John 4:46 - De Beebaa Dabu

⁴⁶ Gai Iesu ne ahe ange hogi ga hano gi Cana i Galilee, go de mommee aana ne sui ai denga vai ga ni uvaini. Gai e dahi daane aamua i Capernaum gu magi dana dama daane.

John 4:46 Iomraidhean Croise

Psalm 50:15

ma de hagahi mai au i de masavaa o de hai ngadaa gai au ga hagaola ai goe, gai koe ga hagamahamaha ai au.” Selah

Psalm 78:34

Ga daia huu e ia hanu gilaadeu ga maakau, gai gilaadeu ga aahe mai gi de ia, ga daahuli olaadeu lodo ga ssala de Maadua.

Hosea 5:15

Gai au e ahe naa gi dogu mommee, ga dae ai gi delaadeu tala olaadeu haisala. Gai gilaadeu ga ssala ai au i delaadeu duasala.

Matthew 15:22

Gai tilo, dahi hahine Canaan ne humai ga oo ga dangidangi ange gi de ia, ga hai ange, “Tagi Maolunga, Tama a David! Lodo aloha mai gi de au; dagu damaa hine gu iai de hagasaalunga baubau, gai ia gu duasala mmao.”

Matthew 4:13

Ia ne hano gee hogi i Nazareth ga noho i Capernaum, se aduhale i gaogao de vai, i de vaaenga o Zebulun ma Naphtali,

Matthew 9:18

De masavaa a Iesu e tala ange ai mee nei gi dangada, gai dahi dagi ne humai ga duuduli i ono mada i mua, ga hai ange, “Dagu damaa hine se goodo magau donu huu; aagai koe humai dugua ange doo lima gi ono elunga gi mouli age ai ia.”

Luke 4:23

Ia ne hai ange gi gilaadeu, “Ni muna abodonu, goodou e hagamaanadu mai gi de au de mee hagasengasenga nei, ‘Tangada hai magi, hagaieiangi ina donu huu goe. Haia hogi sauaa amaadeu gu langona laa bolo koe gu hai i Capernaum, i doo aduhale donu.’ ”

Luke 7:2

Gai e dahi dangada hai hegau o tagi o de lau gu magi ma gu dai magau, gai se daane hagamogomogo i daho dono dangada aamua.

Luke 8:42

go hiidinga e dahi donu huu ana damaa hine, ia gu madaangahulu ma lua ono ngadau, gai ia gu dai magau. De masavaa o Iesu e seesee ai e hano, gai dangada soa gu hagakabi luoono baasi.

John 2:12

Dua mee laa gai Iesu ne hano gi Capernaum madali dono dinana, ma ono daina daane, aama ana dangada agoago. Gai gilaadeu ne nnoho i kilaa i hanu laangi.

John 21:2

Dahi laangi gai Simon Peter, ma Thomas (e hagaingoo ange laa hogi go Didymus), ma Nathanael, taane Cana i Galilee, ma luu dama daane a Zebedee, aama e dogolua ange dangada agoago, e nnoho i dahi mommee.

Joshua 19:28

Gai e hano ga duu i Ebron, ma Rehob, ma Hammon, ma Kanah, gai e hano loo ga dae gi Sidon Laumalie.