John 6:2 - De Beebaa Dabu

² Gai dangada soa mmao ne daudali ange i de ia ga hulo ai gi kilaa, i hiidinga gilaadeu ne gidee ana hagailonga ne hai ga hagaieiangi ai denga magi.

John 6:2 Iomraidhean Croise

Matthew 12:15

Iesu ne iloo e ia de mee nei, gai ia ga hano gee mai i kilaa, aagai ne soa dangada ne daudali ange i de ia. Aagai ia ga hagaieiangi denga magi alodahi.

Matthew 13:2

Gai dangada soa ga hagabuni mai gi ono daha, gai ia ga gage ga noho i honga dahi boose; gai dangada e tuu i gaogao de vai.

Matthew 14:14

Gai ga dae huu Iesu gi de mommee laa ga hanage gi uda, gai ia gu gidee dangada soa mmao, aagai ia gu lodo aloha i gilaadeu ga hagaieiangi alaadeu magi.

Matthew 8:1

De masavaa o Iesu ne ahe iho ai i de mounga, gai dangada soa ga daudali ange i de ia.

Mark 1:45

Aagai taane laa ne hano ga hagadele de longo laa. Gai Iesu gu dee maua i de hano gi denga aduhale e hagasula ange gi dangada soa, ia gu noho donu huu i mommee e deai dangada iai. Aagai dangada ga loomai gi ono daha i mommee alodahi.

Mark 6:33

Gai dangada soa ne gidee laa delaadeu hulo ma de madea gilaadeu, ga saavini laa uda mai i denga aduhale alodahi ga hulo gu tae gi kilaa i mua.

John 11:47

Gai de gau haimeedabu maolunga ma denga Pharisee ne hagabuni mai de hagabuulinga hagasaele ga ssili ange, “Ni aha adaadeu ga hai? Taane nei gu lagolago ana hagailonga ne hai.

John 12:18

Gai dangada soa ne hulo e hedae ange gi de ia, go hiidinga gilaadeu gu langona dana hai de hagailonga laa.

John 12:37

Aagai e dee galemu donu de lagolago hagailonga a Iesu ne hai i madamada o dangada, gai gilaadeu tee hagadonusia donu ia.

John 2:11

Gai mee a Iesu ne hai laa i Cana i Galilee, go tahi hagailonga aana ne hai e hagaago mai ai dono mahamaha. Gai ana dangada agoago gu hagadonusia e gilaadeu ia.

John 2:23

De masavaa oona e noho ai i Taonga Hagasili i Jerusalem, gai ne soa dangada ne hagadonusia dono ingoo, i delaadeu gidee denga hagailonga aana ne hai.

John 20:30

Gai ne lagolago mee hagalele mouli a Iesu ne hai i madamada o ana dangada agoago, tee sisi i lo te beebaa nei.

John 3:2

Taane nei ne humai gi daho Iesu i de boo, ga ssili ange gi de ia, “Tangada Agoago, gimaadeu e iloo, bolo koe se dangada agoago ne humai i daho de Maadua. Gai e deai ange donu se dangada e maua i de hai denga hagailonga aau e hai naa, noo de Maadua e dee noho i ono daha.”

John 6:14

Gai ga gidee huu e dangada de hagailonga a Iesu ne hai laa, gai gilaadeu ga hagataba, “Ni muna abodonu, deenei donu de Pelaabisi gu tala laa bolo e humai gi henua i lalo!”

John 6:22

De laangi i ono dua, gai dangada soa e doe laa i de baasi gee de vai ne gidee bolo e dahi donu huu boose nogo i kilaa, gai Iesu tee hano i de boose o ana dangada agoago ne hulo ai laa, go ana dangada agoago donu huu ne hulo ai.

John 6:26

Iesu ne hai ange gi gilaadeu, “Ni muna abodonu, ni muna abodonu aagu e hai adu nei gi goodou, goodou tee ssala au i hiidinga goodou gu gidee hanu hagailonga, aagai goodou ne ssala au i hiidinga goodou ne boobosu i de gai pelaoaa.

John 6:30

Gai gilaadeu ne ssili ange hogi gi Iesu, “Ni hagailonga bee hee aau e hagaago mai gi hagadonusia ai e gimaadeu goe? Ni aha naa aau e mau i de hai?