John 8:43 - De Beebaa Dabu

⁴³ Gai gu aha goodou gu dee tonu mai ai naa gi agu muna? Go hiidinga goodou e dee llodo e hagallongo agu muna.

John 8:43 Iomraidhean Croise

Proverbs 28:5

De gau baubau e dee tonu ange gi dagodo o de hagamodu heohi, aagai gilaadeu e saalaa Tagi Maolunga e honu delaadeu tonu ange.

Isaiah 44:18

Gilaadeu e haia mee nei e dee tonu ange; gai de Maadua gu pono olaadeu ganomada, gi dee gidee ai e gilaadeu, gai alaadeu maanadu gu pono hogi, gi dee tonu ange ai gilaadeu.

Isaiah 6:9

Gai ia ne hai mai gi de au, “Hannoo hai ange gi de huaadangada nei: ‘Goodou e dee modu doodou langona, aagai e dee maua gi tonu ange, goodou e dee modu de gidee, aagai e dee maua gi madea.’

Jeremiah 6:10

Goai aagu e basa ange aagena ma de hagakana ange? Gai goai naa e hagalangona agu muna? Tilo, olaadeu dalinga gu pono, gai gilaadeu gu dee maua i de hagallongo. Tilo, muna a Tagi Maolunga gu ni mee hakadanga i olaadeu daha; gilaadeu e dee malangilangi ai donu.

Hosea 14:9

Be goai e heiangi, gai ia e donu ange gi mee nei. Be goai e iloo mee, gai ia e iloo mee nei. Haiava o Tagi Maolunga e heohi; gai go gilaadeu e heohi e seesee ai, aagai de gau hagamaanege e laavea ga baakuu ai.

Micah 4:12

Aagai gilaadeu e dee iloo donu maanadu a Tagi Maolunga, gilaadeu e dee tonu ange gi ana hagatau; ia e hagabuni mai naa gilaadeu bei denga noodanga grain i de mommee hili huamanu.

Matthew 13:15

Go hiidinga de huaadangada nei e makaga olaadeu lodo, gai olaadeu dalinga gu longoduli, gai gu pono olaadeu ganomada; kana gidee naa e gilaadeu i olaadeu ganomada ma de langona i olaadeu dalinga, ga tonu ange i olaadeu lodo, ga daahuli olaadeu lodo, gai au ga hagaieiangi gilaadeu.’

John 5:25

Ni muna abodonu, ni muna abodonu aagu e hai adu nei gi goodou, gu dae mai donu de aoaa a de gau maakau e langona ai de leo o Tama Daane a de Maadua; gai gilaadeu alodahi e langona e mouli age naa.

John 5:43

Au ne humai i de ingoo o dogu Damana, gai goodou tee abodonu mai gi de au. Gai noo dahi dangada ange e humai i dono ingoo donu huu, gai goodou e abodonu ange naa gi de ia.

John 6:60

Gai ga langona huu e denga dangada agoago soa muna nei, gai gilaadeu ga hagataba, “Ni muna hai ngadaa aanei. Goai e maua i de kave?”

John 7:17

Tangada e lodo e daudali i lodo o de Maadua e maua gi iloo, be agu agoago ni mee mai i daho de Maadua aabe niiagu donu huu.

John 8:27

Gai gilaadeu tee tonu ange bolo ia e basa i dono Tamana.

John 8:33

Gilaadeu ne hai ange gi de ia, “Gimaadeu ni mogobuna niio Abraham, gai tigi ai donu semaadeu hai ga ni dangada hai hegau dee ilaage. Gai dee hee dau hai e hagadaba ai naa bolo gimaadeu e hai naa ga ilaage?”

John 8:39

Gilaadeu ne hai ange gi de ia, “Demaadeu dubuna go Abraham.” Iesu ne hai ange, “Noo goodou ni dama nii Abraham, gai goodou e hai mee a Abraham ne hai.

Acts 7:51

Goodou ni dangada e makaga oodou lodo! Oodou lodo e makaga gai oodou dalinga e longoduli. Gai goodou e hai baasi ange donu gi de Hagasaalunga Dabu i masavaa alodahi; goodou e bei donu oodou dubuna madagidagi!

Romans 3:11

e deai donu se dangada e donu ange; e deai donu se dangada e saalaa de Maadua.