John 4:24 - De Beebaa Dabu

²⁴ De Maadua se hagasaalunga, gai gilaadeu e daumaha ange gi de ia gi daumaha ange gi de ia i de hagasaalunga aama de mee abodonu.”

John 4:24 Iomraidhean Croise

Psalm 145:18

Tagi Maolunga e baa ange gi gilaadeu e hagahia ange ia; go gilaadeu alodahi e hagahia ia i de muna abodonu.

Psalm 50:23

Tangada e haia de hagaahe mai de abodonu go dana sigidaumaha e hagadubu au, gai au e hagaago ange gi tangada e seesee i de heohi de hagaola a de Maadua.”

Psalm 51:17

Gai denga sigidaumaha o de Maadua e lodo ai go de daemaha de lodo i baubau; de Maadua, koe e dee hagangadi mee de lodo e daemaha i baubau aama de dahuli de lodo.

Psalm 66:18

Noo au e daohi dahi baubau i ogu lodo, gai de Ia Aamua e dee hagallongo dagu dalodalo.

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

John 4:23

Gai e dae mai naa de masavaa, gai go iainei donu de masavaa, olaadeu e daumaha i de muna abodonu e daumaha ange ai gi Tamana i de hagasaalunga ma de muna abodonu, go hiidinga aanei donu gilaadeu a Tamana e ssala gi daumaha ange gi de ia.

2 Corinthians 1:12

Gai deenei demaau mee e tala tuhi ai, ma de tala hagadonu o tagi i omaau lodo: bolo gimaau ne hai hegau i de mee heohi i henua i lalo ma adu hogi gi goodou, i de lodo se muna abodonu, gai e dee se mee ne hai i de heiangi o henua i lalo, aagai mai i de abodonu o de Maadua.

2 Corinthians 3:17

Gai Tagi Maolunga go de Hagasaalunga donu, gai be go hee naa huu o de Hagasaalunga o Tagi Maolunga iai, gai iai hogi de ilaage.

Philippians 3:3

I hiidinga go gidaadeu donu de tuu dagaholiage abodonu, gai e daumaha ange gi de Maadua i de hagasaalunga ma de malangilangi i taadeu buni ma Klisdo Iesu, gidaadeu e dee tali hagalodolodo ange gi mee e hai i de angaanga.

1 Timothy 1:17

De Hodooligi e mouli laa ga hano ai, ia e deai donu se magau, gai e dee maua gi gidee i ganomada o dangada, gai go ia de Maadua abodonu. Hagadubulia ma de hagamahamaha ina ia ga hano ai e dee ngado mai. Amen.

1 Samuel 16:7

Aagai Tagi Maolunga ga hai ange gi Samuel, “Aude galo ange gi diiloo dono angaanga be go dono looloa, go hiidinga au e dee lodo i de ia; i hiidinga Tagi Maolunga e dee tilo dagodo o tangada bei de hai a dangada e tilo ai laa: gilaadeu e tilo mee alaadeu e gide, aagai Tagi Maolunga e tilo de lodo.”