Jonah 4:8 - De Beebaa Dabu

⁸ Gai de masavaa huu ne dii age ai de laa, gai de Maadua ne hai gi humai de madangi hagavvela i dua, gai de laa gi dii ange gi honga de ngadi biho o Jonah, gai ia gu dai ssili mada. Gai ia gu lodo gi magau ia, gai ia ga hagadaba, “E danuaa ange donu dogu magau i dogu mouli.”

Jonah 4:8 Iomraidhean Croise

Genesis 41:6

Gai tilo, e hidu ange gau looloa grain gu hhaa mai hogi i olaadeu dua, gai denga gau looloa laa e hua vaaligiligi ma de moosugia, i hiidinga de saudia i de madangi mai i dua,

1 Kings 19:4

gai ia ne seesee i dahi laangi ga hano gi de vao. Gai ia ne gidee dahi broom, gai ia ne hano ga noho i lalo de manu laa ga dalodalo ai gi magau ia. Ia ne hai ange, “Tagi Maolunga, gu lava sili, daia donu au gi magau; go hiidinga au e dee kii ange donu i ogu dubuna madagidagi.”

1 Kings 21:4

Gai Ahab ne hano gi dono hale, ia gu daemaha ma de lili, go hiidinga Naboth taane Jezreel ne hai ange, “Au e dee gaavadu gi de goe de mommee ne bolo mai gi de au i daho ogu maadua.” Gai Ahab ne hano ga dagodo i honga dono moenga ga huli gee mai i dangada, ia gu dee lodo e gaimee.

De Beebaa go Job 2:10

Job ne hai ange, “Koe e basa donu bei dahi hahine lodo senga. E aha, go mee danuaa donu huu adaadeu e kave mai i daho de Maadua, gai e dee kave hogi denga mee hai ngadaa?” Gai a Job tee haisala donu i ana muna ne tala.

De Beebaa go Job 7:15

gai au e hilihili gi guumia dogu ua ma de magau, e dee go dogu mouli i de angaanga nei.

Psalm 121:6

de laa e dee hagalagohia goe i de laangi, gai de maasina e dee hagammae hogi goe i de boo.

Psalm 39:9

Au ne dee muu; au tee tala hanu muna, i hiidinga go koe donu ne haia de mee nei.

Ecclesiastes 7:9

Koe gi dee moolau doo lili; go hiidinga de lili e dagodo i lodo o tangada lodo senga.

Song of Songs 1:6

Goodou gi dee haaina mai au i hiidinga au e uliuli, i hiidinga go de laa ne haia au ga uliuli. Ogu daina daane ne llili i de au gai gilaadeu ga hai au gi diiloo ange denga veelengaa grape; gai au ne tili donu huu dagu veelengaa grape.

Isaiah 49:10

Gilaadeu e dee hiikai naa donu be hieunu, gai de vao hagavvela ma de madangi hagavvela e dee hagammae naa donu gilaadeu. Gai de ia e lodo aloha ange laa gi gilaadeu e dagi naa gilaadeu, ga kave gi gaogao denga saalingaa vai.

Ezekiel 19:12

Gai hanu ne llili ga unusi age de grapevine laa, ga hagabaguu iho gi honga de gelegele, gai de madangi mai i dua ne ili ga mmae, ono hua gu malili, gai ono laa makaga laa gu mmae, gai de ahi ne dudu de manu laa alodahi.

Hosea 13:15

e dee galemu donu dono hagadagadaga age i magavaa o ono daina. Gai de madangi i dua mai i daho Tagi Maolunga e ssau mai naa i de vao; ono vai e deai naa vai iai, gai ono vai geli e maamasa naa. Goloa hagamogomogo alodahi i lodo ono mommee doange e gaiaadia naa.

Leviticus 10:3

Gai Moses ne hai ange gi Aaron, “Aanei muna a Tagi Maolunga gu tala ma gu hagadaba: ‘Au e hagaago ange gi gilaadeu e loomai e hagapaa mai gi de au bolo au e dabu; gai dangada alodahi gi hagamahamaha ina au i olaadeu daha.’ ” Gai Aaron gu dee muu.

Jonah 1:17

Aagai Tagi Maolunga ne hai gi humai dahi mamu laumalie mmao gi holomia Jonah. Gai Jonah ne noho i lo te dinae o de mamu laa i e dolu laangi ma e dolu boo.

Jonah 1:4

Gai Tagi Maolunga ne hai gi ssau dahi madangi mmahi i honga tai, gai de madangi mmahi laa ne hai ga dai maoha de vaga laa.

Jonah 4:3

Tagi Maolunga, daia donu au gi magau iainei, go hiidinga e danuaa ange donu dogu magau i dogu mouli.”

Jonah 4:9

Gai de Maadua ga hai ange gi Jonah, “E heohi naa donu doo lili i hiidinga o de manu somo nei?” Gai ia ga hai ange, “Uaa, e heohi donu dogu lili. Mee naa au gu magau donu!”

Matthew 20:12

Gilaadeu ne hai ange, ‘De gau ne loomai nei i muli ne hai hegau donu huu i e dahi aoaa, gai koe e hagahedae ange gimaadeu gi gilaadeu, gai gimaadeu ne hai hegau kona laa i de masavaa hagavvela!’

Revelation 3:19

Au e hagasee donu ma de haele gilaadeu alodahi oogu e aloha ai. Deenei ai, koe gi hagammahi dahuli oo lodo.

Revelation 7:16

Gai gilaadeu e dee hiikai ange naa donu, aabe e hieunu, gai de laa e dee maua naa donu i de hagammae gilaadeu, aabe go de dudu gilaadeu.

1 Samuel 3:18

Gai Samuel ne tala ange mee alodahi gi de ia, teai donu sana mee daudahi ne hagammuni i de ia. Gai Eli ga hai ange, “Go ia Tagi Maolunga; ia gi haia be se aha aana e gidee bolo e danuaa.”