Joshua 2:18 - De Beebaa Dabu

¹⁸ Gai koe haia de mee nei: de masavaa naa huu omaadeu e tae mai ai gi de henua, gai koe ga nnoa ange taula mmea nei gi de abaaba damaa mee, aau ne hagasege iho ai nei gimaau. Gai koe ga hagabuni mai doo damana, ma doo dinana, ma oo daina, aama dangada alodahi i doo huaabodu gi doo hale.

Joshua 2:18 Iomraidhean Croise

Genesis 12:2

Gai au e hai naa goe gi se huaahenua soa mmao, au e hagamanuuia naa goe; au e hai naa doo ingoo gi maolunga, gai koe e hai naa gi se mee e manuuia ai dangada.

Genesis 7:1

Gai Tagi Maolunga ga hai ange gi Noah, “Hannoo ulu gi lo te vaga hale madali dangada alodahi i doo huaabodu, go hiidinga au gu gidee bolo koe se daane e heohi oo dagodo i de atangada nei.

Esther 8:6

Dee hee dagu hai e maua ai i de tilo de hai ngadaa gu dai hai ange nei gi ogu dangada? Gai dee hee dagu hai e maua ai i de tilo de daia ga maakau o ogu dangada?”

Exodus 12:13

Gai dodo e hulu ai laa denga haitoga e hagailonga denga hale oodou e nnoho ai. Gai de masavaa naa huu aagu e gidee ai dodo laa, gai au ga hagasili oodou hale. Gai de mee hagamaakau e dee baa i goodou, i de masavaa aagu e hagaduasala ai de henua go Egypt.

Song of Songs 4:3

Luoo malaungudu e bei deleisi mmea, gai doo ngudu e tilo danuaa. Luoo galaahuu e bei luu dibaa pomegranate i lalo doo malo haoli.

Leviticus 14:4

gai tangada haimeedabu gi haia ia gi gaamai e lua manu llele gilimalali e mouli laa, ma dahi bido laagau cedar, ma hanu huga malo mmea aama dahi laa hyssop e hagagilimalali ai ia.

Numbers 19:6

Gai tangada haimeedabu gi magaa ange hanu laagau cedar ma dahi laa hyssop aama hanu huga malo mmea gi lo te ahi, e dudu ai laa de kaau laa.

Numbers 4:8

Gai gilaadeu gi haolia teebele laa, ma mee i ono elunga i dahi malo mmea, gai haolia honga de malo laa i gili kaau lausedi, ga velo ange luu laagau e saabai ai gi olaau duulanga.

Luke 19:9

Iesu ne hai ange gi de ia, “De hagamouli gu dae mai gi de hale nei anailaa nei, go hiidinga taane nei se mogobuna donu hogi niio Abraham.

Acts 10:27

Dono masavaa e basa ange gi Cornelius, gai Peter ga ulu gi lo te hale gu gidee hanu dangada soa gu hagabuni i kilaa.

Acts 10:33

Deelaa ai, au ne hagamoolau ga hai gi loadu hanu dangada gi gaamai goe, aagai koe gu abodonu hogi ma gu humai. Gimaadeu alodahi gu nnoho i kinei i mada luu mada o de Maadua e hagallongo ai mee hugadoo gu lava i de tala adu gi de goe mai i daho de Maadua.”

Acts 11:14

Gai ia ga tala adu ai gi de goe ma dangada i doo hale alodahi doo hai e hagamouli ai.’

2 Timothy 1:16

Gai Tagi Maolunga gi abodonu ange gi de huaabodu o Onesiphorus, i hiidinga ia e dee modu donu de hagaaneane ogu lodo, gai e dee dogaa donu i de au i dogu hhao gi lo te hale pono;

Hebrews 9:19

Gai ga lava huu i de tala ange a Moses muna alodahi o de hainga gi de huaadangada, gai ia ga kave dodo o hanu kaau gauligi ma dodo o hanu guudi madali hanu vai, ga hai hanu huluhulu mmea, ma laa o de hyssop ga hagassii ange ai gi honga de beebaa mulo laa, aama honga o dangada alodahi,

Joshua 2:21

Gai de hine laa ga hai ange, “Au e hai naa donu gi bei ooluu muna.” Gai ia ga hai gilaau gi hulo, gai ia ga nnoa ange taula mmea laa gi de abaaba damaa mee.

Joshua 6:23

Gai luu daane laa ne hulo ga dagi mai Rahab, ma dono damana, ma dono dinana, aama ono daina alodahi, aama ana mee alodahi. Gai gilaau ne dagi mai ia ma dono huaabodu alodahi, ga dugu gilaadeu i tua de mommee nnoho gaainga o de gau Israel.

Joshua 6:25

Gai Joshua ne hagaola de hine hai be se manu go Rahab ma de huaabodu o dono damana ma ana mee alodahi. Gai ia ne noho madali de gau Israel ga dae mai ai gi anailaa nei, i hiidinga ia ne hagammuni luu daane a Joshua ne hai laa gi hulo gi mulidagi ina Jericho.