John 7:26 - De Beebaa Dabu

²⁶ Gai deenei ia, e duu nei ma e agoago i madamada o dangada, gai gilaadeu tee pasa ange donu gi de ia. Agu made denga dagi gu iloo bolo deenei donu de Klisdo?

John 7:26 Iomraidhean Croise

Proverbs 28:1

Tangada baubau e savini naa ga hano, e dee galemu donu teai dangada e dolohia ia, aagai tangada heohi e lo taane bei de laiono.

Isaiah 42:4

Ia e dee vasega naa donu aabe baageaa ono lodo, ga dae ai gi dana hagaduu gi makaga de hagamodu muna heohi i henua i lalo. Gai dangada e nnoho i tagudai e tali hagalodolodo go ana hainga.

Matthew 22:16

Gai gilaadeu ne hai gi hulo alaadeu dangada agoago, ma hanu dangada mai i de hagabuulinga o Herod gi ono daha, ga hai ange, “Tangada Agoago, gimaadeu e iloo bolo koe e hai hegau i de mee abodonu, gai koe e agoago de haiava o de Maadua i de mee abodonu. Koe e dee dagi i daho dangada, go hiidinga koe e dee vae dangada.

Luke 23:13

Gai Pilate ne hagabuni de gau haimeedabu maolunga, ma dagi o dangada, aama dangada,

Luke 7:30

Aagai denga Pharisee aama de gau agoago o de hainga ne hagangadi mee de hagatau a de Maadua, gilaadeu tee babudaisi i daho John.

John 12:42

Aagai ne soa i magavaa o denga dagi ne hagadonusia Iesu, aagai gilaadeu tee tala i hiidinga o denga Pharisee, kana alualumia gilaadeu gi dee ulu i de synagogue;

John 18:20

Iesu ne hai ange gi de ia, “Au ne agoago i madamada o dangada alodahi. Au ne agoago i laangi alodahi i lodo synagogue ma lo te temple, go de mommee o de gau Ssuu alodahi e hagabuni ai. Au tee tala hagammuni donu dahi mee.

John 3:1

Gai e dahi daane i magavaa o denga Pharisee, dono ingoo go Nicodemus, gai ia se dagi niio de gau Ssuu.

John 4:29

“Goodou loomai diiloo taane ne daalaa mai nei mee alodahi aagu gu hai. E dee deenei de Klisdo?”

John 7:25

De masavaa laa gai hanu dangada i Jerusalem ne ssili ga hagataba, “E dee deenei taane alaadeu e ssala laa e daa gi magau?

John 7:31

Aagai ne soa dangada i de hagabuulingaa dangada laa ne hagadonusia ia, gai gilaadeu ga hagataba, “E aha, de Klisdo e lagolago ange naa ana hagailonga e hai, i dono masavaa e humai ai?”

John 7:48

Gu hanu nei dagi aabe ni Pharisee ne hagadonusia ia?

John 9:22

Luoono maadua ne tala muna nei i hiidinga gilaau gu maatagu i dagi o de gau Ssuu; de gau Ssuu gu lava i de hagamodu bolo be goai naa huu e daalaa bolo Iesu go de Klisdo gu dee alaange i de ulu i lo te synagogue.

Acts 4:13

Gai ga gidee huu e gilaadeu de lo taane o Peter ma John, gai gilaadeu gu llele mouli i delaadeu iloo bolo gilaau ni dangada tee skuulu, gai e bei donu huu dagodo o dangada ange laa. Gai gilaadeu ne manadua hogi bolo gilaau ni daane nogo daudali ange i Iesu.

Philippians 1:14

Gai de baasi soa o denga daina gu lo taane ai hogi i lodo o Tagi Maolunga, i hiidinga dogu hhao gi lo te hale pono, ma de kii ange tee maatagu i de tala de longo danuaa.