John 8:44 - De Beebaa Dabu

⁴⁴ Goodou ni dama donu nii de ia hagabaubau laa, gai goodou e hai lodo o doodou damana. Ia se dangada daa dangada mai i taamada age, ia e dee daohi de muna abodonu, go hiidinga e deai donu se muna abodonu i ono daha. Ia e hadu muna i hiidinga aalaa donu ono dagodo: ia se dangada hadu muna gai go tamana donu o de muna hhadu.

John 8:44 Iomraidhean Croise

Genesis 3:15

Au e hai naa gi hai kino gooluu ma de hine, ma au dama ma dono aamuli, gai de aamuli o de hine naa e hagalagohia naa doo biho, gai koe e kadi naa muli dono vae.”

1 Kings 22:22

Gai Tagi Maolunga ga ssili ange, ‘Dee hee dau hai e usuusu ange ai ia?’ Ia ne hai ange, ‘Au e hano naa ga hai gi se hagasaalunga hadu muna i lodo ngudu o ono pelaabisi alodahi.’ Gai Tagi Maolunga ne hai ange, ‘Koe e maua naa donu i de usuusu ange ia, hannoo haia gi bei au muna.’

1 Chronicles 21:1

Gai Satan ne hai baasi ange gi de gau Israel, ga hai David gi daulia de gau Israel.

De Beebaa go Job 1:11

Aagai noo koe e hagaabo doo lima ga poo ange gi ana mee alodahi, gai ia e huli adu naa ga hai baasi adu gi de goe.”

Matthew 12:34

Goodou dama a denga labodo hagammau! Dee hee doodou hai e maua ai i de tala hanu mee danuaa, gai goodou ni dangada baubau? Muna a tangada e hagaago mai donu mee i ono lodo.

Matthew 13:15

Go hiidinga de huaadangada nei e makaga olaadeu lodo, gai olaadeu dalinga gu longoduli, gai gu pono olaadeu ganomada; kana gidee naa e gilaadeu i olaadeu ganomada ma de langona i olaadeu dalinga, ga tonu ange i olaadeu lodo, ga daahuli olaadeu lodo, gai au ga hagaieiangi gilaadeu.’

Matthew 13:38

De veelenga go henua i lalo; denga golee danuaa go dangada o de nohoanga hodooligi. Gai denga helii baubau go dama a de ia baubau laa.

John 6:70

Iesu ne hai ange gi gilaadeu, “E aha, e dee go au ne hilia goodou, tinoangahulu ma dogolua? Gai dahi goodou se ia hagabaubau.”

John 7:17

Tangada e lodo e daudali i lodo o de Maadua e maua gi iloo, be agu agoago ni mee mai i daho de Maadua aabe niiagu donu huu.

John 8:38

Au e tala adu gi goodou agu mee gu gide i daho dogu Damana, gai goodou e hai mee oodou gu langona i daho doodou damana.”

John 8:41

Gai goodou e hai donu mee a doodou damana gu hai.” Gilaadeu ne hai ange gi de ia, “Gimaadeu tee hagadili i de hai be se manu; gimaadeu e dahi donu huu omaadeu damana, go de Maadua.”

John 8:55

Goodou e dee iloo ia, gai au e iloo donu ia. Noo au e hagadaba bolo au e dee iloo ia, gai au gu se dangada hadu muna bei oodou dagodo, aagai au e iloo donu ia ma de daohi ana muna.

Acts 13:10

ga hai ange, “Koe se dama nii de ia hagabaubau laa, gai se ia donu e hai baasi ange gi de mee heohi alodahi. Koe e honu i mee alodahi e daahangadia dangada ma de vaivai dagodo. Koe tigi tuu donu dau hagahaisala dagodo o Tagi Maolunga?

Acts 24:9

Gai de gau Ssuu alodahi ne buni ange hogi gi ana muna, ga hagataba bolo muna alodahi a taane laa ne tala ni muna abodonu.

Acts 5:3

Aagai Peter ga hai ange, “Ananias, gu aha gu dugu ange ai naa goe Satan gi usuusu ina adu goe gi hadu muna ange gi de Hagasaalunga Dabu, gai koe ga dugu ai naa dahi luu baasi de hagaoanga o de alahenua naa?

2 Corinthians 11:3

Aagai au e manavasaa kana hagasengalia goodou, bei de hai a de labodo ne daahanga ai laa Eve i dono heiangi vaivai dagodo, gai oodou lodo abodonu ma de gilimalali ga daahuli gee i Klisdo.

1 Peter 5:8

Goodou gi hagamadaala ga dagitilo; go hiidinga doodou hagadaumee, go de ia hagabaubau, e seesee saele bei de laiono e haganngolo laa i dana masavaa e ssala dahi manu e holo.

2 Peter 2:4

Gai noo de Maadua tee hagaola de gau de langi i de masavaa olaadeu ne haisala ai, aagai ne tili ange gilaadeu gi lo te ahi o Gehenna, ma de noonooa gilaadeu ga dugu i lo te geelonga gohu ga dae mai ai de masavaa hagamodu muna;

1 John 1:8

Noo gidaadeu e hagataba bolo gidaadeu e deai odaadeu haisala, gai gidaadeu e daahanga donu huu gidaadeu, gai e deai donu se muna abodonu i odaadeu lodo.

1 John 2:21

Au tee sisi adu mee nei i hiidinga goodou e dee iloo de muna abodonu, aagai go hiidinga goodou e iloo donu de muna abodonu, gai e deai donu se muna hhadu e daamada mai i de muna abodonu.

1 John 2:4

Tangada e hagadaba, “Au e iloo ia” aagai e dee daohi ana muna, se dangada hadu muna, gai e deai donu se muna abodonu e dagodo i ono lodo,

1 John 3:12

Gidaadeu gi dee bei dagodo o Cain, ia se dama nii de ia hagabaubau, gai ia ne daa ga magau dono daina daane. Gai aahee hiidinga aana ne daa ai dono daina ga magau? Go hiidinga ana hegau e baubau, gai hegau a dono daane e heohi.

1 John 3:15

Tangada e kino i dono daina se dangada donu e daia tangada gi magau, gai goodou e iloo bolo e deai donu se dangada e daia tangada gi magau e dagodo de mouli e dee ngado mai i ono daha.

Jude 1:6

Gai de gau de langi tee llodo laa e nnoho i olaadeu duuhanga, aagai ne hulo gee mai i delaadeu mommee nnoho, de Maadua gu noonooa gilaadeu gi nnoho i lo te gohu ga hano ai e dee ngado mai, ga dae ai gi de laangi hagamodu muna maolunga laa.

Revelation 12:9

Gai de dragon laumalie laa gu tili iho gi lalo, go de labodo madagidagi e hagaingoo ange laa go de ia hagabaubau aabe go Satan, gai go de ia e hagasengalia laa dangada i henua i lalo alodahi — ia gu tili iho gi henua i lalo madali ono dangada de langi alodahi.

Revelation 13:14

ga hagasenga ai dangada i henua i lalo, i hiidinga o denga hagailonga aana e hai i ssauaa o de manu alasala laa. Gai ia ne hai dangada gi hagaduulia dahi diinonga, gi hagadulagi ina ange gi de manu alasala ne lagohia laa i de gadilaasa, gai tee magau.

Revelation 2:10

Aude madagu i mee oou gu dai hagaduasala ina ai. Tilo, de ia hagabaubau laa gu dai hai naa gi dilia ange hanu goodou gi lo te hale pono e hagatale ai goodou, gai goodou e vaivai haia naa i e madaangahulu laangi. Gai goodou tuu gi makaga ga dae ai gi doodou maakau, gai au ga gaavadu gi de goe de hau o de mouli.

Revelation 21:8

Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”

Revelation 22:15

Gai tua de aduhale e nnoho ai denga gaaduu, ma de gau hai huuhuaa mee, ma de gau dagodo haisala, ma de gau daa dangada, ma gilaadeu e daumaha ange gi denga diinonga, aama dangada alodahi e malangilangi i de hai hegau i de hadu muna.

Revelation 9:11

Gai e dahi hodooligi e dagina gilaadeu, go tangada de langi o de geelonga e deai laa sono dagelo; dono ingoo i muna Hebrew go Abaddon, gai muna Greek go Apollyon.