Jonah 1:4 - De Beebaa Dabu

⁴ Gai Tagi Maolunga ne hai gi ssau dahi madangi mmahi i honga tai, gai de madangi mmahi laa ne hai ga dai maoha de vaga laa.

Jonah 1:4 Iomraidhean Croise

Psalm 135:6

Tagi Maolunga e hai ono mee e malangilangi ai, i de langi ma honga henua i lalo, ma lo te dai aama mommee kelo alodahi.

Psalm 135:7

Ia e hai denga hagausinga gi loage i de bido laa o henua i lalo, gai ia e hai gi loomai denga uila madali de langi ma de hagasao mai de madangi i dana mommee doange mee.

Psalm 148:8

de ahi ma de uila, ma denga snow ma duudangaa haisi, ma de madangi mmahi e daudali i ana muna;

Exodus 10:13

Gai Moses ga poo dono dogo ga haalo gi lo te moana i honga de henua go Egypt, gai Tagi Maolunga ga hai gi ssau mai de madangi i dua i honga de henua alodahi i de laangi laa ma de boo laa alodahi. Gai de masavaa huu ne ao ai de mee, gai de madangi mai i dua gu ili mai denga itebuubuu gi honga de henua.

Exodus 10:19

Gai Tagi Maolunga ga hai gi dahuli de madangi mmahi ga humai i dai, ga ili denga itebuubuu ga kave gi lo te Dai Mmea, gai gu deai donu se itebuubuu daudahi e doe i honga de henua alodahi o Egypt.

Exodus 14:21

Gai Moses ga haalo ange dono lima gi honga tai, gai Tagi Maolunga ga hai gi humai de madangi mmahi i dua i de boo laa alodahi, gi haia gi masa tai, gi sula age de gelegele. Gai de vai gu vvae lua,

Exodus 15:10

Koe ne busi i de madangi o dau manava, gai denga vai gu haoli gilaadeu; gilaadeu ne aabulu i lodo beau nnui bei dagodo o denga soodo daemaha.

Jeremiah 51:16

De masavaa oona e basa ai, gai vai i lo te langi gu hagangolo; ia e hai de mama o denga vai gi hanage i luu bido o henua i lalo. Ia e hai gi labalaba de uila i de masavaa e pala ai de langi, ma de hagasao mai de madangi i lodo ono mommee doange goloa.

Amos 4:13

Tilo, de ia ne haia denga mounga, ma de hai de madangi, ma de hagaago ange ana maanadu gi tangada, gai go de ia e haia de laangi gi gohu, ma de seesee i honga mommee maolunga o henua i lalo — dono ingoo go Iahweh, de Maadua o denga hagabuulinga hebagi.

Numbers 11:31

Gai Tagi Maolunga ga hai gi ssau mai dahi madangi gi ilihia mai denga quail i honga tai, ga hai denga manu llele laa gi toga i luu baasi de mommee nnoho gaainga; gai de lahalaha de mommee olaadeu ne toga ai se dahi laangi e seesee ai gi tae gi de baasi laa gai e bei ai hogi de baasi ange laa, gai se lua sugilima de duuduu i honga de gelegele.