Biblia Todo Logo
Bìoball air-loidhne

- Sanasan -




John 9:22 - De Beebaa Dabu

22 Luoono maadua ne tala muna nei i hiidinga gilaau gu maatagu i dagi o de gau Ssuu; de gau Ssuu gu lava i de hagamodu bolo be goai naa huu e daalaa bolo Iesu go de Klisdo gu dee alaange i de ulu i lo te synagogue.

Faic an caibideil Dèan lethbhreac




John 9:22
24 Iomraidhean Croise  

Doo madagu i tangada e nnoa goe bei ssele, aagai be goai e hagadonusia Tagi Maolunga e ola.


“Go au, go au donu de ia e hagaaneane ina goe. Gai go koe goai, gai koe ga madagu ai i tangada e magau laa, gai go dama a dangada, e bei laa dagodo o denga helii?


Goodou e iloo de mee heohi, hagalaangona agu muna, goodou de huaadangada e daohia agu hainga i oodou lodo: goodou aude maatagu i de hagabaubau a dangada goodou, aabe gi manavasaa i delaadeu hagadookaa goodou.


Goai oodou ne manavasaa ma de maatagu ai, gai goodou ga hadu muna mai ai gi de au, goodou tee manadua donu au, aabe ne manadua au i oodou lodo? E dee go hiidinga gu daulooloa dagu golomagi ogu lodo, gai goodou ga dee maatagu ai i de au?


E manuuia goodou noo dangada e kino i goodou, ma de vvae gee goodou ma de pasa baubau i goodou, ma de hagangadi mee goodou ma de hagamalaia goodou i hiidinga o Tama a Tangada!


Gai aanei muna a John ne tala hagadonu, i de masavaa a de gau Ssuu ne hai ai gi loomai gi ono daha, hanu dangada haimeedabu ma dangada de aamuli o Levi i Jerusalem gi siilia ange gi de ia, “Go koe goai?”


Dangada e hai naa goodou gi dee ulu i olaadeu synagogue, gai e dae mai naa donu de masavaa a tangada e daia goodou ga maakau, e maanadu ai bolo ia e hai lodo o de Maadua.


Dua mee nei gai Joseph taane Arimathea ne dangidangi ange gi Pilate i de angaanga o Iesu. Joseph go dahi dangada agoago a Iesu, aagai ia tigi tala i hiidinga ia e madagu i de gau Ssuu. Gai Pilate ne dugu ange, gai ia ga kave gee dono angaanga.


Gai de ahiahi laa go de ahiahi o tahi laangi o de uvigi, gai denga dangada agoago gu hagamakaga delaadeu abaaba ma e nnoho ai, i hiidinga delaadeu maatagu i de gau Ssuu. Gai Iesu ga humai ga duu i olaadeu magavaa ga hai ange gi gilaadeu, “De baba gi dagodo i oodou daha.”


Gai teai donu se dangada daudahi ne daalaa gi langona e dangada soa ana muna, go hiidinga gilaadeu e maatagu i de gau Ssuu.


Gai de gau Ssuu tee hagadonusia e gilaadeu bolo taane laa se daane e dee gide i mua, gai iainei gu gide, ga dae ai gi delaadeu hagahi luu maadua o taane gu gide laa,


Gai gimaau e dee iloo be dee hee dono hai ne gide ai nei, aabe goai ne haia ga gide ia. Goodou siilia ange gi de ia, ia gu se daane madua, gai gu maua donu e ia i de tala adu gi goodou!”


Gai gilaadeu ga hai ange gi de ia, “Koe se dangada e honu i de baubau mai i doo haanau, gai koe e humai e agoago mai gimaadeu!” Gai gilaadeu ga alualu ia gi hano gee mai i lo te synagogue.


Gai Iesu ne langona bolo de gau Ssuu gu alualu taane laa gi hano gee mai i synagogue, gai ga hegide ange huu gilaau, gai Iesu ga ssili ange gi de ia, “Koe e hagadonusia Tama a Tangada?”


Gai gilaadeu ga hagahi gilaau ga hai ange gilaau gi dee aahe ange gi pasa aabe gi agoago i de ingoo o Iesu.


Gai teai ange dangada ne llodo e hagabuni ange gi gilaadeu, aagai dangada gu hagadubu hogi gilaadeu.


Gai gilaadeu ne hagahi de gau tala gi ulu mai, gai gilaadeu ga hagailiili gilaadeu, ga hai ange gilaadeu gi dee aahe ange gi agoago i de ingoo o Iesu, ma de dugu gilaadeu gi hulo.


Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”


Lean sinn:

Sanasan


Sanasan