John 5:16 - De Beebaa Dabu

¹⁶ Deenei de hiidinga a de gau Ssuu ne vaivai hai ai laa Iesu, go hiidinga ia ne hai mee nei i de laangi o Sabbath.

John 5:16 Iomraidhean Croise

Matthew 12:13

Gai Iesu ga hai ange gi taane magau de lima, “Haalo doo lima.” Aagai taane laa ga haalo dono lima, gai gu ieiangi bei de lima ange laa.

Mark 3:6

Gai denga Pharisee ga sasao ga hulo ga hagabuni madali dangada i de hagabuulinga o Herod, e ssala ai delaadeu hai e daa ai Iesu gi magau.

Luke 6:11

Aagai de gau sisi ma denga Pharisee gu llili mmao, gai gilaadeu ga daamada de hagasaele delaadeu hai e hai ai Iesu.

John 1:19

Gai aanei muna a John ne tala hagadonu, i de masavaa a de gau Ssuu ne hai ai gi loomai gi ono daha, hanu dangada haimeedabu ma dangada de aamuli o Levi i Jerusalem gi siilia ange gi de ia, “Go koe goai?”

John 10:39

Gai gilaadeu ne hagatale ange hogi de poo ia, gai ia ga hagaui i olaadeu lima, ga hano gee i kilaa.

John 15:20

Goodou manadua agu muna gu tala adu gi goodou, ‘Tangada hai hegau e dee maolunga ange i dono dangada aamua.’ Noo gilaadeu ne vaivai hai au, gai gilaadeu e vaivai hai naa hogi goodou. Noo gilaadeu ne daohi agu muna, gai gilaadeu e daohi naa hogi oodou muna.

John 5:10

Gai de gau Ssuu ne hai ange gi taane gu ieiangi laa, “Anailaa nei go Sabbath; gai e dee alaange dau saabai doo moenga.”

John 5:13

Aagai taane gu ieiangi laa e dee iloo e ia be goai taane laa, i hiidinga Iesu gu hano gi magavaa o dangada soa laa.

John 5:15

Aagai taane laa ne hano ga tala ange gi de gau Ssuu bolo go Iesu ne hagaieiangi ina laa ia.

John 5:17

Aagai Iesu ne hai ange gi gilaadeu, “Dogu damana e hai hegau ga dae mai ai gi iainei, gai au e hai hegau hogi.”

John 5:18

Deelaa ai, de gau Ssuu ne hagammahi ai laa e ssala de hai e daa ai ia gi magau; i hiidinga ia tee oha donu huu de laangi o Sabbath, aagai ia ne hagadaba bolo de Maadua go dono Damana, ia ne hagahedae ange ia gi de Maadua.

John 7:21

Iesu ne hai ange gi gilaadeu, “Au ne hai dahi mee hagalele mouli, gai goodou alodahi gu llele mouli.

John 7:25

De masavaa laa gai hanu dangada i Jerusalem ne ssili ga hagataba, “E dee deenei taane alaadeu e ssala laa e daa gi magau?