Joshua 17:14 - De Beebaa Dabu

¹⁴ Gai de aamuli o Joseph ne hai ange gi Joshua, “Gu aha gu dahi ai nei donu huu au mommee ne bolo mai gi gimaadeu? Gai gimaadeu gu soa, i hiidinga Tagi Maolunga gu hagamanuuia gimaadeu.”

Joshua 17:14 Iomraidhean Croise

Genesis 48:19

Aagai dono damana e dee lodo, ga hai ange, “Dagu dama, au e iloo. Ia e hai naa ga se huaadangada soa, ia e sula naa hogi ga maolunga. Aagai dono daina gauligi e maolunga ange naa i de ia, gai ono hagadiilinga e hai ai naa ga ni huaahenua soa.”

Genesis 48:20

Gai ia ga hagamanuuia gilaau i de laangi laa, ga hagadaba, “De gau Israel e hagamanuuia naa, ga hagataba, ‘De Maadua gi haia goe gi bei Ephraim ma Manasseh.’ ” Gai ia ne hai Ephraim gi maolunga ange i Manasseh.

Genesis 48:22

Gai au e gaavadu naa dahi madadaagodo gi de goe e dee gaavange gi oo daina, de mommee aagu ne kave mai i daho de gau Amor i dagu gadilaasa ma dagu mee hholu.”

Ezekiel 48:5

De vaaenga e mua ange gi Manasseh go de vaaenga o Ephraim, gai e daamada mai i baasi i dua ga hano ga sao i dai.

Numbers 13:7

mai i de aamuli o Issachar, go Igal tama daane a Joseph;

Numbers 26:54

Gai koe gaavange gi de aamuli e soa ono dangada de mommee laumalie, gai de aamuli e sogoisi ono dangada dahi mommee e damaa mee mai ange; gai vaevaaea ange gi denga aamuli alodahi olaadeu mommee gi danuaa ange taelodo dangada gu sisi olaadeu ingoo.

Numbers 36:12

Gilaadeu ne hai bodu ange gi hanu daane de aamuli o Manasseh, tama daane a Joseph, gai de gelegele ne vvae ange laa gi gilaadeu gu dagodo donu huu i daho denga hagadiilinga mai i de aamuli o delaadeu damana.

Joshua 16:4

Gai de aamuli o Joseph, mai i Manasseh ma Ephraim ne kave hogi delaadeu vaaenga.

Joshua 17:15

Gai Joshua ga hai ange gi gilaadeu, “Noo goodou gu soa, gai de mommee iai mounga o Ephraim e dee dohu ai goodou, gai goodou loage gi lodo henua mage hagamalaelae ina ai dahi mommee i de henua o de gau Perez aama de gau Repha.”