Joshua 2:9 - De Beebaa Dabu

⁹ ga hai ange gi gilaau, “Au e iloo bolo Tagi Maolunga gu lava donu i de gaavadu gi goodou de henua nei, gai gimaadeu gu maatagu mmao i goodou, gai dangada alodahi i honga de henua gu dee paba i oodou hiidinga.

Joshua 2:9 Iomraidhean Croise

Genesis 35:5

Gai ga seesee huu gilaadeu e hulo, gai de madagu o de Maadua gu hano iho gi honga o dangada i denga aduhale i olaadeu gaogao alodahi, deelaa ai, teai donu dangada ne dolohia dama a Jacob.

2 Samuel 17:10

Gai denga daane mmahi, go gilaadeu e llodo mmahi bei dahi laiono, e maatagu naa hogi, go hiidinga de gau Israel alodahi e iloo bolo doo damana se daane e dau i de hebagi, gai denga daane madali ia ni daane mmahi.

2 Kings 5:15

Gai ia ga ahe gi daho taane o de Maadua madali dangada alodahi ne loomai laa madali ia, ga duu i mada i mua o taane laa ga hai ange, “Tilo, au e iloo bolo e deai ange donu se Maadua abodonu i henua i lalo, go Israel donu huu. Aude haihaia gaavee denga mee ngadi gaavange nei mai i daho doo dangada hai hegau.”

2 Kings 7:6

Go hiidinga de Ia Aamua ne hai de hagabuulinga hebagi o Syria gi langona de saamumu o denga hada hebagi ma hoosa ma de hagabuulinga hebagi soa mmao, gai gilaadeu ga hagataba, “De hodooligi o Israel gu ssala ange denga hodooligi o de gau Heth, ma hodooligi o de gau Egypt gi hebagi mai gi gidaadeu!”

Nehemiah 6:16

Gai ga langona huu e omaadeu hagadaumee alodahi mee nei, gai denga huaahenua alodahi i luoomaadeu baasi gu maatagu, ma de dookaa; gilaadeu gu tonu iho bolo de hegau nei gu sula, i hiidinga de bale a demaadeu Maadua.

Esther 8:17

Gai de gau Ssuu e nnoho laa i denga vaaenga ma denga aduhale alodahi ne kave laa aagena de hagailoo a de hodooligi, gu llodo danuaa ma de malangilangi, gai gilaadeu ga daonga ma de malangilangi. Gai dangada soa o de henua laa gu hai gi ni dangada Ssuu, i hiidinga gilaadeu gu maatagu i de gau Ssuu.

De Beebaa go Job 19:25

Aagai au e iloo bolo dogu Ia Hagaola e mouli, gai muli mai naa huu gai ia e duu i honga henua i lalo.

Psalm 112:10

Tangada baubau e lili i dana gidee mee nei; ia e kadi naa ono niho ma de madagu; gai mee o tangada baubau e lodo ai e llilo naa donu.

Psalm 115:16

De langi niio Tagi Maolunga, aagai henua i lalo gu lava i dana gaavange gi dangada.

Exodus 18:11

Iainei au gu donu bolo Tagi Maolunga e maolunga ange i denga maadua ange laa alodahi, gai ia ne hai de mee nei i daho de gau Egypt, i hiidinga delaadeu hagamaolunga i de gau Israel.”

Exodus 23:27

Au e hai naa gi maatagu ma de manavasaa lodo o dangada e nnoho i de mommee oodou ga hulo naa aagena, ma de hai oodou hagadaumee gi maatagu gi saavini gi hulo gee mai i goodou.

Ecclesiastes 8:12

Gai e dee galemu donu tangada baubau e haia laa mee dee heohi i e lau hanonga gai e daulooloa donu dono mouli, gai au e iloo bolo gilaadeu e maatagu i de Maadua e danuaa ange olaadeu dagodo, gilaadeu e hagadubu de Maadua.

Isaiah 19:1

Muna hagadaemaha i dagodo o Egypt. Tilo, Tagi Maolunga e gage i honga dahi giliiga gemo, gai ia e humai naa gi Egypt. Denga diinonga o Egypt e bolebole naa i mada luoono mada, gai dangada o Egypt e manavasaa naa olaadeu lodo.

Isaiah 23:5

De masavaa e dae ai de longo gi Egypt gai dangada e manavasaa naa i hiidinga longo o Tyre.

Jeremiah 27:5

Go au ne haalo ina dogu lima sauaa, ga hai ai henua i lalo, ma ono dangada aama manu dolodolo e nnoho ai, gai go au hogi ne gaavange mee nei gi tangada aagu e lodo e vange aagena.

Nahum 2:10

Nineveh gu se ngadi aduhale, gu maoha ma gu ngadi dagodo ai! Dangada gu maatagu, gai olaadeu duli gu pole; dangada alodahi gu manavasaa, gai gu mada tea olaadeu mada!

Numbers 20:14

Gai Moses ne hai gi hulo hanu dangada hagailoo, mai i Kadesh gi hai ange gi de hodooligi o Edom, “Aanei muna a doo daina go Israel: koe e iloo dagodo o denga hai ngadaa alodahi gu hai mai gi gimaadeu.

Numbers 20:24

“Aaron e magau naa ga hagabuni ai madali ono dangada; ia e dee maua gi dae gi de henua aagu e gaavange gi de gau Israel, i hiidinga gooluu ne hai baasi mai gi agu muna, i de vai go Meribah.

Matthew 20:15

E aha, e dee heohi dagu hai be se aha oogu e lodo ai i agu mee donu? Aabe goodou gu lodo gaiaa naa i hiidinga au e abodonu?’

Deuteronomy 11:25

Gai e deai naa donu se dangada e maua i de hai baasi adu gi goodou. Gai Tagi Maolunga doodou Maadua e hai naa gi maatagu de henua alodahi i goodou, i mommee alodahi e tuu ange aagena oodou vae, bei dana hai gu tala adu ai gi goodou.

Deuteronomy 2:25

Ailaa nei gai au e hai naa gi bolebole ma de maatagu denga huaahenua alodahi i lalo de langi i goodou. Gilaadeu e bolebole naa ma de manavasaa olaadeu lodo i oodou hiidinga i delaadeu langona oodou longo.”

Deuteronomy 28:10

Gai dangada alodahi i henua i lalo e gidee naa bolo koe gu hagaingoo i de ingoo o Tagi Maolunga; gai gilaadeu e maatagu naa i goodou.

Deuteronomy 32:8

De masavaa a de Ia Maolunga Mmao laa ne bolo ai denga huaahenua, ma de vaevae ai dangada, gai ia ne hagatuu goinga o denga huaadangada gi heohi ange gi taelodo o dama a de Maadua.

Hebrews 11:31

De gai o Rahab, de hine hai be se manu, ne hai ga tee magau ia madali dangada tee hagallongo i muna, i hiidinga ia ne abodonu ange gi denga daane mulidagi.

Joshua 2:11

Gai de masavaa amaadeu ne langona ai mee nei, gai gimaadeu gu dee paba omaadeu lodo, gai gu deai se dangada lo taane i omaadeu daha i oodou hiidinga, go hiidinga Tagi Maolunga doodou Maadua, go de Maadua donu o de langi i lunga ma henua i lalo.

Joshua 2:24

Gilaau ne hai ange gi Joshua, “Ni muna abodonu, Tagi Maolunga gu dugu mai donu de henua nei alodahi gi gidaadeu. Dangada alodahi i de henua gu kona donu de maatagu i gidaadeu.”

Joshua 2:8

Gai i mua de daakodo iho o luu daane mulidagi laa e sseni, gai a Rahab ga hanage gi olaau daha i tua de hale,

Joshua 5:1

Gai denga hodooligi alodahi o de gau Amor i baasi dai o Jordan, aama hodooligi alodahi o de gau Canaan e nnoho laa i tagudai ne langona ai bolo Tagi Maolunga ne hai ga masa ssaalingaa vai go Jordan i mada i mua o de gau Israel, ga dae ai gi delaadeu tae gi de baasi laa de vai. Gai gilaadeu gu maatagu mmao, gu deai selaadeu tali i hiidinga o de gau Israel.

Joshua 6:2

Gai Tagi Maolunga ga hai ange gi Joshua, “Tilo, au gu dugu adu koe gi hagadee kii ina de aduhale go Jericho, ma dono hodooligi aama denga daane hebagi alodahi i kilaa.

Joshua 9:10

ma mee alodahi aana ne hai ange gi luu hodooligi o de gau Amor i baasi dua o Jordan: Sihon de hodooligi o Heshbon, aama Og de hodooligi o Bashan e noho laa i Ashtaroth.

Joshua 9:24

Gai denga daane laa ne pasa ange gi Joshua, ga hai ange, “Gimaadeu, oo dangada hai hegau, ne langona donu bolo Tagi Maolunga doo Maadua gu tala ange gi Moses, dono dangada hai hegau, bolo ia e gaavadu naa gi goodou de henua nei alodahi, ma de daa gi maakau dangada alodahi e nnoho ai. Gai gimaadeu gu manavasaa mmao i omaadeu mouli i oodou hiidinga, aanei hiidinga amaadeu ne hai ai de hegau nei.

Joshua 9:9

Gilaadeu ga hai ange, “Gimaadeu, oo dangada hai hegau, ne loomai i dahi henua mmao, i hiidinga longo o de ingoo o Tagi Maolunga doodou Maadua. Gimaadeu gu langona ono longo ma mee alodahi aana ne hai i Egypt,

Judges 7:14

Gai dono soa ga hai ange, “De mee naa go de gadilaasa donu a Gideon tama daane a Joash taane Israel. De Maadua gu dugu ange de gau Midian ma denga hagabuulinga hebagi alodahi gi lalo dono sauaa.”