John 6:6 - De Beebaa Dabu

⁶ Iesu ne ssili ange muna nei gi a Philip e tilo ai dagodo o dono gai. Gai ia gu iloo donu be ni aha aana gu hagatau e hai ai.

John 6:6 Iomraidhean Croise

Genesis 22:1

Dua mee nei, gai de Maadua ne hagatale de gai o Abraham. Gai ia ga hai ange gi de ia, “Abraham!” Abraham ne hai ange, “Deenei au.”

2 Chronicles 32:31

Gai de masavaa a denga dagi o Babylon ne hai ai gi loomai hanu daane gi siilia dagodo o mee hagalele mouli gu hai laa i de henua, gai de Maadua tee bale ange ia, gai ne hagatale ia e tilo ai mee alodahi i ono lodo.

2 Corinthians 13:5

Goodou dagidiiloo iho gi danuaa oodou lodo, be goodou e daohi naa huu de gai. Hagataalea ange ma gi diiloo oodou dagodo. Goodou tigi tonu ange naa donu bolo Iesu Klisdo e noho i oodou lodo? Noo e deai, aagai goodou tee maua donu i de daohi de gai.

Deuteronomy 13:3

gai goodou e dee hagallongo muna a de pelaabisi laa, aabe go tangada e haia midi bee nei. Go hiidinga Tagi Maolunga doodou Maadua e lodo e hagatale goodou, e tilo ai be goodou e aaloha abodonu i Tagi Maolunga doodou Maadua, i oodou lodo alodahi aama oodou hagasaalunga alodahi.

Deuteronomy 33:8

Ia ne tala dagodo o Levi, ga hagadaba, “Gaavange gi Levi dau Thummim gai dau Urim gi gaavange gi doo dangada dabu. Koe ne hagatale gilaadeu i Massah gai ne hagadaumee ange gi gilaadeu i de vai go Meribah.

Deuteronomy 8:16

Ia ne haangai goodou i denga manna i lodo henua, ni mee niiodou dubuna madagidagi tee iloo, gai ia ga hagamaolalo ai goodou ma de hagatale ai dagodo o oodou lodo, gi danuaa adu ai gi goodou i muli mai.

Deuteronomy 8:2

Gai goodou manadua de hai a Tagi Maolunga doodou Maadua ne dagi mai ai goodou i lodo henua, i denga ngadau e madahaa nei; ia ne hagamaolalo goodou ma de hagatale goodou e tilo ai dagodo o oodou lodo, be goodou e daohi ana muna gu tala adu gi goodou be deai.

Revelation 2:2

Au e iloo dagodo o au hegau; koe e hagaduu ngae ma e hai hegau ma de golomagi oo lodo, gai koe e dee malangilangi i de gau baubau, aagai koe gu hagatale dagodo o dangada e hagataba laa bolo gilaadeu ni dangada tala, gai e dee se muna abodonu, gai koe gu gidee bolo gilaadeu ni dangada donu hadu muna.