenua gi de baasi laa o Jordan.

Revelation 18:10

Gai gilaadeu e hulo naa ga tuu i de mommee mmao i delaadeu maatagu i de hagaduasala o de aduhale laa, ga hagataba, “Gu vakaa loo! Gu vakaa loo! De aduhale laumalie, go Babylon, de aduhale mmahi! Doo hagaduasala ne duu adu gi de goe i e dahi donu huu aoaa!”

Judges 1:1

Dua huu de magau o Joshua, gai de gau Israel ga ssili ange gi Tagi Maolunga, “Goai i omaadeu magavaa e hanage i mua e hebagi ange gi de gau Canaan?”

Judges 11:23

Gai go hiidinga Tagi Maolunga, de Maadua o Israel ne aau gee de gau Amor mai i daho de gau Israel, gai koe gu lodo naa hogi e kave delaadeu mommee?

Judges 3:3

gai dagi e doe go dagi e dogolima o de huaahenua o de gau Philistia, ma de gau Canaan alodahi, ma de gau Sidon, aama de gau Hiv e nnoho laa i honga mounga o Lebanon, mai i de mounga go Baal Hermon ga hano ai gi haitoga o Lebo Hamath.

Judges 4:2

Gai Tagi Maolunga ne dugu ange Jabin, de hodooligi o Canaan, e noho laa i de madaaolo go Hazor gi hagadee kii ina gilaadeu. Gai de ingoo o tagi o ono daane hebagi go Sisera, ia e noho i Harosheth o denga Gentile.

1 Samuel 25:37

Gai taiao age, i de masavaa o Nabal gu dee senga ai, gai dono bodu ga tala ange gi de ia mee laa. Gai dono hadu manava gu dee hai hegau, gai ia gu bei dagodo o de hadu.