John 6:57 - De Beebaa Dabu

⁵⁷ Tamana e mouli laa ne hai au gi humai, gai au e mouli i hiidinga o Tamana, deenei ai, be goai e gaina dogu angaanga e mouli i ogu hiidinga.

John 6:57 Iomraidhean Croise

Psalm 18:46

Tagi Maolunga e mouli! Hagadegi ina dogu baba makaga! Hagaamua ina de Maadua, dogu Ia Hagaola!

Jeremiah 10:10

Aagai Iahweh go de Maadua abodonu; go ia de Maadua e mouli laa, ma de Hodooligi e dee ngado mai. Dono bole e hagangalungalue de henua, gai denga huaahenua e dee pau ange gi dono bole.

Matthew 16:16

Gai Simon Peter ga hai ange gi de ia, “Go koe donu de Klisdo, Tama Daane a de Maadua e mouli laa!”

John 14:19

E dee mmule naa donu, gai de gau henua i lalo gu dee gidee au, aagai goodou e gidee au; go hiidinga au e mouli gai goodou e mouli naa hogi.

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

John 17:21

gi buni ai gilaadeu alodahi gi dahi; bei odaau dagodo e Tamana, koe i ogu lodo, gai au i oo lodo, gai gilaadeu i odaau lodo, gi hagadonusia ai e henua i lalo bolo go koe donu ne hai nei au gi humai.

John 3:17

Gai de Maadua tee gaamai dana Dama Daane gi henua i lalo e hagaduasala ai henua i lalo, aagai ne gaamai e hagaola ai henua i lalo i ono daha.

John 5:26

Go hiidinga de mouli go daho Tamana iai, deenei ai, ia gu hai hogi gi dagodo de mouli i daho Tama,

John 6:29

Iesu ne hai ange gi gilaadeu, “Aanei hegau a de Maadua: goodou hagadonusia de ia aana gu hai gi humai.”

John 6:38

Go hiidinga au tee hano iho i de langi e hai donu huu ogu mee e lodo ai, gai au ne hano iho e hai lodo o de ia ne haia nei au gi humai.

1 Corinthians 15:22

Dangada alodahi ne maakau i hiidinga o Adam, gai e bei ai hogi, dangada alodahi e mouli age i hiidinga o Klisdo.

1 Corinthians 15:45

Gai gu sisi e hai ange, “Adam, go tangada ne hai i taamada, ia ne hai ga se dangada e mouli;” gai de Adam hagaodi se dangada e mouli iai de hagasaalunga e vange de mouli gi dangada.

2 Corinthians 13:4

Gai ia ne daudau i de laagau lui i de baageaa, aagai ne mouli age i ssauaa mmahi o de Maadua. Gimaadeu e baageaa hogi bei ono dagodo, aagai e hai hegau adu gi goodou i hiidinga gimaadeu gu mouli age madali ia i ssauaa mmahi o de Maadua.

Galatians 2:20

Au gu lava i de daudau i de laagau lui madali Klisdo. Gai e dee go au ai loo e mouli iainei, gai go Klisdo e mouli i ogu lodo. Gai dogu masavaa e mouli ai i de angaanga nei, gai au e mouli i de gai ange gi Tama a de Maadua, go de ia ne aloha laa i de au ga gaavange dono mouli i ogu hiidinga.

1 Thessalonians 1:9

Gai dangada gu tala dagodo o doodou abodonu mai gi gimaadeu, ma doodou daahuli gee mai i denga diinonga ga hai daumaha ange gi de Maadua abodonu e mouli laa,

Hebrews 9:14

aagai e kii ange donu dodo o Klisdo i de maua i de hai de mee nei. Ia ne dugu ange dono angaanga gi de Maadua, e deai laa mee baubau iai, i ssauaa o de Hagasaalunga e dee ngado mai laa, gai ia ga hai ai ssigidaumaha e hagagilimalali ai tagi i odaadeu lodo mai i hegau o de magau, gi maua ai e gidaadeu i de daumaha ange gi de Maadua e mouli laa.

1 John 4:9

Gai deenei de hai a de Maadua ne hagaago mai ai dono aloha gi gidaadeu: ia ne gave iho dana Dama Daane dagidahi gi henua i lalo, gi maua ai e gidaadeu de mouli i ono hiidinga.