Joshua 11:6 - De Beebaa Dabu

⁶ Gai Tagi Maolunga ga hai ange gi Joshua, “Aude madagu donu i gilaadeu, go hiidinga daiao i de masavaa bee nei, gai au e dugu ange gilaadeu gi de gau Israel gi daia gi maakau. Gai goodou ga hai gi dee vaa seesee alaadeu hoosa ma de dudu olaadeu hada hebagi i de ahi.”

Joshua 11:6 Iomraidhean Croise

2 Samuel 8:4

Gai David ne kave mai i ono daha, e mano hada hebagi, e 1,700 daane e saavini i honga hoosa, gai e luasemada daane e seesee i honga de gelegele. Ia ne hai hogi gi dee vaa seesee denga hoosa alodahi, gai ne dugu e lau hoosa ange gi denga hada.

2 Kings 6:16

Elisha ne hai ange, “Aude madagu, go hiidinga de hagabuulinga madali gidaadeu e kii ange de soa i gilaadeu.”

2 Chronicles 20:16

Daiao gai goodou loiho mage hebagi ange gi gilaadeu. Gai gilaadeu e loomai naa ga kage age i de madadaagodo o Ziz, gai goodou e gidee naa gilaadeu i de bido laa o de geelonga, i baasi dua o de vao go Jeruel.

Psalm 46:10

“Goodou nnoho ma gi dee mmuu, gai goodou gi iloo bolo go au donu de Maadua. Denga huaahenua e hagaamua naa donu au, henua i lalo e hagaamua naa donu au.”

Psalm 46:11

Tagi o denga hagabuulinga hebagi e madali gimaadeu; de Maadua o Jacob go demaadeu mommee buibui makaga. Selah

Psalm 46:9

Ia e hai naa gi deai hebagi i henua i lalo alodahi; ia e hadihadi de mee hholu ma ono dao, ia e dudu denga hada hebagi i de ahi!

Proverbs 20:7

Tangada heohi e hai hegau laa i de mee abodonu, e hai naa ga manuuia denga dama e loomai i ono dua.

Isaiah 30:16

Goodou e hagataba, ‘E deai, gimaadeu e kage naa i honga hoosa e saavini ai ga hulo gee.’ Deenei ai, goodou e saavini naa ga hulo gee! Goodou e hagataba, ‘Gimaadeu e saavini naa ga hulo i denga honga hoosa kemo.’ Deelaa ai, gilaadeu e dolohia goodou ni dangada kemo mmao!

Isaiah 31:1

E vakaa naa gilaadeu e hulo laa gi Egypt e ssala ai delaadeu bale, gai e hagadonusia mahi o denga hoosa, ma de tali hagalodolodo ange gi denga hada hebagi lagolago, ma mahi o olaadeu daane i honga hoosa, aagai e dee anga ange gi de Ia Dabu o Israel, aabe e dangidangi i de bale mai i daho Tagi Maolunga.

Ezekiel 39:9

Gai dangada e nnoho i denga aduhale o Israel e hulo naa ga hagabudu denga goloa hebagi ga dudu ma de hai ai alaadeu ahi — go mee hungihungi nnui ma mee hungihungi vaaligi, ma mee hholu ma olaadeu dao, ma laagau hebagi aama dao. Gai gilaadeu e hai naa alaadeu ahi i goloa hebagi laa i e hidu ngadau.

Hosea 14:3

Assyria e dee maua i de hagaola gimaadeu; gimaadeu e dee kage donu i honga denga hoosa hebagi. Gimaadeu e dee aahe ange naa donu e hagahi ange, ‘Omaadeu maadua’ gi denga diinonga amaadeu ne hagatuu, i hiidinga koe e lodo aloha ange gi denga gauligi gu deai olaadeu damana.”

Nahum 2:13

“Tilo, au e hai baasi adu gi de goe, go Tagi o denga hagabuulinga hebagi e hagadaba. Au e dudu naa oo hada hebagi, gai au laiono mmahi e daa naa ga maakau i de gadilaasa. Au e kave gee naa mee alodahi aau ne mau i henua i lalo. Gai leo o oo dangada hagailoo e deai naa donu dangada e langona.”

Deuteronomy 7:16

Gai goodou daia gi odi dangada alodahi a Tagi Maolunga doodou Maadua e gaavadu goodou gi hagadee kii ina. Goodou aude lodo aaloha ange gi gilaadeu aabe gi daumaha ange gi olaadeu diinonga, go hiidinga mee nei e hai naa goodou ga bei dagodo o de manu gu noodia laa i ssele.

Joshua 10:8

Gai Tagi Maolunga ga hai ange gi Joshua, “Aude madagu i gilaadeu, go hiidinga au e dugu adu donu koe gi hagadee kii ina gilaadeu; gai e deai naa donu se gilaadeu e bau adu gi de goe.”

Joshua 11:5

Gai denga hodooligi nei ma olaadeu hagabuulinga hebagi ga hagabuni, ga loomai ga hagatuu olaadeu mommee nnoho gaainga i gaogao de vai go Merom, e hebagi ange ai gi de gau Israel.

Joshua 11:7

Gai Joshua ma ono daane hebagi ne daa hagalele donu huu de tae gi gaogao de vai o Merom, ga hebagi ange gi gilaadeu.

Joshua 11:9

Gai Joshua ne hai ga bei muna a Tagi Maolunga gu tala ange gi de ia: ia ne hai gi dee vaa seesee alaadeu hoosa ga dudu olaadeu hada hebagi i de ahi.

Joshua 3:5

Gai Joshua ga hai ange gi dangada, “Haia gi gilimalali goodou, go hiidinga daiao gai Tagi Maolunga e hai naa denga mee hagalele mouli i oodou magavaa.”

Judges 20:28

gai go Phinehas, tama daane a Eleazar, de mogobuna o Aaron, e haia hegau i mada i mua o de ngavesi laa.) Gai gilaadeu ne ssili ange, “Ga aahe gimaadeu e hebagi ange gi omaadeu daina, go de aamuli o Benjamin be deai?” Gai Tagi Maolunga ne hai ange, “Goodou hulo, gai au e dugu adu naa goodou gi hagadee kii ina gilaadeu daiao.”

Judges 7:9

Gai Tagi Maolunga ga hai ange gi Gideon, i de boo laa, “Hidi age, hannoo hebagi ange gi gilaadeu i delaadeu mommee nnoho gaainga; go hiidinga au e dugu adu naa donu gi kii goe.

1 Samuel 11:9

Gai gilaadeu ne hai ange gi de gau hagailoo gu loomai laa ⌊i Jabesh⌋, “Goodou daalaa ange muna nei gi de gau Jabesh i Gilead, ‘Daiao, i de masavaa e hagavvela ai de laa, gai gimaadeu e loadu naa e hagaola goodou.’ ” Gai de masavaa huu o de gau hagailoo ne aahe ai, ga tala ange muna nei gi de gau Jabesh, gai gilaadeu gu malangilangi.