John 7:12 - De Beebaa Dabu

¹² Gai e lagolago muna a dangada e pasa ai i de ia i olaadeu magavaa. Hanu e hagataba, “Ia se dangada danuaa,” gai hanu e hagataba, “E deai, ia e hagasenga dangada.”

John 7:12 Iomraidhean Croise

Matthew 10:25

Gai tangada e agoago i daho dahi gi malangilangi noo ia gu bei dagodo o dono dangada agoago, gai tangada hai hegau gi malangilangi noo ia gu bei dagodo o dono dangada aamua. Noo dangada e hagahi ange Beelzebul gi tangada aamua o de hale, gai e kii ange naa donu de baubau mee alaadeu e hagahi ange gi dangada i dono hale.

Matthew 21:46

Gai gilaadeu ne hagatale de poo ia, aagai gilaadeu ne maatagu i dangada soa, go hiidinga dangada e hagataba bolo Iesu se pelaabisi.

Matthew 27:63

ga hai ange gi de ia, “Tangada aamua, gimaadeu gu manadua bolo taane ne daahangadia laa dangada, ne hagadaba i dono masavaa e mouli ai, ‘Dua naa huu e dolu laangi, gai au gu mouli age.’

Luke 18:19

Iesu ne hai ange gi de ia, “Gu aha gu hagadaba mai ai naa goe bolo au e danuaa? E deai donu e danuaa, go de Maadua donu huu.

Luke 23:47

De masavaa huu a tagi o de lau ne gidee ai de mee laa, gai ia ga tuhi de Maadua, ga hagadaba, “Ni muna abodonu, taane nei se dangada heohi.”

Luke 23:50

Gai e dahi daane dono ingoo go Joseph, ia se daane e dau i de hagabuulinga hagasaele, gai se daane danuaa ma de heohi.

Luke 6:45

Tangada danuaa e hai tanuaa i hiidinga ono lodo e honu i tanuaa, gai tangada baubau e hai de baubau i hiidinga ono lodo e honu i de baubau. Gai muna a tangada e hagaago mai donu mee i ono lodo.

Luke 7:16

Aagai dangada alodahi i kilaa gu maatagu mmao, gai gilaadeu ga tuhi de Maadua ga hagataba, “Dahi pelaabisi maolunga gu humai gi odaadeu daha, gai de Maadua gu humai gi daho ono dangada!”

John 6:14

Gai ga gidee huu e dangada de hagailonga a Iesu ne hai laa, gai gilaadeu ga hagataba, “Ni muna abodonu, deenei donu de Pelaabisi gu tala laa bolo e humai gi henua i lalo!”

John 7:32

Gai ga langona huu e denga Pharisee muna a dangada e pasa ai laa, gai gilaadeu ma de gau haimeedabu maolunga ga hai gi hulo hanu dangada hagaloosi gi boogia Iesu.

John 7:47

Gai denga Pharisee ga ssili ange gi gilaadeu, “Goodou gu hagasengalia naa hogi?

John 7:52

Gai gilaadeu ga hai ange gi de ia, “E aha, koe se dangada Galilee hogi? Saalaa, gai koe e gidee naa bolo tigi ai donu se pelaabisi daudahi ne humai i Galilee.”

John 9:16

Gai hanu Pharisee ne hagataba, “Taane nei tee humai i daho de Maadua, go hiidinga ia e dee hagadabu de laangi o Sabbath.” Aagai hanu Pharisee ne ssili, “Dee hee de hai a dahi dangada haisala e maua ai i de hai denga hagailonga be mee nei?” Gai gilaadeu gu dee buni.

Acts 11:24

Barnabas se daane danuaa, gai e honu i de Hagasaalunga Dabu ma de gai. Aagai gu kii ange de soa dangada ne kai ange gi Tagi Maolunga.

Romans 5:7

Gai e hai ngadaa donu de magau o dahi dangada i hiidinga o dahi dangada e heohi — gai maanadu e dahi naa dangada e lodo e hagatale de magau i hiidinga o dahi dangada danuaa.

Philippians 2:14

Goodou haia mee alodahi i tee nnanu aabe go de hagadaumee,