Joshua 2:5 - De Beebaa Dabu

⁵ Gai de masavaa huu ne dai pono ai de haitoga o de aduhale i de ahiahi, gai gilaau ga ssao ga hulo, gai au tee iloo be go hee olaau ne hulo aagena. Goodou hagamoolau doolohia gilaau. Gai goodou e maua naa donu gi daea adu gilaau.”

Joshua 2:5 Iomraidhean Croise

Nehemiah 13:19

Gai de masavaa huu ne gohu denga haitoga o Jerusalem i mua de dae mai o Sabbath, gai au ga hai gilaadeu gi bonodia denga haitoga, gai e dee ahe ange e hhuge ga dae ai gi de ui de laangi o Sabbath. Gai au ne hai hanu ogu daane hai hegau gi hagaloosia denga haitoga alodahi, gi deai ai mee e hagauda mai gi lo te aduhale i de laangi o Sabbath.

Isaiah 60:11

Oo haitoga e hhuge naa i masavaa alodahi, gai e dee pono donu i de laangi ma de boo; gai dangada ga gaamai ai gi de goe de lava o denga huaahenua, gai go olaadeu hodooligi e dagina mai gilaadeu.

Jeremiah 50:20

Laangi laa ma de masavaa laa, go Tagi Maolunga e hagadaba, gai e ssala naa gi gidee baubau o Israel, aagai e deai naa donu haisala e gidee; e ssala naa hogi gi gidee haisala o Judah, aagai e deai naa hogi e gidee, go hiidinga au e degi ange naa gi dangada aagu e hagaola.

Ezekiel 47:12

Gai luu baasi ngaadahi o de vai laa e ssomo ai naa denga hagadaagangaa manu ssomo e gai olaadeu hua. Olaadeu lau e dee mmae gai olaadeu hua e dee odi naa donu. Gai manu nei e hhua naa i denga malama alodahi, go hiidinga vai olaadeu e unu ai e ssali mai i de mommee dabu laa. Gai olaadeu hua e haangai ai dangada, gai olaadeu lau e hagaieiangi ai magi o dangada.”

Joshua 2:4

Aagai de hine laa gu kave luu daane laa ma gu hagammuni. Gai ia ga hai ange, “Ni muna abodonu, luu daane laa ne loomai donu gi ogu daha, aagai au tee iloo donu be go hee olaau ne loomai ai.

Joshua 2:6

(Aagai ia gu gaavage luu daane laa gi tua de hale, ma gu hagammuni ai gilaau i magavaa o denga noodangaa flax aana e hagatau laa i tua de hale.)

Joshua 2:7

Gai denga daane o de hodooligi ne doolohi luu daane laa i de haiava e hano laa gi ssaalingaa vai go Jordan, ga dae ai gi denga mommee e hulo ai laa gi de baasi gee o de vai. Gai de masavaa o denga daane laa ne hulo ai, gai de haitoga o de aduhale gu pono.

Revelation 21:25

Gai haitoga o de aduhale laa e deai naa donu se pono i de laangi, gai e deai naa hogi se boo i kilaa.

1 Samuel 19:14

Gai de masavaa huu a Saul ne gaamai ai hanu daane gi boogia David, gai Michal ga hai ange, “David e magi.”