Joshua 2:1 - De Beebaa Dabu

¹ Gai Joshua tama daane a Nun, ne hai gi hulo e dogolua daane mulidagi mai i Shittim, ga hai ange, “Gooluu hulo, mulidagi ina de henua, gai diiloo dagodo o de aduhale go Jericho.” Gai gilaau ne hulo ga ulu i de hale o dahi hahine hai be se manu, dono ingoo go Rahab, ga nnoho ai i de boo laa.

Joshua 2:1 Iomraidhean Croise

Genesis 42:16

Haia dahi goodou gi hano gi gaamai doodou daina gauligi, gai goodou ange naa e hhao gi lo te hale pono, e tilo ai be goodou ne tala de muna abodonu be deai; gai noo e deai, gai au e hagadaba i de ingoo o Pharaoh bolo goodou ni dangada donu mulidagi.”

Genesis 42:9

Gai Joseph gu manadua e ia ana midi i olaadeu dagodo. Gai ia ga hai ange gi gilaadeu, “Goodou ni dangada mulidagi ne loomai e tilo denga mommee o de henua e dee buibui.”

Micah 6:5

Ogu dangada, goodou manadua hagasaele a de hodooligi o Moab go Balak, gai aahee muna a Balaam tama daane a Beor ne basa ange ai; manadua mee ne hai i doodou loomai i Shittim gi Gilgal, gai gi iloo ai e goodou dagodo hegau heohi a Tagi Maolunga!”

Numbers 13:1

Gai Tagi Maolunga ga hai ange gi Moses,

Numbers 13:2

“Haia gi hulo hanu daane gi mulidagi ina de henua go Canaan, go de henua aagu e gaavange gi de gau Israel. Gai koe hilia dagidahi dagi mai i denga aamuli o oodou dubuna madagidagi.”

Numbers 25:1

De masavaa o de gau Israel goi nnoho ai i Shittim, gai de huaadangada ga hai denga dahulinga hai be se manu madali denga haahine o Moab.

Numbers 33:49

Gai gilaadeu ne hulo ga nnoho gaainga i gaogao Jordan, mai i Beth Jesimoth ga hano ai gi Abel Shittim i de mommee soe o Moab.

Matthew 1:5

Salmon ne hagadili Boaz i daho Rahab, Boaz ne hagadili Obed i daho Ruth, gai Obed ne hagadili Jesse.

Matthew 10:16

“Tilo, au e hai goodou gi hulo bei dagodo o denga ssiibi i magavaa o denga wolf. Deenei ai, goodou gi heiangi bei denga labodo, gai gi daudonu bei dagodo o denga manu kono.

Ephesians 5:5

Gai goodou gi iloo de mee nei: e deai dono se dangada hai be se manu, be se dangada dahulinga hakino gee, be se dangada nnoo hagamau mee (e bei se dangada e daumaha ange gi denga diinonga), e maua i de ulu i de nohoanga hodooligi o Klisdo ma de Maadua.

Hebrews 11:31

De gai o Rahab, de hine hai be se manu, ne hai ga tee magau ia madali dangada tee hagallongo i muna, i hiidinga ia ne abodonu ange gi denga daane mulidagi.

James 2:25

Aagai e bei ai hogi de hine hai be se manu go Rahab: ia ne hagabinga bolo e heohi i ana hegau ne hai, i dono abodonu ange gi luu daane mulidagi ga hai gilaau gi hulo i dahi haiava gee.

Joshua 1:18

Gai be goai e hai baasi adu gi au muna, aabe e dee hagallongo adu gi au muna alodahi e tala ange gi de ia, e daa donu gi magau. Gai koe gi lodo mmahi ma de lo taane.”

Joshua 2:2

Gai hanu ne tala ange gi de hodooligi o Jericho, ga hai ange, “Tilo, hanu daane Israel gu loomai gi kinei anaboo nei, e mulidagi ai de henua.”

Joshua 21:31

ma Helkath ma ono mommee iai helii, ma Rehob ma ono mommee iai helii — e haa aduhale nei.

Joshua 3:1

Gai boo taiao donu huu, gai Joshua ma de gau Israel ga oho age ga daga mai i Shittim, ga hulo gu tae gi ssaalingaa vai go Jordan, go kilaa olaadeu ne nnoho ai i de boo, i mua delaadeu hulo gi de baasi laa.

Joshua 5:10

Gai de masavaa o de gau Israel ne nnoho gaainga ai i Gilgal, gai gilaadeu ne hai Taonga Hagasili i de ahiahi o de madaangahulu ma haa laangi o de malama laa i de mommee soe o Jericho.

Judges 1:23

Gai gilaadeu ne kave hanu dangada gi mulidagi ina Bethel. (Gai de ingoo o Bethel i mua go Luz.)

Judges 18:14

Gai denga daane dogolima ne hulo laa e mulidagi ina de mommee go Laish, ga hai ange gi olaadeu dangada, “Goodou e iloo laa bolo e dahi hale i kinei iai dahi ephod, ma hanu diinonga o de huaabodu, aama dahi diinonga i laagau ma baalanga? Gai goodou hagasaelea be ni aha oodou e hai.”

Judges 18:17

Gai denga daane dogolima ne hulo laa e mulidagi ina de henua ne hulo ga ulu i de hale ga kave tiinonga laagau, ma de ephod, ma diinonga o de huaabodu, aama tiinonga baalanga; gai tangada haimeedabu e duu i gaogao de haitoga o de buibui madali e onolau daane, e hagauda laa olaadeu goloa hebagi.

Judges 18:2

Gai de aamuli o Dan ne hai gi hulo e dogolima olaadeu daane dau i de hebagi, mai Zorah ma Eshtaol gi mulidagi ina de henua, ma de tilo gi iloo ono dagodo. Gai dangada ne hai ange gi gilaadeu, “Goodou hulo diiloo dagodo o de henua.” Gai denga daane laa ne hulo gu tae gi de hale o Micah, i mommee iai mounga o Ephraim, ga nnoho ai i de boo laa.