Joshua 18:12 - De Beebaa Dabu

¹² De ngaadonga i baasi i ngaiho o delaadeu vaaenga e daamada i ssaalingaa vai go Jordan, ga hanage i de madadaagodo o Jericho i baasi i ngaiho, gai e duudagi mai i kilaa ga hanage ai gi de mommee iai mounga i baasi i dai, gai e ngado mai i de vao o Beth Aven.

Joshua 18:12 Iomraidhean Croise

Hosea 10:5

Dangada e nnoho i Samaria gu maatagu i hiidinga o dahi ⌊diinonga e hagadulagi ange laa gi de⌋ kaau i Beth Aven. Dono huaadangada e tangi naa i hiidinga o delaadeu diinonga, ono dangada haimeedabu e tangi naa hogi, aama dangada ne malangilangi i de mahamaha o tiinonga laa, go hiidinga gu gaavee gee mai i olaadeu daha.

Hosea 4:15

Israel, e dee galemu donu doo dagodo haisala, gai Judah gi dee dagodo haisala bei oo dagodo. Goodou aude hulo gi Gilgal, be go Beth Aven. Gai gi dee hagatoo donu gi hagataba, “Au e hagatoo donu i de mouli o Tagi Maolunga.”

Hosea 5:8

Ilihia de hanga manu i Gibeah, gai ilihia de trumpet i Ramah. Hagailoo ina de masavaa o de hebagi i Beth Aven; denga daane hebagi o Benjamin, go goodou e dagi!

Joshua 16:1

De vaaenga o Joseph e daamada mai i Jordan i gaogao o Jericho i baasi i dua o denga vai o Jericho, ga hano laa de vao ga hano ai gi de mommee iai mounga o Bethel.

Joshua 18:11

Gai de mommee i mua ne vvae ange gi denga hagadiilinga i de aamuli o Benjamin. Gai de mommee ne vvae ange gi gilaadeu e duu i magavaa o de vaaenga o Judah ma de vaaenga o Joseph.

Joshua 2:1

Gai Joshua tama daane a Nun, ne hai gi hulo e dogolua daane mulidagi mai i Shittim, ga hai ange, “Gooluu hulo, mulidagi ina de henua, gai diiloo dagodo o de aduhale go Jericho.” Gai gilaau ne hulo ga ulu i de hale o dahi hahine hai be se manu, dono ingoo go Rahab, ga nnoho ai i de boo laa.

Joshua 3:16

gai vai e loiho laa i lunga gu tuu de ssali iho, gai gu hagabudubudu age i dahi mommee mmao, i de aduhale go Adam, se damaa aduhale e baa ange gi Zarethan. Gai vai e loiho laa ma e hulo gi Tai o Arabah (e bei, go Tai o Soolo) gu modu gee. Gai de huaadangada ne seesee ga hulo gi de baasi gee i gaogao o Jericho.

Joshua 6:1

De masavaa laa gai de aduhale go Jericho gu hagamakaga laa lodo ma laa daha, i hiidinga o de gau Israel; gu deai dangada e ssao aabe e ulu gi lodo.

Joshua 7:2

Gai Joshua ne hai hanu daane gi loomai i Jericho gi hulo gi Ai, se aduhale e baa ange gi Beth Aven i baasi dua o Bethel. Ia ne tala ange gi gilaadeu, ga hai ange, “Goodou hulo mulidagi ina de henua.” Gai denga daane laa ne hulo ga mulidagi Ai.

Joshua 8:15

Gai Joshua ma denga daane alodahi o Israel ne saavini ga hulo gee mai i gilaadeu ga hulo i de haiava e hano laa gi de vao, e dagodo be gilaadeu gu maakulu.

1 Samuel 13:5

Gai de gau Philistia ne hebagi ange gi Israel, se dolusemada olaadeu hada hebagi, e onomano daane e saavini i denga hoosa, gai olaadeu hagabuulinga hebagi e soa mmao bei de lagolago o denga gelegele i gabugabu tai. Gai gilaadeu ne hulo ga hagaduu delaadeu mommee nnoho i Mikmash, i baasi i dua o Beth Aven.