John 5:44 - De Beebaa Dabu

⁴⁴ Dee hee doodou hai e hagadonu ai, gai goodou e hagadau tuhi donu huu goodou, goodou e dee ssala donu huu de tuhi mai i daho de Maadua?

John 5:44 Iomraidhean Croise

2 Chronicles 6:8

Aagai Tagi Maolunga ne hai ange gi dogu damana go David, ‘Go hiidinga koe ne maanadu de hagaduu dahi hale e hagadubu ai dogu ingoo, gai se mee danuaa donu aau gu maanadu naa i oo lodo.

Jeremiah 13:23

E aha, e maua e tangada Ethiopia i de sui de leebunga o dono gili, be go de leopard i de sui denga mee daubulebule i dono gili? Gai e bei ai hogi, goodou e dee maua donu i de hai tanuaa go hiidinga goodou gu aabo i de hai de baubau.

Matthew 23:5

Gilaadeu e hai alaadeu hegau alodahi gi gidee ai e dangada. Gilaadeu e hai gi llaha olaadeu phylacteries, ma de hai gi lloa huga malo hagalaagii i bido i lalo o olaadeu malo lloa.

Luke 19:17

Ia ne hai ange gi de ia, ‘E danuaa, koe se dangada hai hegau danuaa. Go hiidinga koe e kana ange gi de mee damaa mee, au e hai goe gi dagina e madaangahulu aduhale.’

John 12:43

go hiidinga e kii de tuhi mai i daho dangada i delaadeu llodo ai, i de tuhi mai i daho de Maadua.

John 17:3

Gai deenei de mouli e dee ngado mai: gi iloo e gilaadeu goe, gai e deai ange donu se Maadua abodonu, ma Iesu Klisdo, go de ia aau ne hai laa gi humai.

John 3:20

Be goai e haia de baubau e kino donu i de maalama, gai ia e dee lodo e humai gi de maalama, kana ssula mai ana hegau baubau.

John 5:41

Au e dee anga ange gi de mahamaha mai i daho dangada.

John 8:43

Gai gu aha goodou gu dee tonu mai ai naa gi agu muna? Go hiidinga goodou e dee llodo e hagallongo agu muna.

Romans 2:10

gai gilaadeu alodahi e haia tanuaa e kave naa de mahamaha, ma de hagadubu, aama de baba, ange gi de gau Ssuu i mua aama ange hogi gi denga Gentile.

Romans 2:29

Aagai tangada Ssuu abodonu se mee mai i de lodo, gai de tuu dagaholiage abodonu se mee e hai i de lodo o tangada, i ssauaa o de Hagasaalunga ⌊Dabu⌋, e dee go hiidinga o de hainga gu sisi laa. Gai dono tuhi e dee se mee mai i daho dangada, aagai mai i daho de Maadua.

Romans 2:7

gilaadeu ne duudagi de hai mee danuaa gi maua ai e gilaadeu de tuhi, ma de hagadubu, aama de angaanga e dee magau laa, gai ia ga gaavange ai gi gilaadeu de mouli e dee ngado mai.

1 Corinthians 4:5

Deelaa ai, goodou gi dee hagamodu ina dahi mee i mua de humai o Tagi Maolunga, go de ia e hagaagona mai mee alodahi e hagammuni laa i lo te gohu, ma de hagaago mai maanadu alodahi i de lodo. Gai de Maadua ga tuhi ai dahi ma dahi.

2 Corinthians 10:18

Go hiidinga e dee go tangada e duuhia laa donu huu ia e hagaheohi, aagai go tangada a Tagi Maolunga e tuhi laa.

Philippians 2:3

Goodou gi dee haia donu huu oodou mee e llodo ai aabe go de llodo maolunga, aagai goodou gi lodo maolalo ma de tala bolo de gau ange laa e danuaa ange i goodou.

1 Thessalonians 2:6

Gimaadeu e dee ssala hogi de tuhi mai i daho dangada, e dee go de tuhi mai i oodou daha, aabe go mai i daho hanu dangada gee. Gai gimaadeu ne maua i de kave de bale mai i oodou daha i hiidinga gimaadeu ni dangada tala niio Klisdo.

1 Timothy 1:17

De Hodooligi e mouli laa ga hano ai, ia e deai donu se magau, gai e dee maua gi gidee i ganomada o dangada, gai go ia de Maadua abodonu. Hagadubulia ma de hagamahamaha ina ia ga hano ai e dee ngado mai. Amen.

Hebrews 3:12

Denga daina, goodou dagidiiloo gi deai se goodou e daohia dahi lodo baubau be go tee hagadonusia, ga dagi gee ai goodou i de Maadua e mouli laa.

James 2:1

Denga daina, goodou gi dee hilihili dangada, noo goodou ni dangada e kai ange gi Iesu Klisdo taadeu Dagi Maolunga mahamaha laa.

1 Peter 1:7

Mee nei ne hai e tilo ai be oodou kai se muna abodonu aabe e deai — gai e hagamogomogo ange i denga goolo e lilo laa, e dee galemu donu gu lava i de hagagilimalali i de ahi — gai goodou ga kave ai de tuhi ma de mahamaha, aama hagadubu i de laangi o Iesu Klisdo e hagasula mai ai.

Jude 1:25

aama ange gi de Maadua e dahi laa donu huu, go taadeu Ia Hagaola, i hiidinga o Iesu Klisdo taadeu Dagi Maolunga, de mahamaha, ma de maolunga, ma ssauaa e dagi ai, ma de mmahi, mai i mua de hai o mee alodahi aama iainei ga hano ai e dee ngado mai. Amen.

1 Samuel 15:30

Gai a Saul ga hai ange, “Ni muna abodonu au gu haisala. Gai koe hagadubu ina donu huu au i madamada o denga dagi o dangada ma de gau Israel alodahi. Ahe mai madali au, gai au ga daumaha ange ai gi Tagi Maolunga doo Maadua.”

1 Samuel 2:30

Deenei ai, e hagadaba Tagi Maolunga, de Maadua o Israel, ‘Au ne hagatoo donu bolo doo aamuli e hai hegau mai naa gi de au ga hano ai,’ aagai iainei Tagi Maolunga e hagadaba, ‘Au gu dee hagassula mee nei; go hiidinga au e hagadubu gilaadeu e hagadubulia ngau, aagai au e hagangadi mee gilaadeu e hagangadi mee ina ngau.