Joshua 21:1 - De Beebaa Dabu

¹ Gai dagi o denga hagadiilinga o Levi ne loomai gi daho Eleazar, tangada haimeedabu ma Joshua tama daane a Nun, aama dagi o denga huaabodu o de gau Israel,

Joshua 21:1 Iomraidhean Croise

Genesis 49:7

Delaau llili gi hagamalaia, i hiidinga delaau llili e kona mmao, i delaau vaivai hai dangada! Au e hai naa olaau hagadiilinga gi mavaevae saele i magavaa o dangada o Jacob ma magavaa o dangada o Israel.

Exodus 6:14

Gai aanei dagi o denga aamuli o olaadeu dubuna: Dama a Reuben, tama madua a Israel: go Hanok, ma Pallu, ma Hezron, aama Carmi. Aanei denga huaabodu o de aamuli o Reuben.

Exodus 6:25

Gai Eleazar tama daane a Aaron ne hai bodu ange gi dahi damaa hine a Putiel; gai tamaa hine laa ne haanau Phinehas. Aanei dagi o de aamuli o Levi ma olaadeu hagadiilinga.

Numbers 35:1

Gai Tagi Maolunga ne hai ange gi Moses i de mommee soe o Moab, i gaogao o Jordan i de baasi gee o Jericho,

Numbers 35:8

Gai deenei de hai a de gau Israel e gaavange ai aduhale nei: de aamuli e laumalie laa delaadeu vaaenga e kii ange de lagolago alaadeu aduhale e gaavange, gai de aamuli e damaa mee laa delaadeu vaaenga e sogoisi mai ange. Dahi aamuli ma dahi aamuli gi vaaea ange hanu olaadeu aduhale gi de aamuli o Levi, gi bei de laumalie be go de damaa mee delaadeu mommee.”

Joshua 14:1

Gai aanei mommee ne vaevae ange e henua ai de gau Israel i de henua go Canaan; gai go tangada haimeedabu go Eleazar, ma Joshua, tama daane a Nun, ma denga dagi o denga aamuli o Israel ne vaevaaea ange gi dangada olaadeu mommee.

Joshua 17:4

Denga damaa hine nei ne loomai gi daho Eleazar, tangada haimeedabu, ma Joshua, tama daane a Nun, aama denga dagi, ga hai ange, “Tagi Maolunga ne hai ange gi Moses, ia gi vaaea mai dahi mommee moomaadeu, madali omaadeu dangada ange laa.” Gai Joshua ga vvae ange dahi mommee moolaadeu, madali denga daina daane o delaadeu damana, bei dagodo muna a Tagi Maolunga.

Joshua 19:51

Aanei mommee a tangada haimeedabu go Eleazar ma Joshua, tama daane a Nun, aama dagi o denga aamuli o de gau Israel ne vaevae ange gi dangada i Shiloh, i de dada i mada luu mada o Tagi Maolunga, i de haitoga o de hale malo hagabuni. Gai gu odi de henua i de vaevae.