John 3:6 - De Beebaa Dabu

⁶ De mee e haanau mai i de angaanga se angaanga, gai de mee e haanau mai i daho de Hagasaalunga se hagasaalunga.

John 3:6 Iomraidhean Croise

Genesis 5:3

Gai ga 130 huu ngadau o Adam, gai ia ga hagadili dahi dama daane bei ono hagadulagi aama ono dagodo; gai ia ga hagaingoo ange ia go Seth.

Genesis 6:12

Gai de Maadua ga tilo huu honga henua i lalo, gai ia gu gidee bolo gu kona donu de hakino gee, go hiidinga hegau alodahi a dangada gu kona donu hakino gee.

Genesis 6:5

Gai Tagi Maolunga gu gidee bolo gu kona mmao de baubau o dangada i henua i lalo, gai alaadeu dahulinga ma maanadu i olaadeu lodo i masavaa alodahi go de baubau donu huu.

De Beebaa go Job 14:4

Goai e maua i de hai de mee gilimalali i de mee e dee gilimalali? E deai donu se dangada e maua!

De Beebaa go Job 25:4

E maua e dahi dangada gi heohi i mada luu mada o de Maadua? E maua e tangada ne haanau i daho de hine gi gilimalali?

Psalm 51:10

De Maadua, hagagilimalali ina ogu lodo, gai hagahoou ina de hagasaalunga heohi i ogu lodo.

John 1:13

gai gilaadeu e dee ni dama ne hagadili i de baasi gi de angaanga, be go lodo o de angaanga, aabe go de hagatau a dahi daane, gai go lodo o de Maadua.

John 3:7

Aude lele oo mouli i dagu hai adu gi de goe bolo koe gi ahe ange gi haanau hoou.

Romans 7:18

Gai au e iloo bolo e deai donu se mee danuaa daudahi e dagodo i ogu lodo, i de angaanga nei. Au e lodo e hai de mee danuaa, aagai au e dee maua donu i de hai.

Romans 7:25

De abodonu ange gi de Maadua i daho Iesu Klisdo Tagi Maolunga odaadeu! Deenei tagodo, au e hai hegau ange gi de hainga a de Maadua i ogu lodo, aagai dogu angaanga e hai hegau ange gi de hainga o de haisala.

Romans 7:5

De masavaa odaadeu e nnoho ai i lodo o de angaanga, gai de hainga e hagahai hegau de lodo haisala e dagodo laa i odaadeu lodo, ga hagadili ai hua e hidi mai ai laa de magau.

Romans 8:13

go hiidinga noo goodou e mouli i lodo o de angaanga, gai goodou e maakau donu; aagai noo goodou e daa gi maakau denga dahulinga o de angaanga i ssauaa o de Hagasaalunga ⌊Dabu⌋, gai goodou e mouli.

1 Corinthians 6:17

Aagai tangada gu buni laa ma Tagi Maolunga gu buni ma ia i dahi hagasaalunga daudahi.

2 Corinthians 5:17

Deenei ai, noo tangada gu noho i lodo o Klisdo, ia gu se dangada hoou. Mee duai gu llilo; tilo, mee hoou gu daamada.

Galatians 5:24

Gai dangada alodahi o Klisdo Iesu gu lava i de daa gi maakau lodo o de angaanga aama ana maanadu alodahi.

Ephesians 2:3

Gidaadeu alodahi ne mouli bei olaadeu dagodo i masavaa gu hulo, i taadeu hai lodo haisala alodahi o de angaanga, ma de daudali i lodo ma maanadu o de angaanga. Gai gidaadeu gu paba ange donu e hagaduasala i de lili ⌊o de Maadua⌋, bei dagodo o de gau ange laa.

Colossians 2:11

Gai e bei donu goodou gu tuu dagaholiage i doodou nnoho i lodo o Klisdo, i hiidinga goodou gu tili hegau baubau o de angaanga nei. Gai de tuu dagaholiage nei e dee se mee ne hai i lima o dangada, gai go de tuu dagaholiage a Klisdo.

1 John 3:9

E deai donu se dangada gu haanau i daho de Maadua e aheahe ange ga haisala, go hiidinga hua o de Maadua e dagodo i ono daha; ia e dee maua donu i de aheahe ange e haisala, go hiidinga ia gu haanau i daho de Maadua.