John 7:39 - De Beebaa Dabu

³⁹ Gai ia ne basa i dagodo o de Hagasaalunga ⌊Dabu⌋, gu dai hano iho laa gi honga o dangada gu hagadonusia ia; de masavaa laa gai de Hagasaalunga ⌊Dabu⌋ tigi hano iho, go hiidinga Iesu tigi kave dono mahamaha.

John 7:39 Iomraidhean Croise

Psalm 68:18

Koe ne hanage gi de mommee maolunga, ma de dagi de gau dee kii madali goe, koe ne kave mee ngadi gaavange mai i daho dangada; aama daho dangada hogi e hai baasi adu, gai koe, Tagi Maolunga de Maadua, ga noho ai i kilaa.

Proverbs 1:23

Goodou aanga mai gi agu muna hagaheohi; tilo, au e hai naa gi iloo e goodou ogu lodo, ga hai gi tonu ange goodou gi agu muna.

Isaiah 12:3

Goodou e asu naa oodou vai ma de malangilangi mai i denga saalingaa vai hagamouli.

Isaiah 32:15

ga dae ai gi de hano iho o de Hagasaalunga o de Maadua i de mommee maolunga, gai de vao e hai naa ga se gelegele danuaa e ssomo ai manu, gai gelegele danuaa e ssomo ai manu e hai naa ga se lodo mee muimui.

Isaiah 44:3

Au e llingi ange naa denga vai gi honga de henua e deai vai iai, ma de hai gi hanu saalingaa vai i honga de gelegele mmasa; au e gave iho naa dogu Hagasaalunga gi honga doo hagadiilinga, ma de hagamanuuia oo aamuli.

Joel 2:28

Muli mai naa huu, gai au e hai naa gi hano iho dogu Hagasaalunga gi honga o dangada alodahi; oodou dama daane ma oodou damaa hine e pasa pelaabisi naa, oodou daane maatua e hai naa denga midi, gai oodou dama daane e hai naa denga midi hagaago ange.

Matthew 16:14

Ana dangada agoago ne hai ange, “Hanu bolo koe go John taane Babudaisi, gai hanu bolo go Elijah, aagai hanu bolo go Jeremiah aabe go dahi pelaabisi ange laa.”

Matthew 21:11

Gai dangada soa laa ga hai ange, “Deenei Iesu, de pelaabisi mai i Nazareth o Galilee.”

Luke 24:49

Gai tilo, au e hai naa gi hano iho gi oodou elunga, de ia a dogu Damana gu hagatoo donu laa. Aagai goodou nnoho i de aduhale nei, ga dae ai gi doodou kave ssauaa mai i de mommee maolunga.”

Luke 3:16

Gai a John ne hai ange gi gilaadeu alodahi, “Au e babudaisi goodou i de vai, gai e dahi naa dangada e humai i ogu dua; ia e maolunga ange i de au, gai au e dee bau ange i de tala mee e noonooa ai ono mee vae. Ia e babudaisi naa goodou i de Hagasaalunga Dabu ma de ahi.

Luke 7:16

Aagai dangada alodahi i kilaa gu maatagu mmao, gai gilaadeu ga tuhi de Maadua ga hagataba, “Dahi pelaabisi maolunga gu humai gi odaadeu daha, gai de Maadua gu humai gi daho ono dangada!”

John 1:21

Gilaadeu ne ssili ange hogi gi de ia, “Gai go koe donu goai? Go koe go Elijah?” Gai ia ga hai ange, “E deai!” “Gai go koe de pelaabisi laa?” Ia ne hai ange, “E deai.”

John 1:25

ne ssili ange gi de ia, “Noo e dee go koe de Klisdo, be go Elijah, aabe go de pelaabisi laa, gai gu aha goe gu babudaisi ai naa dangada?”

John 1:33

Gai au tee madea ia i de masavaa laa, gai de Maadua ne haia nei au gi humai gi babudaisi ina dangada i vai ne hai mai gi de au, ‘Tangada aau e gidee de hano iho o de Hagasaalunga ga noho i ono elunga, deenei de ia e babudaisi ina dangada i de Hagasaalunga Dabu.’

John 12:16

Gai ana dangada agoago tee tonu ange gi de mee nei i taamada. Gai dua huu de hagamahamaha o Iesu, gai gilaadeu gu manadua bolo mee nei gu lava donu i de sisi ma e tala ai ono dagodo, gai mee nei gu hai ange donu gi de ia.

John 12:23

Gai Iesu ga hai ange gi gilaau, “Gu dae mai de masavaa e hagamahamaha ai Tama a tangada.

John 14:13

Gai be se aha naa huu oodou e dangidangi ai i dogu ingoo, gai au e hai naa donu gi bei, gai Tama ga hagamahamaha ai Tamana.

John 14:26

Gai de Ia Bale, go de Hagasaalunga Dabu, go de ia a Tamana e hai gi humai i dogu ingoo, e agoago adu goodou i mee alodahi, ma de hagamaanadu adu gi goodou mee alodahi, aagu gu lava i de tala adu gi goodou.

John 16:14

Ia e hagamahamaha naa donu au, ma de tala adu gi goodou ana mee ne kave mai i ogu daha.

John 16:7

Gai au e tala adu gi goodou de muna abodonu: e haigamaiana adu donu gi goodou dogu hano gee mai i oodou daha. Noo au e dee hano gee, gai de Ia Bale e dee humai gi oodou daha; aagai noo au e hano gee, gai au e hai naa ia gi humai gi oodou daha.

John 17:1

Gai ga lava huu i de tala a Iesu muna nei, gai ia ga galo age gi de langi ga hagadaba, “Tamana, gu dae mai de aoaa; hagamahamaha ina dau Dama Daane, gai ia ga hagamahamaha ai goe.

John 17:5

Tamana, hagamahamaha ina loo au iainei, i mada luoo mada i de mahamaha oogu nogo hagamahamaha ai laa i dogu noho madali goe, i mua de hai o henua i lalo.

John 20:22

Ga lava huu i dana tala muna nei, gai ia ga manava ange i olaadeu elunga, ga hai ange gi gilaadeu, “Goodou gaavee de Hagasaalunga Dabu.

John 6:14

Gai ga gidee huu e dangada de hagailonga a Iesu ne hai laa, gai gilaadeu ga hagataba, “Ni muna abodonu, deenei donu de Pelaabisi gu tala laa bolo e humai gi henua i lalo!”

John 7:12

Gai e lagolago muna a dangada e pasa ai i de ia i olaadeu magavaa. Hanu e hagataba, “Ia se dangada danuaa,” gai hanu e hagataba, “E deai, ia e hagasenga dangada.”

John 8:54

Iesu ne hai ange gi gilaadeu, “Noo au e hagamahamaha donu huu au, gai dogu mahamaha e deai donu ono haigamaiana. Gai go dogu Damana e hagamahamaha ina au, gai go ia oodou e hagataba naa bolo go ia doodou Maadua.

Acts 19:2

Gai ia ne ssili ange gi gilaadeu, “Goodou ne kave laa de Hagasaalunga Dabu i de masavaa oodou ne hagadonu ai?” Gilaadeu ne hai ange gi de ia, “E deai, gimaadeu tigi langona donu hogi bolo e dahi Hagasaalunga Dabu.”

Acts 2:17

‘E hagadaba de Maadua: Denga laangi hagaodi naa huu, gai au e hai naa gi hano iho dogu Hagasaalunga gi honga o dangada alodahi. Gai oodou dama daane ma damaa hine e pasa pelaabisi naa; oodou dama daane e midi naa denga midi hagaago ange, gai oodou daane madumaatua e hai naa denga midi.

Acts 2:33

Deenei ai, ia gu noho i de baasi madau o de Maadua, gai gu kave de Hagasaalunga Dabu gu lava laa i de hagatoo donu i daho Tamana, ma gu hai ia gi hano iho, bei doodou hai gu gidee ai naa ma de langona.

Acts 2:38

Peter ne hai ange gi gilaadeu, “Goodou alodahi daahuli gee i oodou haisala, ga babudaisi i de ingoo o Iesu Klisdo, gi maatala ai oodou haisala. Gai goodou ga kave ai de mee ngadi gaamai go de Hagasaalunga Dabu.

Acts 2:4

Gai gilaadeu alodahi gu hoohonu i de Hagasaalunga Dabu, gai gilaadeu gu pasa i muna o denga henua gee i ssauaa o de Hagasaalunga ⌊Dabu⌋.

Acts 3:13

De Maadua o Abraham, ma Isaac aama Jacob, de Maadua o odaadeu dubuna madagidagi, gu hagamahamaha dono dangada hai hegau go Iesu, go de ia oodou ne gaavange ga daa gi magau ma de hagangadi mee i mada i mua o Pilate, e dee galemu donu dana hagatale de hagaola ia.

Acts 4:31

Gai ga lava huu delaadeu dalodalo, gai gu ngalungalue de mommee olaadeu e hagabuni ai laa. Gai gilaadeu gu odi i de hoohonu i de Hagasaalunga Dabu, gai gilaadeu ga tala muna a de Maadua i de lo taane.

Romans 8:9

Aagai goodou gu dee nnoho i lalo ssauaa o de angaanga, gai gu nnoho i lalo ssauaa o de Hagasaalunga, noo de Hagasaalunga o de Maadua e noho i oodou lodo. Tangada e dee noho de Hagasaalunga o Klisdo i ono lodo, e dee se dangada niiona.

2 Corinthians 3:8

gai dee hee maa ai naa de laumalie ange de mahamaha hegau a de Hagasaalunga?

Ephesians 4:30

Gai goodou gi dee hagadaemaha ina de Hagasaalunga Dabu o de Maadua, go de ia oodou ne hagailonga ange ai gi de laangi e hagahonu ai doodou hagaola.