John 5:19 - De Beebaa Dabu

¹⁹ Gai Iesu ga hai ange gi gilaadeu, “Ni muna abodonu, ni muna abodonu aagu e hai adu nei gi goodou, Tama e dee maua donu i de hai dahi mee i de ia donu huu, gai ia e hai donu huu ana mee e gidee Tamana e hai; go hiidinga be se aha naa huu a Tamana e hai, gai deelaa hogi de mee a Tama e hai.

John 5:19 Iomraidhean Croise

Genesis 1:1

Taamada de hai a de Maadua de langi ma henua i lalo,

Genesis 1:26

Gai de Maadua ga hagadaba, “Gidaadeu ga hai tangada gi bei odaadeu hagadulagi ma odaadeu dagodo donu; gai gilaadeu ga dagi ai denga mamu i lausedi, ma manu llele i lo te moana i lunga, ma manu haangai, ma manu lodo henua alodahi, ma manu vaaligiligi e nnoho ma de tolo saele i honga de gelegele.”

Psalm 138:3

De masavaa aagu ne hagahi adu ai goe, gai koe ne basa mai gi dagu dangidangi; koe ne hai au gi lo taane ma de lodo mmahi.

Psalm 27:14

Koe gi tali hagalodolodo ange gi Tagi Maolunga; koe gi lodo mmahi ma de lo taane, aama de tali ange Tagi Maolunga.

Psalm 50:6

De langi e hagaago mai de heohi o de Maadua, i hiidinga go ia donu de ia hagamodu muna! Selah

Exodus 4:11

Gai Tagi Maolunga ga ssili ange gi de ia, “Goai ne haia de ngudu o tangada? Gai goai ne haia tangada lau de alelo ma de longoduli, be go tangada dee gide ma tangada e gide? E dee go au, Tagi Maolunga, ne haia gilaadeu nei alodahi?

Proverbs 2:6

I hiidinga go Tagi Maolunga e gaavadu de heiangi abodonu, gai go ia e daalaa adu dagodo o de iloo mee, ma de donu ange.

Isaiah 44:24

E hagadaba Tagi Maolunga, doo Ia Hagaola, ne haia goe i de mommee o denga dama: “Go au donu Tagi Maolunga, ne haia laa mee alodahi, go au ne hoolaa de langi, go au donu huu ne doohaa henua i lalo.

Isaiah 45:24

Gilaadeu e hagataba naa, ‘Go Tagi Maolunga donu huu e heohi gai e mmahi.’ ” Gilaadeu alodahi e kino i de ia, e loomai naa gi de ia, gilaadeu gu dookaa naa.

Jeremiah 17:10

Gai au, Tagi Maolunga, e tilo dagodo o de lodo ma de hagatale maanadu a tangada, au e hagao ange naa gi bei dagodo hegau a dahi.”

Matthew 26:39

Gai ia ne damaa hanadu ange ga hagabaguu gi lalo ga hagabaa luoono mada gi honga de gelegele ga dalodalo, ga hai ange, “Dogu Damana, noo e maua, gai gaavee gee de ubu nei mai i ogu daha; aagai e dee go ogu lodo e hai, gai go oo lodo.”

Luke 21:15

Go hiidinga au e gaavadu naa donu gi goodou muna ma de heiangi e pasa ange ai gi oodou hagadaumee, gai gilaadeu e dee maua naa donu i de hagahadu muna aabe go de pasa adu gi oodou muna.

John 10:18

E dee se dangada gee donu ne gaavee dogu mouli, aagai go au donu ne dugua ange dogu mouli. Gai e dahi donu ogu ssauaa e gaavange ai dogu mouli, aama de hagaahe mai ange ai. Aanei muna a dogu Damana ne tala mai gi de au.”

John 12:49

Gai au tee basa i dogu sauaa donu huu, gai go Tamana donu ne haia nei au gi humai ne daalaa mai agu muna e tala ma dagu hai e tala ai.

John 12:50

Gai au e iloo bolo ana muna e tala go de mouli e dee ngado mai donu. Deelaa ai, agu muna e tala nei e tala donu bei de hai a Tamana gu tala mai ai gi de au.”

John 14:10

Koe e dee hagadonusia bolo au e noho i lodo o Tamana, gai Tamana e noho i ogu lodo? Au e dee tala adu muna nei i dogu sauaa donu huu, aagai go Tamana e noho laa i ogu lodo e hai hegau i ogu daha.

John 2:19

Iesu ne hai ange gi gilaadeu, “Oohaa de temple nei, gai au ga hagaduu age ange i e dolu laangi.”

John 3:3

Iesu ne hai ange gi de ia, “Ni muna abodonu, ni muna abodonu, aagu e hai adu nei gi de goe: noo tangada e dee haanau hoou, gai ia e dee maua donu gi gidee de nohoanga hodooligi o de Maadua.”

John 5:21

Gai e bei donu de hai a Tamana e hagamouli age ai laa de gau maakau, ga gaavange gi gilaadeu de mouli, gai e bei ai hogi, Tama e gaavange de mouli gi gilaadeu aana e lodo e vange aagena.

John 6:38

Go hiidinga au tee hano iho i de langi e hai donu huu ogu mee e lodo ai, gai au ne hano iho e hai lodo o de ia ne haia nei au gi humai.

John 8:28

Gai Iesu ga hai ange, “Dua naa huu doodou hagaduu age Tama a Tangada, gai goodou gu iloo bolo go au donu go ia, gai au e dee hai donu dahi mee daudahi i dogu sauaa donu huu, aagai au e tala donu huu mee a Tamana gu agoago mai ai au.

John 9:4

De masavaa e ao ai de mee, gai gidaadeu e hagaduu ngae e hagalava hegau a de ia ne haia ngau gi humai. Gu baa mai de boo, go de masavaa e dee hai hegau ai dangada.

Acts 2:24

Aagai de Maadua gu hagamouli age hogi ia ma de hagaola ia mai i ssauaa o de magau, go hiidinga de magau e dee maua donu i de daohi ia.

Romans 6:4

Deenei ai, gidaadeu gu maakau ma gu danu madali ia i taadeu babudaisi, gi bei ai gidaadeu dagodo o Klisdo i dono mouli age mai i de magau i ssauaa o de mahamaha o Tamana, gai gidaadeu ga mouli ai hogi i de mouli hoou.

Romans 8:11

Gai noo de Hagasaalunga o de Maadua ne hagamouli ina age laa Iesu i de magau e noho i oodou lodo, gai de ia ne hagamouli ina age laa Iesu i de magau e hagamouli age naa hogi oodou angaanga e maakau laa i dono Hagasaalunga e noho laa i oodou lodo.

1 Corinthians 15:12

Gai noo gimaadeu ne tala bolo Klisdo ne mouli age mai i de magau, gai dee hee de hai a hanu goodou e hagataba ai naa, bolo e deai donu se mouli age o de gau maakau?

2 Corinthians 4:14

go hiidinga gimaadeu e iloo bolo de Maadua ne hagamouli age laa Tagi Maolunga go Iesu, e hagamouli age naa hogi gimaadeu madali Iesu, ga hagaago ange gimaadeu madali goodou i mada luoono mada.

2 Corinthians 5:10

Go hiidinga gidaadeu alodahi e tuu naa i mada i mua de nohoanga hagamodu muna o Klisdo, gai dahi ma dahi e kave naa de hagaoanga o ana hegau ne hai i de angaanga nei, e dee hilihili be e danuaa aabe e baubau.

Ephesians 2:5

ne hagamouli age gidaadeu madali Klisdo i de masavaa odaadeu goi maakau ai i lodo odaadeu haisala — goodou gu hagamouli i dono abodonu.

Ephesians 3:16

gai ia ga hai ai gi mmahi oodou lodo i ssauaa o dono Hagasaalunga, bei dagodo de laumalie o dono mahamaha,

Philippians 3:21

Gai ia ga sui ai odaadeu angaanga maolalo nei gi bei dagodo o dono angaanga mahamaha laa, i ssauaa ne haia laa ga maua e ia i de dagi mee alodahi.

Philippians 4:13

Au e maua donu i de hai mee alodahi i ssauaa o Klisdo, go de ia e hagammahi ina ogu lodo.

Colossians 1:11

Gai goodou gi mmahi i mahi alodahi, bei dagodo o ono mahi, gi maua ai e goodou i de llodo mmahi ma de golomagi lodo aama de malangilangi,

Colossians 1:16

Gai go ia hogi ne haia mee alodahi i lo te langi ma honga henua i lalo, mee e gidee ma mee e dee gidee; bei denga nohoanga hodooligi, ma gilaadeu e mmahi, ma gilaadeu e dagi, ma gilaadeu iai ssauaa e dagi ai; mee alodahi go ia ne haia gai ne hai ange donu gi de ia.

1 Thessalonians 4:14

Gai go hiidinga gidaadeu e hagadonusia bolo Iesu ne magau, gai gu mouli age ange, aagai gidaadeu e hagadonusia hogi bolo de Maadua e gaamai donu hogi madali Iesu gilaadeu ne maakau laa i ono lodo.

1 Peter 3:18

Gai Klisdo ne hagaduasala hogi i hiidinga o denga haisala i e dahi donu huu hanonga, de ia heohi ne hagaduasala i hiidinga o de gau baubau, gai ia ga dagi ange ai gidaadeu gi de Maadua. Ia ne daa ga magau i de angaanga nei, aagai ne mouli age i de Hagasaalunga;

Revelation 2:23

Au e daa naa hogi ana dama gi maakau, gi iloo ai e denga nohoanga dabu alodahi bolo au e iloo lodo ma maanadu a dangada alodahi. Gai au e hagaduasala naa dahi ma dahi gi bei dagodo o ana hegau.