John 5:4 - De Beebaa Dabu

⁴ Go hiidinga dahi dangada de langi e hano iho i hanu masavaa ga hai gi kai age lo te vai laa; gai be goai naa huu ne iho i mua gi lo te vai laa i dua de kai age, gai ia e ieiangi mai i de hagadaagangaa magi oona e magi ai laa.]

John 5:4 Iomraidhean Croise

2 Kings 5:10

Gai Elisha ne hai dahi dangada gi hano, gi hai ange gi de ia, “Hannoo sulu gi lo te vai o Jordan i e hidu hanonga, gai maanuga i doo angaanga e ieiangi naa, gai koe e gilimalali naa.”

Psalm 119:60

Au e hagamoolau, au e dee hagalongolongo ngadaa donu de daudali i au muna.

Proverbs 6:4

Aude seni donu, aabe gi damaa mmoe luoo mada.

Proverbs 8:17

Au e aloha i gilaadeu e aaloha i de au, gai gilaadeu e hagammahi e saalaa au e gidee naa e gilaadeu au.

Ecclesiastes 9:10

Be ni aha naa huu aau e gidee e hai, gai koe hagaduu ngae haia, go hiidinga de mommee o de gau maakau, go de mommee oou gu dai hano naa aagena, e deai donu hegau e hai ai, e deai hogi hagatau, be se iloo mee aabe se heiangi.

Ezekiel 47:8

Gai ia ne hai mai gi de au, “De vai nei e sali ma e hano gi baasi i dua, gai e hano iho hogi gi Arabah, go kilaa e duu ange ai gi Tai Magau. Gai de masavaa naa huu e ulu ange ai ono vai gi lo te Dai Magau, gai vai soolo i kilaa gu sui ga ni vai danuaa.

Hosea 13:13

De mmae o de hine gu dai haanau gu tae mai gi Ephraim, aagai ia se dama e deai sono heiangi; de masavaa oona e haanau ai, aagai ia e dee doo mai i de haonga o de mommee o denga dama.

Zechariah 13:1

“De laangi laa gai e dahi naa vai e sali age e hagagilimalali ai haisala ma hakino gee o de huaabodu o David aama dangada e nnoho i Jerusalem.

Zechariah 14:8

De laangi laa gai de vai mouli e ssali mai naa i Jerusalem. Hanu e ssali ga hulo gi tai i baasi i dua, gai hanu e ssali ga hulo gi tai i baasi i dai, i de masavaa hagamahana ma de masavaa hagamagalili.

Matthew 11:12

Mai i de masavaa o John taane Babudaisi ga dae mai ai gi iainei, aagai de nohoanga hodooligi o de langi e vaivai haia, aama de haia gi de mahi i daho olaadeu e mmahi.

Matthew 6:33

Aagai goodou saalaa i mua nei de nohoanga hodooligi o de Maadua ma dono heohi, gai mee nei alodahi e gaavadu naa donu gi goodou.

Luke 13:24

“Goodou hagaduu ngae gi ulu goodou i de haitoga mada damaa mee; go hiidinga e soa naa dangada e hagatale de ulu ai gai e dee maua e gilaadeu.

Luke 16:16

De hainga ma denga pelaabisi ne agoago ga dae mai ai gi de masavaa o John taane Babudaisi; gai muli mai ne daamada de agoago de longo danuaa o de nohoanga hodooligi o de Maadua, gai dangada alodahi gu hagammahi e ulu ai.

John 5:3

Gai e soa hagadaagangaa magi nogo daakodo i de mommee laa — go de gau dee kide, go de gau baagia, aama de gau balagelage. [Gilaadeu e tali de ngalungalue o de vai laa.

John 5:5

Gai e dahi daane i kilaa gu matolu ma valu ono ngadau ne magi ai.

John 5:7

Taane magi laa ne hai ange, “Tangada aamua, e deai donu se dangada e balea mai au e iho gi lo te vai, i de masavaa e kai age ai. Gai ga hanadu naa au e iho gi lo te vai, gai dahi dangada gee gu iho ma gu hano i ogu mada i mua.”

1 Corinthians 6:11

I mua gai hanu goodou e dagodo bee nei. Aagai iainei goodou gu hagagilimalali ma gu vvae gee ma gu hai gi dabu, goodou gu hagaheohi i de ingoo o Tagi Maolunga go Iesu Klisdo aama ssauaa o de Hagasaalunga o taadeu Maadua.

1 John 1:7

Aagai noo gidaadeu e seesee i de maalama bei ono dagodo, gai gidaadeu e buni i de lodo daudahi, gai dodo o dana Dama Daane go Iesu e hagagilimalali gidaadeu mai i odaadeu haisala alodahi.