Joshua 22:22 - De Beebaa Dabu

²² “De Maadua Mmahi Mmao laa, de Maadua, go Iahweh! De Maadua Mmahi Mmao laa, de Maadua, go Iahweh! Ia e iloo! Gai Israel gi iloo! Noo de mee nei ne hai baasi ange aabe se dee hai hegau i de mee abodonu ange gi Tagi Maolunga, gai daia donu gimaadeu gi maakau ailaa nei!

Joshua 22:22 Iomraidhean Croise

1 Kings 8:39

gai koe hagalaangona dana dalodalo i doo mommee noho i de langi, ga degi ange ma de sui ange hegau a dahi ma dahi, (go hiidinga koe e iloo dagodo lodo o dahi ma dahi, gai go koe donu huu e donu ange i lodo o dangada alodahi),

De Beebaa go Job 10:7

Koe e iloo bolo au tigi ai donu ogu sala, gai e deai hogi se dangada e hagaola ina mai au i doo sauaa.

De Beebaa go Job 23:10

Aagai ia e iloo dogu haiava e hano ai; ga lava naa huu dana hagatale au, gai au gu gilimalali bei dagodo o denga goolo mai i lo te ahi.

De Beebaa go Job 31:22

gai dogu bakau gi mahagi gi doo, gai dogu lima gi hadi gi doo gee i dogu eu.

Psalm 136:2

Hagaahea ange de abodonu gi de Maadua o denga maadua. Dono abodonu e dagodo ga hano ai.

Psalm 37:6

Ia e hai naa gi sula mai doo heohi bei de maalama o taiao, gai doo heohi gi bei de mmahi o de laa i de madohi lua o de laangi.

Psalm 40:9

Au ne tala de longo danuaa o doo heohi ange gi de hagabuulinga soa; au e dee hagapuni donu dogu ngudu, Tagi Maolunga, koe e iloo donu mee nei!

Psalm 44:21

gai de Maadua e iloo donu de mee nei! Go hiidinga ia e iloo mee i lodo o tangada.

Psalm 44:22

Gimaadeu e daia ga maakau i laangi alodahi i oo hiidinga, gimaadeu e bei dagodo o denga ssiibi gu paba ange laa e daa gi maakau.

Psalm 50:1

De Maadua Mmahi Mmao laa, go Iahweh e basa ma de hagahi henua i lalo mai i de sobo age o de laa ga dae ai gi de danu.

Psalm 82:1

De Maadua e noho madali de hagabuulinga hagasaele dabu; go ia e hagamodu ina muna o denga maadua ange laa:

Psalm 95:3

Go hiidinga Tagi Maolunga se Maadua maolunga, gai se Hodooligi e maolunga ange i denga diinonga alodahi.

Psalm 97:7

Dangada alodahi e daumaha ange gi denga diinonga e dookaa naa, ma gilaadeu e duuhia denga diinonga; denga diinonga alodahi, daumaha ange gi de ia!

Exodus 18:11

Iainei au gu donu bolo Tagi Maolunga e maolunga ange i denga maadua ange laa alodahi, gai ia ne hai de mee nei i daho de gau Egypt, i hiidinga delaadeu hagamaolunga i de gau Israel.”

Jeremiah 12:3

Tagi Maolunga, koe e iloo ogu dagodo; koe e gidee ogu dagodo ma de hagatale dagodo o ogu lodo adu gi de goe. Daagina gilaadeu gaavee bei denga ssiibi e kave laa e daa gi maakau, gai vaae gilaadeu e hagadabena ange gi de laangi o de daa gi maakau!

Jeremiah 17:10

Gai au, Tagi Maolunga, e tilo dagodo o de lodo ma de hagatale maanadu a tangada, au e hagao ange naa gi bei dagodo hegau a dahi.”

Daniel 11:36

“Gai de hodooligi laa e hai naa donu huu ono mee e lodo ai. Ia e hagaamua naa donu huu ia, ma de tala bolo ia e maolunga ange i denga maadua alodahi, ma de tala denga mee hagalele mouli e hai baasi ange ai gi de Maadua o denga maadua. Gai ia e sula naa donu ga dae ai gi de odi ange de masavaa o de lili ⌊o de Maadua⌋, go hiidinga mee gu hagamodu laa e hagassula naa donu.

Daniel 2:47

Gai de hodooligi ne hai ange gi Daniel, “Ni muna abodonu, doo Maadua go de Maadua o denga maadua alodahi, gai go de Ia Aamua o denga hodooligi, gai se ia e hagaago mai mee e dee iloo laa, i hiidinga koe ne maua i de hagaago mai mee e dee iloo laa.”

Micah 7:9

Au e hagauda naa de bole o Tagi Maolunga, go hiidinga au gu haisala ange gi de ia, ga dae ai gi dana hagamodu ogu dagodo ma dana hagadaba bolo au gu heohi. Ia e hagasao mai naa au gi de mommee maalama; au e gidee naa dono hai hegau i de heohi.

Malachi 3:18

Gai goodou e gidee naa de dagodo geegee o de gau heohi ma de gau baubau, ma de dagodo geegee o dangada e daumaha ange gi de Maadua, ma dangada e dee daumaha ange gi de ia.

John 21:17

Ia ne ssili ange hogi gi Peter i tolu hanonga, “Simon, tama daane a John, koe e aloha i de au?” Gai Peter gu daemaha ono lodo, i hiidinga gu dolu hanonga aana ne ssili ange ai gi de ia, “Koe e aloha i de au?” Gai ia ga hai ange gi de ia, “Tagi Maolunga, koe e iloo mee alodahi; koe e iloo bolo au e aloha i de goe.” Iesu ne hai ange gi de ia, “Diiloo haangai ina ange agu ssiibi.

Acts 1:24

Aagai gilaadeu ne dalodalo, ga hai ange, “Tagi Maolunga, koe e iloo lodo o dangada alodahi. Hagaagona mai, be goai aau gu hili i magavaa o luu daane nei,

Acts 25:11

Gai noo au se dangada e haia de baubau, ma de hai dahi mee e heohi ai dogu daa gi magau, aagai au e dee ssala donu gi ola mai au i de magau. Aagai noo e dee se mee abodonu alaadeu e hagabaubau ai nei au, gai e deai donu se dangada e maua i de gaavange au gi gilaadeu. Au e dangidangi i de hagamodu ogu muna i mada i mua o Caesar.”

2 Corinthians 11:11

Gu aha, au tee aloha laa i goodou? Uaa, gai de Maadua e iloo bolo au e aloha donu i goodou!

2 Corinthians 11:31

Gai de Maadua ma Tamana o Tagi Maolunga go Iesu, e heohi laa taadeu tuhi ga hano ai, e iloo bolo au e dee hadu muna donu.

2 Corinthians 5:11

Deenei ai, go hiidinga demaadeu iloo dagodo de madagu i Tagi Maolunga, gimaadeu e usuusu ange dangada. Aagai de Maadua e iloo omaadeu dagodo, gai au e tali bolo goodou e tonu ange donu hogi omaadeu dagodo i tagi oodou lodo.

Deuteronomy 10:17

Go hiidinga Tagi Maolunga doodou Maadua go de Maadua o denga maadua alodahi, gai go de Ia Aamua o de gau aamua alodahi, ia e maolunga, e mmahi, gai se Maadua hagamaatagu, ia e dee hilihili dangada aabe e kave mee ngadi gaavange hagasenga.

1 Timothy 6:16

Ia e dee magau donu, gai e noho i de maalama e dee maua laa e dangada i de hagapaa ange aagena, aagai tigi ai donu se dangada ne gidee ia, aabe e maua i de tilo ia. Gai go ia e bau ange gi kave de hagadubu ma ssauaa e dagi ai ga hano ai. Amen.

Hebrews 4:13

Gai e deai donu se mee daudahi e lilo i mada luu mada o de Maadua, aagai mee alodahi e maahuge ma tee maua i de hagammuni i mada luu mada o de ia adaadeu e tala ange mee alodahi aagena.

Joshua 22:21

Gai dangada de aamuli o Reuben, ma de aamuli o Gad, aama dahi luu baasi de aamuli o Manasseh ga pasa ange, ga hai ange gi denga dagi o denga huaabodu o de gau Israel:

Revelation 19:16

Gai honga dono malo ma honga dono dege e sisi ange aagena de ingoo nei: “De Hodooligi o denga hodooligi ma Tagi Maolunga o denga dagi”.

Revelation 2:23

Au e daa naa hogi ana dama gi maakau, gi iloo ai e denga nohoanga dabu alodahi bolo au e iloo lodo ma maanadu a dangada alodahi. Gai au e hagaduasala naa dahi ma dahi gi bei dagodo o ana hegau.

1 Samuel 15:23

De hai baasi ange gi de ia e bei de hai huuhuaa mee, gai de lodo maolunga e bei de daumaha ange gi denga diinonga. Go hiidinga koe ne kino i muna a Tagi Maolunga, deelaa ai, ia gu kino hogi i de hai goe gi hodooligi.”

1 Samuel 2:3

Duudia doodou pasa hagamaolunga, aabe go doodou pasa hagassoenga; go hiidinga Tagi Maolunga se Maadua iloo mee, gai go ia e hagahidia hegau alodahi.