John 6:7 - De Beebaa Dabu

⁷ Philip ne hai ange gi de ia, “De lualau denarius e dee dohu i de hagao ai hanu gai e dagi de momo ai dangada.”

John 6:7 Iomraidhean Croise

2 Kings 4:43

Aagai dono dangada hai hegau ga hai ange, “Dee hee dagu hai e hai ai gi dohu dangada e lau nei i de gaimee ai?” Gai Elisha ga hai ange, “Gaavange mee naa e gaimee ai dangada. Go hiidinga e hagadaba Tagi Maolunga, ‘Gilaadeu e gaimee naa gai e hanu naa e doe.’ ”

Matthew 18:28

Aagai ga sao huu taane hai hegau laa ga hano, gai ia gu hedae ange gi dahi dangada hai hegau, e muli ange laa gi de ia i e lau denarius, gai ia ga poo ia ga kumi dono ua, ga hai ange, ‘Hagao ina mai au muli.’

Mark 6:37

Aagai Iesu ga hai ange gi gilaadeu, “Goodou haangai ina ange gilaadeu.” Gilaadeu ne hai ange gi de ia, “Ga hulo gimaadeu e hagao mai hanu gai, i de lualau denarius nei e haangai ai gilaadeu?”

John 1:43

De laangi i ono dua, gai Iesu ne lodo e hano gi Galilee, gai ia gu hedae ange gi Philip, gai ia ga hai ange gi de ia, “Daudali mai i de au.”

John 1:44

(Philip se daane Bethsaida, go de aduhale hogi o Andrew ma Peter ne loomai ai.)

John 1:45

Philip ne gidee hogi e ia Nathanael, ga hai ange, “Gimaadeu gu gidee de ia a Moses e basa ai laa i lodo hainga, gai denga pelaabisi ne sisi hogi ono dagodo — Iesu tangada Nazareth, tama a Joseph.”

John 1:46

Aagai Nathanael ga ssili ange gi de ia, “E maua gi sula age dahi mee danuaa daudahi i Nazareth?” Philip ne hai ange gi de ia, “Humai diiloo.”

John 1:48

Nathanael ne ssili ange gi de ia, “Dee hee donu dau hai ne iloo ai au?” Iesu ne hai ange, “I mua de hagahi a Philip goe, gai au ne gidee goe, i doo masavaa nogo noho ai i lalo de fig.”

John 12:5

“Gu aha tee kave ai laa de vai naa e hagao, gi maua mai ai e dolulau denarius e gaavange gi de gau hagaau aloha?”