Joshua 22:15 - De Beebaa Dabu

¹⁵ Gai gilaadeu ne hulo gi daho de aamuli o Reuben, ma de aamuli o Gad, aama dahi luu baasi o de aamuli o Manasseh i de henua go Gilead, ga hai ange gi gilaadeu,

Joshua 22:15 Iomraidhean Croise

1 Chronicles 21:3

Aagai a Joab ne hai ange gi de hodooligi, “Tagi Maolunga gi haia gi soa ange ono dangada i e lau hanonga. Dogu dangada aamua go de hodooligi, e aha, denga daane nei alodahi e dee nnoho i oo lalo? Gai gu aha gu lodo ai naa goe e hai de hegau nei e hagahaisala ai de gau Israel?”

2 Chronicles 10:19

Gai dangada i de nohoanga hodooligi o Israel gu hai baasi ange gi de huaabodu o David ga dae mai ai gi anailaa nei.

2 Chronicles 25:27

Mai i de masavaa oona ne dahuli gee ai ga dee daudali ange i Tagi Maolunga, gai dangada gu nnoho e hai baasi ange gi de ia i Jerusalem, gai ia ga savini ga hano gi Lachish. Aagai gilaadeu ne hai hanu daane gi hulo gi Lachish, ga daa ai ia gu magau i kilaa.

2 Chronicles 26:18

Gai gilaadeu ga hai baasi ange gi de hodooligi go Uzziah, ga hai ange gi de ia, “Uzziah, e dee go koe e duungia mee maanongi ange gi Tagi Maolunga, aagai go de gau haimeedabu i de aamuli o Aaron, gu lava laa i de hagadabu ange gi duungia mee nei. Sao mai i lo te mommee dabu, go hiidinga koe gu dee heohi au hegau ne hai; gai e deai naa donu se hagadubu aau e kave mai i daho Tagi Maolunga de Maadua.”

2 Chronicles 28:13

ga hai ange gi gilaadeu, “Tee heohi donu doodou noonooa de gau naa e gaamai gi kinei. Goodou gu llodo e hai gi kii ange de lagolago odaadeu mee e haisala ange gi Tagi Maolunga? Odaadeu haisala gu lagolago huu i mua, gai dono bole gu dai dae mai donu gi honga o dangada o Israel.”

Ezra 9:15

Tagi Maolunga, de Maadua o Israel, koe e heohi donu, aagai gimaadeu ni dangada sogoisi ne ola anailaa nei. Tilo, koe e iloo danuaa omaadeu haisala, aagai gu deai donu se gimaadeu e maua i de humai e duu i mada luoo mada.”

Ezra 9:2

Gilaadeu gu kave hanu alaadeu damaa hine ma gu hai ai olaadeu bodu ma de hai ai bodu o alaadeu dama daane, gilaadeu gu hai ma gu hilo de huaadangada dabu ma dangada o de henua. Gai go denga dagi ma de gau aamua ne damadaa de hai de hegau hakino gee nei.”

Psalm 78:8

Gai gi dee bei ai gilaadeu dagodo olaadeu maadua — olaadeu dubuna se atangada e makaga olaadeu lodo ma de hagamaanege, olaadeu lodo tee maua i de tuu gi makaga, gai olaadeu hagasaalunga tee hai hegau ange gi de Maadua i de mee abodonu.

Exodus 32:8

Gilaadeu ne moolau donu de hulo gee mai i de haiava aagu gu tala ange gi gilaadeu; gilaadeu gu lava i de hai dahi kaau baalanga, ma gu daumaha ma de sigidaumaha ange aagena, ma de hagataba, ‘De gau Israel, aanei denga diinonga ne hagassao ina mai goodou i de henua go Egypt!’ ”

Isaiah 63:10

Aagai gilaadeu ne hagamaanege, ma de hagadaemaha dono Hagasaalunga Dabu. Gai ia gu sui ga se hagadaumee niiolaadeu, gai ia ga hebagi ange gi gilaadeu.

Leviticus 26:40

Aagai noo gilaadeu e tala olaadeu haisala ma haisala o olaadeu maadua madagidagi — delaadeu hai baasi mai gi de au, ma delaadeu tee hai hegau mai gi de au i de mee abodonu,

Leviticus 5:19

Deenei de hai e hai ai ssigidaumaha o tagasala; go hiidinga ia gu haisala ange donu gi Tagi Maolunga.”

Numbers 14:43

Gai de gau Amalek ma de gau Canaan i kilaa, gai goodou e daia naa ga maakau i de gadilaasa. Tagi Maolunga e dee hano naa donu madali goodou, i hiidinga goodou tee daudali i ana muna.”

Numbers 32:15

Noo goodou e daahuli gee i de ia, gai ia e tili naa hogi de huaadangada i de vao; gai goodou e hai naa ga maakau gilaadeu alodahi.”

Numbers 5:6

“Daalaa ange gi de gau Israel, hai ange, ‘De masavaa naa huu a dahi daane be se hine e haisala ange ai gi dahi dangada, i hiidinga dono dee hai hegau i de muna abodonu ange gi Tagi Maolunga, gai ia e haisala donu,

Matthew 18:17

Gai noo ia e dee e hagallongo ange gi gilaadeu, gai daalaa ange gi de nohoanga dabu alodahi. Gai noo ia e dee hagallongo ange hogi gi de nohoanga dabu, aagai goodou haia ia bei dahi dangada tua de mee ma tangada e hagabudulia taagisese.

1 Corinthians 1:10

Denga daina, au e dangidangi adu i de ingoo o taadeu Dagi Maolunga go Iesu Klisdo, goodou gi hagadau hagaheloongoi i oodou magavaa, gai gi deai donu oodou mee e dee heloongoi ai, gai goodou gu buni i de lodo daudahi ma de maanadu daudahi.

1 Corinthians 5:4

De masavaa oodou e hagabuni ai i de ingoo o Tagi Maolunga go Iesu, gai dogu hagasaalunga e madali goodou i ssauaa o taadeu Dagi Maolunga go Iesu,

Deuteronomy 30:17

Aagai noo goodou e daahuli gee oodou lodo ga dee hagallongo ange ai gi ana muna, gai e hulo ga daumaha ange gi denga diinonga ange laa ma de hai hegau ange gi gilaadeu,

Deuteronomy 7:4

go hiidinga gilaadeu e hai naa oodou dama gi dee daudali mai i de au, gai gi daumaha ange gi denga diinonga. Gai Tagi Maolunga e lili mmao naa i goodou, ga daa goodou ga maakau i de masavaa moolau.

Hebrews 12:25

Goodou dagidiiloo gi dee hagangadi mee ina e goodou de ia e basa adu nei. Go hiidinga noo tee maua gi ola dangada ne hagangadi mee ina muna a de ia ne basa ange gi gilaadeu i henua i lalo, gai e kii ange donu taadeu dee maua gi ola, noo gidaadeu e dee daudali i muna a de ia e basa mai gi gidaadeu i de langi.

Joshua 22:12

Gai ga langona huu e de gau Israel mee nei, gai de hagabuulingaa dangada o Israel ga hagabuni mai gi Shiloh, e hulo ai e hebagi ange gi gilaadeu.

Joshua 22:14

Gai ne hai gi hulo madali ia e dinoangahulu dagi, e dagidahi mai i denga aamuli o Israel, gilaadeu alodahi ni dagi mai i denga huaabodu o denga hagadiilinga o Israel.

Joshua 22:16

“E hagataba de hagabuulingaa dangada o Tagi Maolunga, ‘Se hegau bee hee oodou gu hai nei e hai baasi ange ai gi de Maadua o Israel? Goodou gu daahuli gee i Tagi Maolunga i doodou hagaduu dahi mommee o ssigidaumaha moodou.

Joshua 22:18

Goodou ga aahe ange ai naa e daahuli gee i Tagi Maolunga ailaa nei? Noo goodou e hai baasi ange gi Tagi Maolunga ailaa nei, gai ia e lili naa i de hagabuulingaa dangada o Israel daiao!

1 Samuel 15:23

De hai baasi ange gi de ia e bei de hai huuhuaa mee, gai de lodo maolunga e bei de daumaha ange gi denga diinonga. Go hiidinga koe ne kino i muna a Tagi Maolunga, deelaa ai, ia gu kino hogi i de hai goe gi hodooligi.”