John 5:34 - De Beebaa Dabu

³⁴ Au e dee kave muna a dangada e tala; aagai au e tala muna nei gi hagamouli ai goodou.

John 5:34 Iomraidhean Croise

Luke 13:34

Jerusalem, Jerusalem, de aduhale ne daia ga maakau denga pelaabisi ma de maga i hadu gilaadeu ne hai gi loomai gi de aduhale! Gu dee modu dogu lodo e hagabudu au dama, bei de hai a de gaagoo hahine e hagabudu ai laa ana dama i lalo luoono bakau, aagai koe e dee lodo!

Luke 19:10

Go hiidinga Tama a Tangada ne humai e ssala ma de hagaola gilaadeu gu dee maaleva laa.”

Luke 24:47

gai de dahuli o de lodo ma de degi ange gi haisala, e agoago ange naa gi denga huaahenua alodahi i dono ingoo, gai e daamada mai i Jerusalem.

John 20:31

Aagai mee nei ne sisi gi hagadonusia ai e goodou, bolo Iesu go de Klisdo donu, go Tama Daane a de Maadua, gai gi maua ai e goodou de mouli i doodou hagadonusia ia.

John 5:32

Gai e Dahi ange e daalaa hagadonu ogu dagodo, gai au e iloo bolo ana muna e tala ai ogu dagodo ni muna abodonu.

John 5:41

Au e dee anga ange gi de mahamaha mai i daho dangada.

John 8:54

Iesu ne hai ange gi gilaadeu, “Noo au e hagamahamaha donu huu au, gai dogu mahamaha e deai donu ono haigamaiana. Gai go dogu Damana e hagamahamaha ina au, gai go ia oodou e hagataba naa bolo go ia doodou Maadua.

Romans 10:1

Denga daina, dogu lodo donu ma dagu dalodalo ange gi de Maadua, i hiidinga o dangada o Israel, deenei: gilaadeu gi hagamouli.

Romans 10:21

Aagai ia ne hagadaba i dagodo o Israel, “Mai i taiao ga boo ai gai au ne haalo ange luoogu lima gi dahi huaadangada dee hagallongo i muna ma de llodo e hai baasi.”

Romans 12:21

Goodou gi dee dugua ange gi kii de baubau i goodou, aagai goodou haia gi kii tanuaa i de baubau.

Romans 3:3

Gai noo hanu e dee hai hegau i de mee abodonu? Gai e maua naa delaadeu dee hai hegau i de muna abodonu, i de hai gi dee hai haigamaiana de hai hegau o de Maadua i de mee abodonu?

1 Corinthians 9:22

Au ne hai gi se dangada baageaa i hiidinga olaadeu e baageaa, gi maua ai e au hanu gilaadeu e baageaa. Au ne hai mee nei alodahi i hiidinga o dangada alodahi, gi maua ai e au i de hagamouli hanu.

1 Timothy 4:16

Koe gi dagidiiloo iho oo dagodo aama dagodo o au mee e agoago. Koe gi lodo mmahi i de hai mee nei, go hiidinga noo koe e hai mee nei, aagai koe gu hagamouli goe aama gilaadeu e hagalaangona au muna.

1 John 5:9

Gidaadeu e hagadonusia muna a dangada e tala, aagai muna a de Maadua e tala e maolunga ange, go hiidinga aanei muna a de Maadua gu tala hagadonu ai dagodo o dana Dama Daane.