John 7:15 - De Beebaa Dabu

¹⁵ Gai de gau Ssuu gu llele mouli ga hagataba, “Go hee a taane nei ne ago ai nei mee nei, gai ia tee hano i dahi sukulu?”

John 7:15 Iomraidhean Croise

Isaiah 29:12

Gai noo de beebaa nei e gaavange gi dahi dangada e dee iloo de dau, ga hai ange, “Daulia de beebaa nei,” gai ia e hai adu naa, “Au e dee iloo i de dau.”

Matthew 13:54

ga ahe gi dono aduhale donu, ga agoago ange ai dangada i delaadeu synagogue. Gai dangada gu llele mouli ga hagataba, “Go hee a taane nei ne kave ai de heiangi ma ssauaa e hai ai nei hegau nnui nei?

Matthew 22:22

Gai ga langona huu e gilaadeu ana muna, gai gilaadeu gu llele mouli. Gai gilaadeu ga tili ia gai ga hulo gee mai i kilaa.

Matthew 22:33

Gai ga langona huu e dangada soa ana muna, gai gilaadeu gu llele mouli i ana agoago.

Luke 2:47

Dangada alodahi ne langona ana muna gu llele mouli i dono iloo mee aama ana muna e basa ange ai gi gilaadeu.

Luke 4:22

Gai dangada alodahi ga tala tuhi ono longo, gai gilaadeu gu llele mouli i muna o de abodonu aana e tala. Gai gilaadeu ga ssili ga hagataba, “E dee go tama daane a Joseph deenei?”

John 1:19

Gai aanei muna a John ne tala hagadonu, i de masavaa a de gau Ssuu ne hai ai gi loomai gi ono daha, hanu dangada haimeedabu ma dangada de aamuli o Levi i Jerusalem gi siilia ange gi de ia, “Go koe goai?”

John 7:11

Gai de gau Ssuu ne dagitilo gi gidee e gilaadeu ia i de mommee e hai ai laa taonga ma de ssili, “I hee ai donu ia?”

John 7:13

Gai teai donu se dangada daudahi ne daalaa gi langona e dangada soa ana muna, go hiidinga gilaadeu e maatagu i de gau Ssuu.

John 7:46

Gai de gau hagaloosi ga hai ange, “Tigi ai donu se dangada ne agoago bei dagodo o taane laa.”

Acts 26:24

Gai de masavaa a Paul e tala ai dono heohi, gai Festus ga hai ange i de leo laumalie, “Paul, koe gu senga i de kona de lagolago au mee gu ago!”

Acts 4:13

Gai ga gidee huu e gilaadeu de lo taane o Peter ma John, gai gilaadeu gu llele mouli i delaadeu iloo bolo gilaau ni dangada tee skuulu, gai e bei donu huu dagodo o dangada ange laa. Gai gilaadeu ne manadua hogi bolo gilaau ni daane nogo daudali ange i Iesu.

1 Samuel 10:11

Gai ga gidee huu e dangada alodahi e iloo laa e gilaadeu a Saul dono basa pelaabisi madali denga pelaabisi laa, gai gilaadeu ga hagadau ssili i olaadeu magavaa, ga hagataba, “Gu aha nei tama daane a Kish? Ia gu dau nei hogi madali denga pelaabisi?”