Joshua 11:21 - De Beebaa Dabu

²¹ Gai Joshua ne hano hogi i de masavaa laa ga daa gu maakau de gau Anak mai i de mommee iai mounga: mai i Hebron, ma Debir, ma Anab, ma mommee iai mounga o Judah, aama mommee alodahi iai mounga i Israel. Gai Joshua ne oha olaadeu aduhale alodahi.

Joshua 11:21 Iomraidhean Croise

Jeremiah 3:23

Ni muna abodonu, demaadeu daumaha ange gi denga diinonga i honga duuduu ma honga mounga e hagasenga gimaadeu. Ni muna abodonu, de hagaola o Israel go Tagi Maolunga demaadeu Maadua.

Jeremiah 9:23

E hagadaba Tagi Maolunga: “Tangada heiangi gi dee duuhia donu huu dono heiangi, gai taane mmahi gi dee duuhia donu huu ono mahi, tangada lava gi dee duuhia hogi ono goloa lagolago,

Amos 2:9

Aagai au ne daa ga maakau de gau Amor i olaadeu mada i mua, e dee galemu donu gilaadeu e lloa bei denga cedar, gai e mmahi bei denga oak. Au ne oha hua i honga olaadeu laa ma olaadeu aga i lo te gelegele.

Numbers 13:33

Gimaadeu ne gidee hogi dangada e hagaingoo ange laa go denga Nephilim (denga Nephilim go hanu aamuli o Anak); gai gimaadeu e bei donu dagodo o denga itebuubuu i olaadeu daha.”

Deuteronomy 1:28

Gai go hee odaadeu e hulo aagena? Odaadeu daina gu hai gi manavasaa odaadeu lodo, i delaadeu hai mai, ‘Dangada i kilaa e mmahi ange ma de lloa ange i gidaadeu, gai olaadeu aduhale e nnui, gai buibui o olaadeu aduhale e hulo ma e tae gi de langi. Gimaadeu ne gidee hogi de gau Anak i kilaa.’ ”

Deuteronomy 2:21

Gilaadeu ni dangada mmahi ma de soa, gai ni doa bei de gau Anak. Aagai Tagi Maolunga ne hai de gau Ammon gi daia gilaadeu gi odi i de maakau, ga kave delaadeu henua ga nnoho ai,

Deuteronomy 9:2

Gai dangada e lloa ma de nnui, go de gau Anak. Goodou gu iloo olaadeu dagodo, ma de langona dangada e hagataba, “Goai e maua i de hai baasi ange gi de gau Anak?”

Joshua 10:42

Joshua ne hagadee kii denga hodooligi laa alodahi, ga kave olaadeu henua i de masavaa laa, i e dahi donu huu hanonga, go hiidinga Tagi Maolunga de Maadua o Israel, ne hebagi i hiidinga o Israel.

Revelation 6:2

Gai au ne galo age ga gidee dahi hoosa tea, gai de ia e gage ai e poo dahi mee hholu, gai gu dugu ange dahi hau gi honga dono biho, gai ia ga sao ga hano e hagamaakulu aama de hagadee kii.

Judges 1:20

Gai Hebron ne gaavange gi Caleb, bei de hai a Moses gu tala ai laa; gai Caleb ga hai gu hulo gee denga dama daane dogodolu a Anak mai i kilaa.