John 3:8 - De Beebaa Dabu

⁸ De madangi e ssau mai ga hano be go hee e hano laa aagena, koe e langona de leo o de madangi, aagai koe e dee iloo be go hee ne humai ai aabe go hee e hano laa aagena; gai e bei ai hogi dagodo o dangada gu haanau laa i de Hagasaalunga.”

John 3:8 Iomraidhean Croise

Psalm 107:25

Ia ne basa donu huu, gai gu ssau de madangi mmahi, ga hagabeabeau honga tai.

Psalm 107:29

Ia ne hai gi sili de madangi, gai gu malino honga tai.

Psalm 135:7

Ia e hai denga hagausinga gi loage i de bido laa o henua i lalo, gai ia e hai gi loomai denga uila madali de langi ma de hagasao mai de madangi i dana mommee doange mee.

Ecclesiastes 1:6

De madangi e ssau ga hano gi ngaage, ga lava ga dahuli ga hano gi ngaiho; gai de madangi e dahulihuli saele, ga lava ga ahe ange i dono haiava mau.

Ezekiel 37:9

Gai ia ne hai mai gi de au, “Tama a tangada, basa pelaabisi ange gi de madangi; tama a tangada, basa pelaabisi hai ange gi de madangi, ‘E hagadaba de Ia Aamua go Iahweh: De madangi i dege e haa o henua i lalo, ssau mai gi honga o de gau maakau nei, gi mouli ai gilaadeu.’ ”

John 1:13

gai gilaadeu e dee ni dama ne hagadili i de baasi gi de angaanga, be go lodo o de angaanga, aabe go de hagatau a dahi daane, gai go lodo o de Maadua.

John 3:7

Aude lele oo mouli i dagu hai adu gi de goe bolo koe gi ahe ange gi haanau hoou.

John 3:9

Nicodemus ne ssili ange, “Dee hee de hai e maua ai i de hai mee nei?”

Acts 2:2

Gai de masavaa laa donu huu gai gu humai dahi mee be se madangi mmahi i de langi ga hhao lo te hale olaadeu e nnoho ai laa.

Acts 4:31

Gai ga lava huu delaadeu dalodalo, gai gu ngalungalue de mommee olaadeu e hagabuni ai laa. Gai gilaadeu gu odi i de hoohonu i de Hagasaalunga Dabu, gai gilaadeu ga tala muna a de Maadua i de lo taane.

1 Corinthians 12:11

Duuhanga nei alodahi ni hegau mai i daho dahi Hagasaalunga daudahi, go de ia e vaevae ange mee nei gi dahi ma dahi, bei dagodo o dana hilihili.

1 Corinthians 2:11

E deai donu se dangada e iloo maanadu a dahi dangada, go de hagasaalunga donu huu i ono lodo laa. E bei ai hogi, e deai donu se dangada e donu ange gi maanadu a de Maadua, go de Hagasaalunga donu huu o de Maadua.

1 John 2:29

Noo goodou e iloo bolo Klisdo e heohi, gai goodou e iloo hogi bolo dangada alodahi e haia de mee heohi ne haanau mai i ono daha.