John 3:5 - De Beebaa Dabu

⁵ Iesu ne hai ange, “Ni muna abodonu, ni muna abodonu, aagu e hai adu nei gi de goe, noo tangada e dee haanau i de vai aama de Hagasaalunga ⌊Dabu⌋, gai ia e dee maua donu, i de ulu i de nohoanga hodooligi o de Maadua.

John 3:5 Iomraidhean Croise

Matthew 18:3

ga hai ange gi gilaadeu, “Ni muna abodonu aagu e hai adu nei gi goodou, noo goodou e dee daahuli bei dagodo o denga gauligi vaaligi, gai goodou e dee maua i de ulu i de nohoanga hodooligi o de langi.

Matthew 19:24

Au e hai adu ange gi goodou: e hai ngaohie ange de ulu o de gamelo i de haonga o de niila, i de ulu o tangada lava i de nohoanga hodooligi o de langi.”

Matthew 21:31

Goai de gilaau ne haia lodo o dono damana?” Gilaadeu ne hai ange, “Go tama madua.” Iesu ne hai ange gi gilaadeu, “Ni muna abodonu aagu e hai adu nei gi goodou, de gau hagabudu taagisese ma denga haahine hai be ni manu, e ulu i de nohoanga hodooligi o de langi i oodou mada i mua.

Matthew 28:19

Deenei ai, goodou hulo haia gi hanu agu dangada agoago i denga huaahenua alodahi, ga babudaisi gilaadeu i de ingoo o Tamana ma Tama aama de Hagasaalunga Dabu,

Matthew 3:11

Au e babudaisi goodou i vai i de daahuli oodou lodo, gai de ia e humai i ogu dua e maolunga ange i de au; au e dee bau ange gi de aau ono mee vae. Ia e babudaisi naa goodou i de Hagasaalunga Dabu ma de ahi.

Matthew 5:20

Au e hai adu gi goodou, noo oodou heohi e dee kii ange i heohi o de gau sisi ma denga Pharisee, gai goodou e dee ulu donu i de nohoanga hodooligi o de langi.

Mark 10:14

Gai de masavaa huu a Iesu ne gidee ai de mee nei, gai ia gu bole, gai ia ga hai ange gi ana dangada agoago, “Dugua denga gauligi vaaligiligi gi loomai gi ogu daha, goodou aude buibuia gilaadeu, go hiidinga niiolaadeu donu de nohoanga hodooligi o de Maadua.

Mark 16:16

Gai be goai e hagadonusia ga babudaisi gai ia e hagamouli. Aagai be goai e dee hagadonusia, gai ia e hagaduasala donu.

Mark 9:47

Gai noo doo ganomada e hagahaisala goe, gai koe laoa mai dilia. E danuaa ange doo ulu i de nohoanga hodooligi o de Maadua ma dahi ganomada, i doo tili ange gi lo te ahi ma luoo ganomada ngaadahi,

Luke 13:24

“Goodou hagaduu ngae gi ulu goodou i de haitoga mada damaa mee; go hiidinga e soa naa dangada e hagatale de ulu ai gai e dee maua e gilaadeu.

Luke 13:3

Au e hai adu gi goodou, e deai! Aagai noo goodou e dee daahuli oodou lodo, gai goodou alodahi e odi naa donu hogi i de maakau.

Luke 13:5

Au e hai adu gi goodou, e deai! Gai noo goodou e dee daahuli oodou lodo, gai goodou alodahi e odi donu i de maakau bei olaadeu dagodo.”

John 1:13

gai gilaadeu e dee ni dama ne hagadili i de baasi gi de angaanga, be go lodo o de angaanga, aabe go de hagatau a dahi daane, gai go lodo o de Maadua.

John 3:3

Iesu ne hai ange gi de ia, “Ni muna abodonu, ni muna abodonu, aagu e hai adu nei gi de goe: noo tangada e dee haanau hoou, gai ia e dee maua donu gi gidee de nohoanga hodooligi o de Maadua.”

John 3:4

Gai Nicodemus ne ssili ange gi de ia, “Dee hee de hai o tangada, e ahe ange ai e haanau noo ia gu se dangada madua? E maua e ia i de ahe ange e ulu gi lo te dinae o dono dinana e haanau mai ange ai?”

Acts 2:38

Peter ne hai ange gi gilaadeu, “Goodou alodahi daahuli gee i oodou haisala, ga babudaisi i de ingoo o Iesu Klisdo, gi maatala ai oodou haisala. Gai goodou ga kave ai de mee ngadi gaamai go de Hagasaalunga Dabu.

Acts 3:19

Deenei ai, goodou daahuli oodou lodo gi sooloa ai oodou haisala, gai gi humai ai de masavaa o de ilaage i daho Tagi Maolunga,

Romans 14:17

Go hiidinga de nohoanga hodooligi o de Maadua e dee go gai ma mee unu, aagai go de heohi ma de baba aama de malangilangi mai i daho de Hagasaalunga Dabu.

Romans 8:2

Go hiidinga de hainga a de Hagasaalunga o de mouli gu hagailaage au mai i ssauaa o de hainga o de haisala ma de magau, i hiidinga o Klisdo Iesu.

1 Corinthians 15:50

Denga daina, au e tala adu de mee nei: kano ma dodo e dee maua i de ulu i de nohoanga hodooligi o de Maadua, gai de angaanga e magau laa e dee maua hogi i de kave de angaanga e dee maua laa gi magau.

1 Corinthians 2:12

Gidaadeu tee kave de hagasaalunga o henua i lalo, aagai ne kave de Hagasaalunga mai i daho de Maadua, gi maua ai e gidaadeu i de tonu ange gi mee a de Maadua gu ngadi gaamai gi gidaadeu.

1 Corinthians 6:11

I mua gai hanu goodou e dagodo bee nei. Aagai iainei goodou gu hagagilimalali ma gu vvae gee ma gu hai gi dabu, goodou gu hagaheohi i de ingoo o Tagi Maolunga go Iesu Klisdo aama ssauaa o de Hagasaalunga o taadeu Maadua.

Galatians 6:15

Gai e deai donu haigamaiana taadeu tuu dagaholiage aabe go taadeu dee tuu dagaholiage, gai de mee hagamogomogo go de mouli hoou.

Ephesians 5:26

gai ia ga hai ai gi dabu de nohoanga dabu i dana hakaugau ia i vai o muna a de Maadua,

1 Peter 1:2

go dangada ne hili bei dagodo de iloo mee o de Maadua Tamana, gai gu hai gi se huaadangada dabu i ssauaa o de Hagasaalunga ⌊Dabu⌋, gai gi hagallongo ange ai gilaadeu gi Iesu Klisdo ma de hagagilimalali i ono dodo: Gi laumalie de abodonu ma de baba i oodou daha.

1 Peter 3:21

Gai de babudaisi e hagadagodo ange gi de mee nei, go de babudaisi e hagamouli ai laa goodou iainei — e dee go de aau gi deai gelegele i odaadeu angaanga, aagai go de dangidangi ange gi de Maadua gi hagagilimalali ina tagi o de lodo, i hiidinga de mouli age o Iesu Klisdo,

1 John 2:29

Noo goodou e iloo bolo Klisdo e heohi, gai goodou e iloo hogi bolo dangada alodahi e haia de mee heohi ne haanau mai i ono daha.

1 John 5:1

Be goai e hagadonusia bolo Iesu go de Klisdo ne haanau donu i daho de Maadua, gai be goai e aloha i tamana e aloha hogi i tama ne hagadili laa i ono daha.