Joshua 17:11 - De Beebaa Dabu

¹¹ Gai Manasseh ne kave hogi i daho de aamuli o Issachar ma de aamuli o Asher de mommee go Beth Shan ma ono aduhale vaaligiligi, ma Ibleam ma ono aduhale vaaligiligi, ma dangada e nnoho i Dor ma ono aduhale vaaligiligi, ma dangada e nnoho i Endor ma ono aduhale vaaligiligi, ma dangada e nnoho i Taanak, ma ono aduhale vaaligiligi, ma dangada e nnoho i Megiddo, ma ono aduhale vaaligiligi (gai tolu mommee gu sisi go Naphoth).

Joshua 17:11 Iomraidhean Croise

2 Samuel 21:12

gai ia ne hano ga gaamai ivi o Saul ma dana dama go Jonathan i daho de gau Jabesh Gilead. (Gilaadeu ne kave hagammuni olaau angaanga mai i lo te aduhale go Beth Shan, go de mommee a de gau Philistia ne kave olaau angaanga ga daudau age ai, i de laangi alaadeu ne daa ai a Saul ga magau i honga de mounga go Gilboa.)

1 Kings 9:15

Deenei de hai a de hodooligi go Solomon ne hagahai hegau ai dangada ga hagaduu ai de hale o Tagi Maolunga, ma dono hale, ma denga bae e daohi age ai, ma de buibui o Jerusalem, ma Hazor, ma Megiddo, aama Gezer.

2 Kings 9:27

De masavaa huu a Ahaziah, de hodooligi o Judah ne gidee ai mee laa, gai ia ga savini e hano gi Beth Haggan. Gai Jehu ga doolohi ia, ga hagadaba, “Daia hogi ia gi magau!” Gai gilaadeu ga tili ia gu lagohia i lo tono hada hebagi i honga de haiava e hanage laa gi Gur i gaogao Ibleam, aagai ia ne ola ga hano gi Megiddo ga magau ai i kilaa.

1 Chronicles 6:70

Gai denga hagadiilinga e doe i de aamuli o Kohath ne kave mai i daho dahi luu baasi de aamuli o Manasseh ange laa, Aner ma Bileam ma olaau mommee iai helii.

1 Chronicles 7:29

Gai de mommee e ngado mai ai de vaaenga o Manasseh: go Beth Shan, ma Taanak, ma Megiddo ma Dor aama olaadeu aduhale vaaligiligi, gai go hagadiilinga o Joseph, tama daane a Israel e nnoho ai.

2 Chronicles 35:22

Gai Josiah tee ahe donu, aagai ne hai gi dee madea ia ga hebagi ange ai gi Neco. Ia tee hagallongo ange gi muna a de Maadua ne tala ange gi de ia i daho Neco, aagai ne hano ga hebagi ange gi de ia i de mommee soe i Megiddo.

Psalm 83:10

go dangada ne maakau i Endor, olaadeu angaanga gu bei denga duudae pobo i honga de gelegele.

Jeremiah 49:2

Gai tilo, e tae mai naa laangi, go Tagi Maolunga e hagadaba, aagu e hai ai gi langona de oo ina mai o de hebagi e hai baasi ange ai gi Rabbah o de gau Ammon! Gai e hai naa ga bei de hagabuudungaa gainga, gai ono aduhale e dudu naa i de ahi. Israel e kave naa de henua o dangada ne gaavee dono henua, go Tagi Maolunga e hagadaba.

Zechariah 12:11

De laangi laa gai e hai naa tangi laumalie i Jerusalem, bei de tangi o dangada ma de hinangalosaa o dangada i Hadad Rimmon, i de geelonga o Megiddo.

Joshua 11:2

ma denga hodooligi i de mommee iai mounga i de bido gi ngaiho, ma gilaadeu e nnoho i mommee soe i de baasi i ngaage o Kinnereth, ma dangada e nnoho i de mommee iai duuduu paa i lalo, ma gilaadeu e nnoho i Naphoth Dor i tagudai,

Joshua 12:21

ma de hodooligi o Taanak, ma de hodooligi o Megiddo,

Joshua 12:23

ma de hodooligi o Dor i tagudai, ma de hodooligi o Goiim i Galilee,

Joshua 16:9

Gai hanu aduhale o de aamuli o Ephraim i lo te vaaenga o de aamuli o Manasseh. Aanei olaadeu aduhale nnui alodahi ma olaadeu aduhale vaaligiligi.

Joshua 17:10

Baasi i ngaage go de vaaenga o Ephraim, gai de baasi i ngaiho niio Manasseh. De vaaenga o Manasseh e hano ga duu i de Mediterranean, de vaaenga o Asher i baasi i ngaiho, gai de vaaenga o Issachar i baasi i dua.

Joshua 17:16

Gai aamuli o Joseph ga hai ange gi de ia, “De mommee o denga mounga e dee dohu ai gimaadeu, gai de gau Canaan e nnoho laa i de mommee soe e hanu olaadeu hada baalanga; go dangada alodahi i Beth Shan ma ono aduhale vaaligiligi, aama de mommee soe o Jezreel.”

Judges 1:27

De aamuli o Manasseh tee hai gi hulo gee dangada e nnoho i Beth Shan ma ono aduhale vaaligiligi, ma Taanak ma ono aduhale vaaligiligi, ma Dor ma ono aduhale vaaligiligi, ma Ibleam ma ono aduhale vaaligiligi, ma Megiddo ma ono aduhale vaaligiligi; aagai de gau Canaan ne duudagi de nnoho i de henua laa.

Judges 5:19

Denga hodooligi ne loomai, gilaadeu ne hebagi; denga hodooligi o Canaan ne hebagi, i Taanak, i gaogao vai o Megiddo; aagai teai alaadeu selevaa ne mau.

1 Samuel 28:7

Gai a Saul ga hai ange gi ono dangada hai hegau, “Goodou saalaa dahi hahine hai huuhuaa mee, gai au ga hano e ssili gi iloo agu mee e hai.” Gai ono dangada hai hegau ga hai ange gi de ia, “Tilo, e dahi hahine hai huuhuaa mee i Endor.”

1 Samuel 31:10

Gai gilaadeu ne kave goloa hebagi o Saul ga hhao gi lo te hale daumaha o Ashtaroth, gai ne daudau age dono angaanga i de buibui o Beth Shan.

1 Samuel 31:12

gai denga daane hebagi dau ga hulo gu tae i de boo laa, ga dugu iho de angaanga o Saul ma ana dama i de buibui o Beth Shan, ga kave gi Jabesh ga dudu ai.