John 5:7 - De Beebaa Dabu

⁷ Taane magi laa ne hai ange, “Tangada aamua, e deai donu se dangada e balea mai au e iho gi lo te vai, i de masavaa e kai age ai. Gai ga hanadu naa au e iho gi lo te vai, gai dahi dangada gee gu iho ma gu hano i ogu mada i mua.”

John 5:7 Iomraidhean Croise

Psalm 142:4

Galo ange gi dogu madau ma gi diiloo, gu deai donu dangada e kalo mai gi de au. Gu deai sogu mommee e buibui ai, gu deai donu dangada e aloha mai gi de au.

Psalm 72:12

Gai ia e hagaola naa gilaadeu e duasala e hagahia ange ia, ma de bale ange tangada hagaau aloha ma tangada e deai sono bale.

John 5:2

Gai gaogao de Haitoga o denga Ssiibi i Jerusalem, e dahi vai iai, gai e hagaingoo ange i muna Aramaic bolo go Bethesda, gai e lima velanda i kilaa.

John 5:3

Gai e soa hagadaagangaa magi nogo daakodo i de mommee laa — go de gau dee kide, go de gau baagia, aama de gau balagelage. [Gilaadeu e tali de ngalungalue o de vai laa.

John 5:4

Go hiidinga dahi dangada de langi e hano iho i hanu masavaa ga hai gi kai age lo te vai laa; gai be goai naa huu ne iho i mua gi lo te vai laa i dua de kai age, gai ia e ieiangi mai i de hagadaagangaa magi oona e magi ai laa.]

John 5:6

De masavaa a Iesu ne gidee ai ia e dagodo i kilaa, ma de iloo bolo gu daulooloa dono magi, gai ia ga ssili ange gi de ia, “Koe e lodo gi ieiangi goe?”

Romans 5:6

De masavaa odaadeu e deai ai odaadeu mahi, gai Klisdo ne magau i hiidinga o de gau baubau, i de masavaa gu lava laa i de hagamodu.

1 Corinthians 9:24

Goodou e dee iloo bolo de hagadau gaavange se mee ange gi dangada alodahi e saavini, aagai e dahi donu huu dangada e gaavee de hagaoanga? Deenei ai, goodou hagaduu ngae saavini gi maua ai e goodou i de kave de hagaoanga laa.

Deuteronomy 32:36

Tagi Maolunga e hagamodu naa dagodo o ono dangada, ma de lodo aloha ange gi ono dangada hai hegau, i de masavaa aana e gidee ai teai olaadeu mahi, gai gu deai dangada hai hegau aabe ni dangada ilaage e doe.