John 6:9 - De Beebaa Dabu

⁹ “E dahi gauligi daane i kinei e lima ana duudangaa pelaoaa barley aama e lua mamu, gai dee hee de hai e hai ai gi dohu dangada soa i mee nei?”

John 6:9 Iomraidhean Croise

1 Kings 4:28

Gilaadeu ne gaamai hogi denga barley ma denga helii mmasa, ange gi denga hoosa ma hoosa kemo e daangia laa denga hada, gi delaadeu mommee, dahi ma dahi ne gaamai de hagabaaunga gu gaavange gi de ia.

2 Kings 7:1

Aagai Elisha ne hai ange, “Goodou hagalaangona muna a Tagi Maolunga: E hagadaba Tagi Maolunga: Daiao i de masavaa bee nei, gai dahi hagabaaunga pelaoaa lligi gu dahi donu huu shekel e hagao ai, gai e lua hagabaaunga barley gu dahi shekel e hagao ai, i gaogao de haitoga o de aduhale go Samaria.”

Psalm 147:14

Ia gu hai gi nnoho paba dangada i honga de henua, gai gu hagaboobosu goodou i denga grain danuaa hugadoo.

Psalm 78:19

Gilaadeu ne hagadaumee ange gi de Maadua, ga ssili, “E maua e de Maadua i de hhao dahi deebele gai i de vao?

Psalm 78:41

Gilaadeu ne hagatale ia i hanonga lagolago, ma de hagadaemaha lodo o de Ia Dabu o Israel.

Psalm 81:16

Aagai au e haangai adu naa goe i denga grain danuaa hugadoo, ma de hai gi bosu goe i denga hooni o lo te baba.”

Ezekiel 27:17

Judah ma Israel ne hagao mee hogi i oo daha; gilaau ne hagao oo goloa i grain mai i Minnith ma keege, ma hooni, ma lolo olive, aama balm.

Matthew 14:17

Gilaadeu ne hai ange, “E lima donu huu pelaoaa ma e lua mamu i omaadeu daha.”

Matthew 16:9

Goodou tigi tonu ange naa donu? Goodou gu ngalo naa pelaoaa e lima ne haangai ai laa de limamano, gai ne hia laa gede ne hhao ga hoohonu i mee ne doe?

Mark 6:38

Gai ia ga ssili ange gi gilaadeu, “E hia pelaoaa i oodou daha? Goodou hulo diiloo.” Gai ga iloo huu e gilaadeu, gai gilaadeu ga hai ange, “E lima pelaoaa ma e lua mamu.”

Mark 8:19

dagu dohidohi de lima duudangaa pelaoaa ga gaavange gi e limamano dangada, gai ne hia laa gede oodou ne hhao ga hoohonu i mee ne doe?” Gilaadeu ne hai ange, “E madaangahulu ma lua.”

Luke 9:13

Aagai ia ga hai ange gi gilaadeu, “Goodou gaavange hanu mee e gai gilaadeu.” Gilaadeu ne hai ange, “E lima donu huu pelaoaa ma e lua mamu i omaadeu daha; ga hulo gimaadeu e hagao mai hanu gai e haangai ai dangada soa nei?”

John 11:21

Gai Martha ga hai ange gi Iesu, “Tagi Maolunga, noo koe ne noho i kinei, gai dogu daina daane tee magau donu.

John 11:32

Gai ga dae huu Mary gi de mommee o Iesu iai laa, gai ia ga duuduli i gaogao luoono vae ga hai ange gi de ia, “Tagi Maolunga, noo koe ne noho i kinei, gai dogu daina tee magau donu.”

John 21:10

Gai Iesu ga hai ange gi gilaadeu, “Gaamai hanu oodou mamu ne mau naa.”

John 21:13

Gai Iesu ne humai, ga poo denga pelaoaa laa ga gaavange gi gilaadeu, ia ne gaavange hogi gi gilaadeu denga mamu laa.

John 21:9

Gai ga tae age huu gilaadeu gi de henua, gai gilaadeu gu gidee dahi maga ahi i kilaa gai hanu mamu e dunu i ono elunga, madali hanu pelaoaa.

John 6:11

Gai Iesu ga poo mai denga duudangaa pelaoaa, gai ga lava huu i dono dalodalo, gai ia ga duha ange gi dangada gu noho laa gi lalo. Ia ne duha ange hogi denga mamu, gai dangada ga gaimee ai gu boobosu.

John 6:7

Philip ne hai ange gi de ia, “De lualau denarius e dee dohu i de hagao ai hanu gai e dagi de momo ai dangada.”

2 Corinthians 8:9

Gai goodou gu iloo dagodo de abodonu o Iesu Klisdo taadeu Dagi Maolunga, ia e lava mmao, gai ia ne hai gi se dangada hagaau aloha i oodou hiidinga, gi maua ai e goodou i de hai gi ni dangada e lava i dono hagaau aloha.

Deuteronomy 32:14

Ia ne haangai ia i vai uu haduhadu o denga kaau ma vai uu o denga ssiibi ma guudi, ma mee moomuna o denga ssiibi gauligi ma ssiibi daane, ma ssiibi ma guudi o Bashan, madali denga grain danuaa hugadoo; koe ne unu uvaini danuaa o denga grape.

Deuteronomy 8:8

gai se henua iai denga wheat, ma barley, ma grape, ma fig, ma pomegranate, ma olive, aama hooni.

Revelation 6:6

Gai au ne langona dahi mee be se leo i magavaa o denga mee mouli e haa laa, e hagadaba, “Dahi koada wheat se dahi denarius e hagao ai, gai e dolu koada barley se dahi denarius e hagao ai, gai koe aude hai moumou ina denga lolo ma uvaini!”