John 4:45 - De Beebaa Dabu

⁴⁵ Gai ga dae huu ia gi Galilee, gai de gau Galilee ga abodonu ange gi de ia, go hiidinga gilaadeu ne gidee mee alodahi aana ne hai i Taonga Hagasili i Jerusalem, go hiidinga gilaadeu ne hulo hogi gi taonga laa.

John 4:45 Iomraidhean Croise

Luke 13:1

De masavaa laa gai e hanu i magavaa o dangada ne tala ange gi Iesu dagodo o de gau Galilee a Pilate ne daa laa ga maakau, ga hilo ange olaadeu dodo gi alaadeu sigidaumaha.

Luke 8:40

Gai ga ahe huu Iesu gi de baasi laa o de vai, gai dangada ga abodonu ange gi de ia, go hiidinga gilaadeu alodahi e tali ia.

Luke 9:53

Aagai dangada i kilaa tee abodonu ange gi de ia, go hiidinga ia ne hagasoe e hano gi Jerusalem.

John 2:23

De masavaa oona e noho ai i Taonga Hagasili i Jerusalem, gai ne soa dangada ne hagadonusia dono ingoo, i delaadeu gidee denga hagailonga aana ne hai.

John 3:2

Taane nei ne humai gi daho Iesu i de boo, ga ssili ange gi de ia, “Tangada Agoago, gimaadeu e iloo, bolo koe se dangada agoago ne humai i daho de Maadua. Gai e deai ange donu se dangada e maua i de hai denga hagailonga aau e hai naa, noo de Maadua e dee noho i ono daha.”

John 4:54

Deenei de lua hagailonga a Iesu ne hai, i dua dono ahe mai i Judea gi Galilee.

Deuteronomy 16:16

E dolu hanonga i de ngadau o denga daane alodahi i oodou magavaa e loomai ai gi mada luu mada o Tagi Maolunga doodou Maadua, i de mommee aana e hili: go de masavaa o Taonga o Pelaoaa Dee Hagahua, ma Taonga o denga Uvigi, aama Taonga o denga Baasi Hale. Gai e deai donu se daane e ngadi humai gi mada luu mada o Tagi Maolunga: