John 4:18 - De Beebaa Dabu

¹⁸ Gai tagodo donu, koe gu dogolima oo bodu, gai taane oou e noho ai naa iainei e dee se bodu niiou. Se muna abodonu aau gu tala mai naa.”

John 4:18 Iomraidhean Croise

Genesis 20:3

Aagai de Maadua ne hakide ange gi Abimelek i de midi, ga hai ange gi de ia, “Tilo, koe e magau donu, i hiidinga o de hine aau gu kave naa; ia se hine gu hai bodu.”

Genesis 34:2

Gai Shechem, tama daane a Hamor taane Hiv, de hodooligi o de henua laa ne hedae ange gi de ia, gai ia ga hai gi de mahi Dinah, ga dagodo haisala ma ia.

Genesis 34:31

Aagai gilaadeu ga hai ange, “E aha, se mee heohi delaadeu hai demaadeu daina hahine bei dagodo o dahi hahine hai be se manu?”

Jeremiah 3:20

Aagai goodou e bei de hine vaivai dagodo e tili laa dono bodu, goodou dangada o Israel gu vaivai daakodo mai donu gi de au,” go Tagi Maolunga e hagadaba.

Ezekiel 16:32

Koe se hine dau bodu dagodo haisala! Koe e kii doo lodo i denga daane ange laa i doo bodu donu!

Ezekiel 16:35

Deenei ai, de hine hai be se manu, koe gi hagalaangona muna a Tagi Maolunga!

Numbers 5:29

Deenei de hainga ange gi de maagoda, i de masavaa o de hine dau bodu e dagodo haisala ai madali dahi daane gee, ga hai ai ga hakino gee ia,

Mark 10:12

Gai de hine e maavae ange gi dono bodu gai ga hai bodu ange gi dahi daane gee gu dagodo haisala donu.”

John 4:16

Ia ne hai ange gi de hine, “Hannoo hagahia doo bodu ma gooluu aahe mai kinei.”

John 4:17

De hine laa ne hai ange, “Au e deai donu sogu bodu.” Iesu ne hai ange gi de ia, “E heohi donu dau tala bolo e deai donu soo bodu.

John 4:19

Gai de hine laa ga hai ange, “Tangada aamua, au e iloo bolo koe se pelaabisi.

Romans 7:3

Gai ia e hagabinga bolo se hine dagodo haisala noo ia e hai bodu ange gi dahi daane gee, i de masavaa o dono bodu e mouli ai. Aagai noo gu magau dono bodu, gai ia gu ilaage mai i de hainga laa, ia gu dee dagodo haisala noo ia e hai bodu ange gi dahi daane gee.

Hebrews 13:4

Goodou alodahi gi hagadubu ina de hai bodu, gai dangada gu hai bodu gi dee dagodo haisala. Go hiidinga de Maadua e hagaduasala donu tangada hai be se manu, ma dangada alodahi e dagodo haisala.

Ruth 4:10

Gai au e kave hogi a Ruth de hine Moab, de bodu o Mahlon, e hai ai dogu bodu. Gai gimaau ga hai ai gi dee lilo de ingoo o demaadeu daina gu magau laa i honga dono alahenua, ma mai i daho dono huaabodu aama mai i dono aduhale. Anailaa nei gai goodou gu hai ai de gau hagadonu o mee nei!”