John 6:53 - De Beebaa Dabu

⁵³ Iesu ne hai ange gi gilaadeu, “Ni muna abodonu, ni muna abodonu aagu e hai adu nei gi goodou, noo goodou e dee gai de angaanga o Tama a Tangada ma de unu ono dodo, aagai e deai se mouli i oodou daha.

John 6:53 Iomraidhean Croise

Matthew 18:3

ga hai ange gi gilaadeu, “Ni muna abodonu aagu e hai adu nei gi goodou, noo goodou e dee daahuli bei dagodo o denga gauligi vaaligi, gai goodou e dee maua i de ulu i de nohoanga hodooligi o de langi.

Matthew 5:18

Ni muna abodonu aagu e hai adu nei gi goodou, de langi ma henua i lalo e llilo naa donu, aagai e deai donu se damaa hagailonga be se doonginga daudahi i de hainga e lilo, ga dae ai gi de odi mee nei i de hagassula.

Matthew 8:20

Iesu ne hai ange gi de ia, “Denga gaaduu de vao e hanu olaadeu haonga, gai denga manu llele e hanu olaadeu hoohanga, gai Tama a Tangada e deai donu se mommee e hagadagodo ange aagena dono biho.”

Luke 13:3

Au e hai adu gi goodou, e deai! Aagai noo goodou e dee daahuli oodou lodo, gai goodou alodahi e odi naa donu hogi i de maakau.

Luke 13:5

Au e hai adu gi goodou, e deai! Gai noo goodou e dee daahuli oodou lodo, gai goodou alodahi e odi donu i de maakau bei olaadeu dagodo.”

John 13:8

Gai Peter ga hai ange gi de ia, “Koe e dee dai hakaugau donu luoogu vae.” Iesu ne hai ange gi de ia, “Noo au e dee hakaugau goe, gai koe e dee dau donu madali au.”

John 15:4

Goodou nnoho i ogu lodo, gai au i oodou lodo. E deai donu se laa e maua gi hua, noo e dee somo mai i de grapevine. Goodou e dee maua hogi gi hanu oodou hua, noo goodou e dee nnoho i ogu lodo.

John 3:3

Iesu ne hai ange gi de ia, “Ni muna abodonu, ni muna abodonu, aagu e hai adu nei gi de goe: noo tangada e dee haanau hoou, gai ia e dee maua donu gi gidee de nohoanga hodooligi o de Maadua.”

John 3:36

Be goai e hagadonusia Tama gai e maua e ia de mouli e dee ngado mai, aagai be goai e dee hagadonusia Tama e dee gidee e ia de mouli, aagai de bole o de Maadua e dagodo i ono elunga.

John 3:5

Iesu ne hai ange, “Ni muna abodonu, ni muna abodonu, aagu e hai adu nei gi de goe, noo tangada e dee haanau i de vai aama de Hagasaalunga ⌊Dabu⌋, gai ia e dee maua donu, i de ulu i de nohoanga hodooligi o de Maadua.

John 6:47

Ni muna abodonu, ni muna abodonu aagu e hai adu nei gi goodou, tangada e hagadonusia gu kave donu de mouli e dee ngado mai.

John 6:51

Go au de pelaoaa o de mouli ne hano iho mai i de langi; be goai e gaina de pelaoaa nei, gai ia e mouli ga hano ai. Gai de pelaoaa aagu e gaavange e hagamouli ai henua i lalo go dogu angaanga donu.”

John 6:55

Go hiidinga dogu angaanga go gai abodonu, gai ogu dodo go mee unu abodonu.

John 6:62

Gai aahee naa oodou muna noo goodou e gidee Tama a Tangada e hanage gi de mommee oona nogo noho ai i mua?

1 John 5:12

Be goai e noho Tama i ono daha e maua de mouli; aagai be goai e dee noho Tama Daane a de Maadua i ono daha e dee dagodo de mouli i ono daha.

Revelation 2:17

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii, gai au e gaavange naa gi de ia hanu manna e doange laa. Au e gaavange naa gi de ia dahi hadu tea e sisi ai dahi ingoo hoou, gai go tangada donu huu ne gaavange laa aagena e iloo de ingoo laa.

Revelation 2:7

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii, gai au e dugu ange naa ia gi gaina hua o de manu o de mouli i lo te veelenga a de Maadua.