Joshua 3:7 - De Beebaa Dabu

⁷ Gai Tagi Maolunga ga hai ange gi Joshua, “Ailaa nei, gai au e hai naa goe gi maolunga i madamada o de gau Israel alodahi, gi iloo ai e gilaadeu bolo au e noho donu hogi i oo daha bei dogu hai ne noho ai laa hogi i daho Moses.

Joshua 3:7 Iomraidhean Croise

1 Chronicles 29:25

Gai Tagi Maolunga ga hagaamua Solomon i madamada o de gau Israel alodahi, ma de hagamahamaha dono nohoanga hodooligi, gai tigi ai ange donu se hodooligi o Israel i mua ne bei ono dagodo.

2 Chronicles 1:1

Gai Solomon tama daane a David ne hai ga too donu dono nohoanga hodooligi, go hiidinga Tagi Maolunga dono Maadua e noho i ono daha, ma de hai ia gi maolunga mmao.

De Beebaa go Job 7:17

Se aha donu tangada, gai koe ga hagamogomogo ai ia, gai koe ga anga ange ai gi de ia,

Psalm 18:35

Koe e buibui au i dau hagaola, doo lima madau e daohi au gi dee baguu, gai koe ne ino iho ga hai au gi se dangada maolunga.

John 17:1

Gai ga lava huu i de tala a Iesu muna nei, gai ia ga galo age gi de langi ga hagadaba, “Tamana, gu dae mai de aoaa; hagamahamaha ina dau Dama Daane, gai ia ga hagamahamaha ai goe.

Philippians 1:20

Gai dagu tali ma dagu tali hagalodolodo bolo au e dee dogaa naa donu i dahi mee daudahi, aagai au e lo taane iainei aama masavaa alodahi i de hagamahamaha Klisdo i dogu angaanga nei, e dee hilihili be au e mouli aabe e magau.

Joshua 1:17

Gai gimaadeu e hagallongo adu naa donu hogi gi de goe, bei demaadeu hai ne hagallongo ange ai laa gi Moses i mee alodahi. Gai Tagi Maolunga doo Maadua gi noho i oo daha, bei dono hai ne noho ai laa hogi i daho Moses!

Joshua 1:5

Gai e deai naa donu se dangada e maua i de hai baasi adu gi de goe i taulooloa doo mouli. Gai au e noho madali goe bei dogu hai ne noho ai laa hogi i daho Moses, gai au e dee tili naa donu goe aabe hano gee mai i oo daha.

Joshua 1:9

E aha, au tee tala adu laa koe gi lodo mmahi ma de lo taane? Koe gi dee madagu aabe manavasaa oo lodo, go hiidinga Tagi Maolunga doo Maadua e noho madali goe i mommee alodahi oou e hano aagena.”

Joshua 3:6

Gai Joshua ne basa ange hogi gi de gau haimeedabu, ga hai ange, “Goodou sabaia de ngavesi o de hagatoo donu hagaheloongoi hulo ai i mada i mua o de huaadangada.” Gai gilaadeu ga saabai de ngavesi o de hagatoo donu hagaheloongoi ga hulo ai i mada i mua o de huaadangada.

Joshua 3:8

Gai koe daalaa ange gi de gau haimeedabu e sabaia laa de ngavesi o de hagatoo donu hagaheloongoi, ‘De masavaa naa huu oodou e hulo ai ga tae gi gaogao ssaalingaa vai go Jordan, gai goodou ga hulo ga tuu i lo te saalingaa vai go Jordan.’ ”

Joshua 4:14

De laangi laa gai Tagi Maolunga ne hagaamua Joshua i madamada o de gau Israel alodahi; gai gilaadeu ne hagadubu ia i taulooloa dono mouli, bei delaadeu hai ne hagadubu ai laa hogi i Moses.